صالون سيرياستوكس للعطلات(31ت1-1-2-3 ) تشرين الثاني-2013

[مجد]

مساء الخير

[omar1964]

اقتباس: المشاركة الأصلية كتبت بواسطة رندة    يسعد أوقاتك أخت هزار نحن فخورين انو في عنا مشاركات مفيدة وراقية متل مشاركات الاساتذة عابر و عمر ( ومشاركات معظم المتابعين المثابرين في الصالون هيك ) وهنن مكسب للصالون بوصفن ثقافة عميقة مع تواضع ونشاط بدك تاخدي هالشئ بعين الاعتبار وقت بدك تعلقي على مشاركاتن اذا كان ولابد

يسعد اوقاتك مدام رندة
سيدة الصالون المتواضعة
شكراً كتير الك عالرد و التوضيح
الحقيقة أنا من أول ما سجلت بالمنتدى و انا سعيد جدا بالمستوى الراقي و المهذب للحوار
و بمشاركاتك القيمة و المختارة بعناية و كتاباتك باسلوب رصين تعلمت منو كتير
و طبعا مشاركات الاستاذ عابر باسلوبه السلس و العميق ..
و من الاستاذ غسان الاسلوب الادبي المبدع
و أكيد مشاركات جميع الاخوة المميزة
تعملت منكم الكثير و يمكن اذا كان كتبت شي شغلة منيحة بيرجع الفضل لكم و لقرائتي لما تكتبون..
انا ما رديت على مشاركة اختي الصغيرة هزار.. منشان ما يصير سجال و جدال ..
المسألة بالنسبة الي مو تسجيل نقاط أبدا
و نرجع نعيد و نتجادل و نعبي صفحات بدون فائدة أو جدوى ..
الصالون بالنسبة الي هو مساحة الحرية للفكر و العقل و راحة النفس..
طموحي ان يحافظ الصالون على هذا المستوى الراقي ..
أعتذر عن أي تعليق قد يكون أزعجكم و شكرا لكم جميعا

[seraj]

[omar1964]

اقتباس: المشاركة الأصلية كتبت بواسطة هزار    طيب ماشي حقن عليي أنا مو شايفة حضراتن شخصي مشان هيك نسيت انهن أكبر مني مع اني مو قاصدة باسلوبي سخرية ابدا كنت آخدة عخاطري لأن.. يعني كنت زعلانة مو سخرية بعتذر من حضراتن " سيد عمر و سيد عابر" وصلتن كلماتي بطريقة خاطئة كمان يمكن لأن هنة نسيو اني صغيرة بالعمر وبحاجة لعطفن لأن بعرف قلبن كبير :-))) وصباح مبارك للجميع و خص نص السيد عابر و السيد عمر أكتب لكم باللون الأحمر لتدوم المحبة أكثر ;-)))

صباحك و مساكِ فل و ياسمين
بعتذر عن تأخر الرد الصبح يا دوب الحق اقرأ المشاركات بسبب العمل
اليوم سبت و أول شهر و كان عنا زحمة شغل الحمد لله
بالاضافة انو النت اليوم كتييييير بطيئة
و هلق حتى صحلي رد ..
بس سؤال صغير آنسة هزار ليش بتختمي مشاركتك بهالكلمة
" شكرا قلك :-))) "

[omar1964]

اخت ياسمينة
مساء الخير
تعليقاتك مهمة كتير و فيها صدق و عفوية و مباشرة
بس عم نضيع لما بتجمعي 5 أو 6 مشاركات سوا ..
الاعضاء بالصالة بكتبو صباح الورد مشاركة
سعر الدولار في غربستان مشاركة سعر اليورو في شمالستان مشاركة
و هيك بكون زود العدد
انت عم تعملي بالعكس
تحياتي

[هزار]

اقتباس: المشاركة الأصلية كتبت بواسطة omar1964    صباحك و مساكِ فل و ياسمين بعتذر عن تأخر الرد الصبح يا دوب الحق اقرأ المشاركات بسبب العمل اليوم سبت و أول شهر و كان عنا زحمة شغل الحمد لله بالاضافة انو النت اليوم كتييييير بطيئة و هلق حتى صحلي رد .. بس سؤال صغير آنسة هزار ليش بتختمي مشاركتك بهالكلمة " شكرا قلك :-))) "

لا لا تعتذر الوقت وقك سيد عمر أخي الكبير " بفتخر بأخوتي لقلو"

ما بعرف اذا بتقصد كلمة شكرا قلك أو الفيس هاد :-)))

اذا الشكر فا ما بعرف بتطلع عفوية مني بحس انو لازم اتشكر اللي قرا كلامي فهوة روح من وقتو ليقراه فأقلا شي قلو شكرا

أما بخصوص الفيس فهو تعبير عن الفرح أو الحزن و اللون الأصفر بيبعث الأمل بالنفوس فبغض النظر عن حالتو الما يبعث الأمل فبحب أبعث الأمل حولي و ما شوف حدا مدايق طعا بحاول ديما يكون سعيد

عنجد كتييير حبيت من حضرتك لما ناديتلي اختي الصغيرة بمشاركة سابقة عنجد شكرا لقلك انا كتير سعيدة :-)))


انت مافي منك شكراااا :-)))

[رندة]

كان الإمام أحمد بن حنبل مسجوناً في فقال :
" إن أعوان الظلَمة كلاب جهنم"..
سمعه الحارس الذي على باب السجن فقال له ياإمام : هل أنا من أعوان الظَلمة ؟
فقال له الإمام أحمد : " لا .. أنت لست من أعوان الظلمة ..
إنما أعوان الظَلمة مَن يخيطون لك ثوبك .. ومن يطهون لك طعامك ..
و من يساعدك .
أما أنت ..فمن الظَلمة أنفسهم

[هزار]

[رندة]

[هزار]

دع الأيام تفعل ما تشاء ..... وطب نفسا إذا حكم القضاء

ولا تجزع لحادثة الليالي ..... فما لحوادث الدنيا بقاء...

وكن رجلا على الأهوال جلدا ..... وشيمتك السماحة والوفاء

وإن كثرت عيوبك في البرايا ..... وسرك أن يكون لها غطاء

تستر بالسخاء فكل عيب ..... يغطيه كما قيل السخاء

ولا تر للأعادي قط ذلا ..... فإن شماتة الأعدا بلاء

ولا ترج السماحة من بخيل ..... فما في النار للظمآن ماء

ورزقك ليس ينقصه التأني ..... وليس يزيد في الرزق العناء

ولا حزن يدوم ولا سرور ..... ولا بؤس عليك ولا رخاء

إذا ما كنت ذا قلب قنوع ..... فأنت ومالك الدنيا سواء

ومن نزلت بساحته المنايا ..... فلا أرض تقيه ولا سماء

وأرض الله واسعة ولكن ..... إذا نزل القضا ضاق الفضاء

دع الأيام تغدر كل حين ..... فما يغني عن الموت الدواء

:-)))