صالة أسعار صرف الدولار وباقي العملات ليوم الأربعاء 24-7-2013

[مجرد إنسان]

اقتباس: المشاركة الأصلية كتبت بواسطة mak    شباب المتابعبين لأخبار الذهب...هل الآن نقطة مناسبة للخروج ام ما زال المسار الصاعد مستمر؟

اذا عم تشتغل عالدولار بيع وشراء .. القرار اسهل من الشغل على الليرة .. لانو ايام بتكون بالقمة وعلى وشك الهبوط بالنسبة للذهب ولكن ينطلق الدولار بسرعة صاروخية الى الامام مما يجعل ارتفاع السعر على السوري اضعاف انعكاس السعر العالمي .. وبزماني اكلت هيك مقلب وكتير بوجع القلب على فكرة ..

[شاري بالعالي ):]

اقتباس: المشاركة الأصلية كتبت بواسطة باسل غ    مية مرحبا مباركة طاعتك بدي منك تهدي حالك ولا تشتري حتى لو صحلك على 190 ولا تخاف وانت سامحتني الله يجزيك الخير بس انا ما بسامحك شو فكرك دخول الحمام متل خروجه والله ما ناقصني تقليب على التخت وطيران النوم اكتر مانو طاير يا اخوان بادارة المنتدى مرقولنا رسالة الاخ شاري_ الله يرضي عليكم على الخاص

بانتظار أخوتنا في الادارة على تمرير الرسائل عالخاص

[sam sam]

السلام عليكم
لاستاذ رامي مابحط ارقام من عندو اي خياليه
اكيد بحط لارقام حسب دراسه علميه اقتصاديه
( فكروا منيح قبل الشراء)

[شوفي مافي]

أبو لؤي الغالي

سؤالك بالفعل بريء بس إذا خلو البنوك تبيع وتشتري متل الصرافة رح تكتر الأيادي اللي بدها تنمد وتاخد ورح تقل حصة الصرافة من الكعكة وكلللللو متل ما بتعرف مقسوم متل مو كل شي بوقته حلو

قالولو لشعبان ليش ما بتجي بحزيران قلن أستنوا معي معي بجي وهي نحنا عم نستنا لعل القادم يكون أحلا مع أني دائم الظن بأن القادم أغلا ويمكن إذا صارو البنوك يبيعوا مع الصرافة لينط السعر أكثر وأكثر لأنه لا تنسى عندهن كلف تشغيلية ونفقات إدارية ومصاريف نثرية وهمولات بريستيج أعلى من الصرافة ولما بدك تنتظر رح تكون عم تنظر بصالة مكيفة ومكندشة مو بالشوب والشموس وهادا كاه حقوه مصاري يا أبو لؤي الغالي ورح تكسر البنوك أيدها وتشحد عليها وتورجي المركزي أنها عم تتحمل مالا طاقة لها به مشان تقص عمولات على كيفها

فلهيك خلينا على فرسنا العرجا أحسن وأوفر وأقرب للتقوى لأنك رح توقف بالشموس وتعرف أن الله حق حينها

[mak]

اقتباس: المشاركة الأصلية كتبت بواسطة مجرد إنسان    اذا عم تشتغل عالدولار بيع وشراء .. القرار اسهل من الشغل على الليرة .. لانو ايام بتكون بالقمة وعلى وشك الهبوط بالنسبة للذهب ولكن ينطلق الدولار بسرعة صاروخية الى الامام مما يجعل ارتفاع السعر على السوري اضعاف انعكاس السعر العالمي .. وبزماني اكلت هيك مقلب وكتير بوجع القلب على فكرة ..

طبعا قصدي عال ذهب \ دولار.......لأنو اذا بدنا نفوت بحسابات الدولار ليرة بنفوت بستين حيط!!

سؤالي كان عن لتجاه العام و نقاط المقاومة و الارتداد المتوقعة بالنسبة للدولار طبعا

[(( أبو جهاد ))]

السلام عليكم ورحمة الله وبركاته

الذهب شراء : 7600

الذهب بيع : 7800 - 7900

حلب

[مجرد إنسان]

اقتباس: المشاركة الأصلية كتبت بواسطة غالب    نرجو اعلامنا عندما يتوقفون يبدوك انك تحبذ ان يرتفع الدولار والذهب ويتوقف الباعة عن البيع ولا يتمكن المشترين من الشراء . لا اعرف يا اخي ماذا اقول لك ولكن احببت ان اقول لك ان مشاركاتك لم تعد تعجبني اطلاقا واتمنى ان تعيد النظر فيها . فليس جيدا ان تفكر هكذا ولك حرية التفكير ولكن سوف وقد ولعل وكلها امنياتك ضد مصالح المواطن السوري الذي يرغب باستقرار الاسعار ان لم يكن هبوطها فلماذا تروج للصعود لا اعرف فهل يمكن انت ان تعرف .؟؟

اخي ابو ألوي .. انا ما عم روج .. بس عم قول سلوك السوق بهيك حالات ..
وحتى وقت هبوط الجهتين مع بعض بتلاقي انو الصياغ ببطلوا يشتروا بحجة ما في سوري معن ..
يعني مثال حالتنا اليوم ..
الذهب : طلع الذهب باربع ايام مبلغ محرز ومسارو على الاغلب صاعد والصياغ يعرفون ذلك قبلنا ..
الدولار : كما تتابع انت وانا صاعد-بالنسبة لليوم ويمكن ليوم السبت- والصياغ كتير منن صاير صرافة كما هو معروف ...
صعود الجهتين مع بعض : يرفعون الاسعار بهوامش كبيرة وفي حالات جنون سعري يتوقفون عن البيع لان الصايغ راس مالو الذهب وليس العملة بالاصل وبخاف اذا باع ما يعود يقدر يشتري بدال اللي باعو بسعر ارخص ..
بعدين في ناس كتير حبابين نازلين بروسنا إلن زمان وهنن يحكوا على الهبوط والانهيار وال 120 ..
مع انها لم تكن اساسا ارقام منطقية .. ما شفتك اعترضت عليهن .
مع ان اشاعات من ذلك القبيل تضر بالمدخرين الذين هم غالبية المتابعين معنا وهو خلاف ما يتبناه المنتدى من وضع السعر الحقيقي منعا لغش الاعضاء والمتابعين !
ولك التحية

[غالب]

اقتباس: المشاركة الأصلية كتبت بواسطة rafek    كأنو السيد مؤيد مو مبين اليوم عسى ان يكون المانع خيراً

شكرا على سؤالك اخي رفيق

صديقي مؤيد ابو عمر 1 يهديكم السلام . راوتره بعافية نتيجة عودة الكهرباء بفولتية عالية .

وهو بعافية نتيجة ارتفاع حرارته من المشاركات بالمنتدى .

لذلك ادعو لراوتره بالاصلاح وادعو له بانخفاض الحرارة وخفوا عليه شوية وشكرا لكم جميعا .

[شوفي مافي]

اقتباس: المشاركة الأصلية كتبت بواسطة عابر مجيب    شكرا على التوضيح وأظن انك قصدت انتقادي لتقرير الأنروا أنا لا أصدق كثيرا الاحصائيات ، وعلى سبيل المثال لا الحصر ، تبين ان المدخنين يصابون بالسرطان ، ثم تبين أن غير المدخنين يصابون بالسرطان بدرجة أكبر . رقعوها بكل وقاحة ، قال شو! ... تدخين سلبي وهو أكثر ضرر على الصحة . وإلا ما بتزبط . وبيطلع عينات شاذة بيقصقصوها وشوية نتوءات بيبردوها ، وبيختارو أرقام مقبولة وتقرير يفضل يكون ملون ، وهيك بتجي الاحصائية 100 % ولا بأس الدكتور شوفتنتغاريش يعلق عليها طالما إسم اجنبي ، بيكون مقنع . كيف طلع معهم هالأرقام الذهبية مرة 10 ومرة 15 على ما أذكر ليش مو 12 و13 نفس الناتج . الحروب هي أساس تطور الشعوب وفيها أوجدوا البنسلين وبعدين السلفا ، وفيها بتتغير النفوس وبتتعايش مع حقيقة ان الدنيا قشرة بصلة هل لاحظ الدارسون التطور الذي طرأ على الفلسطينيين والوعى الجمعي لديهم ؟ أليس هذا بسبب أزمتهم ؟ في حين مازالت أكثر الشعوب العربية تعاني ميعة الصبا ! ما الذي طور أوروبا وأنضجها وحدث معاملها ؟ تلوث العالم كله من أمريكا ، لأن معاملها قديمة ، لا دمرتها حرب ولا احتاجت تجديد نحنا سآل أصغر ولد بالشارع بيقلك اللي ما لو عتيق ما لو جديد هههههههههههههه قلبتا مزح لأن الموضوع بيطول شرحو ، ولا بد من ايجابيات قد تساوي السلبيات وتزيد، تنتج عن التفاعل وخلط الأوراق . وانشاء الله الفتة الجاية بيطلع معك الجوكر . معذرة للإطالة مع عدم تنسيق الموضوع .

وجود القيم المتطرفة لا يعطينا الحق في إقصائها أو أستبعادها من العينة الإحصائية بل أن وجودها يكون واضحاً وضوح الشمس في كبد السماء لأنها تعطي المنحى البياني شكلاً متفرطحاً غريباً وتغاضينا عن جودها لا يحول دون الوجود الواضح لها
أنت ذكرت بأنك مشكك ومستنكر ومستهجن ومستبعد لا بل منافي تماماً للنسبة هذا رأيك ولكن ليس هناك ما يحول دون وجود هذه النسبة شأنا أم أبينا رضينا أم لم نرضى لمسناها أم لم نلمسها

وجود صبغيات أقل من 46 صبغي لدى مولود مصاب بمتلازمة داون مع عدم إكتشاف الأطباء لها لا ينفي وقوعها وهنا دور الطب المتطور في تسليط البحث العلمي وتجريد العين الفاحصة لإكتشافها قبل تفاقم الحالة وإستحالة الشفاء.

والله شكلو النوم مأثر عليك لأنو الفتة كانت تريكس وأنت مفكرها كون كان وعم تشغل تفكيرك لتعرف الجوكر مع مين وهوه أساساً برات اللعبة

يالله بتصير مع كتير من اللعيبة الصايمين ههههه

[homam]

انا حابب وضح شغلة يمكن الغالب بيعرفها والبعض غافل عنها
لما كان سعر الدولار بالسوق السودا يوم11/7/2013 260/280 كان سعر تدخل المركزي 130/131
ولما نزل سعر الدولار بالسوق السودا يوم 18/7/2013 180/190كان سعر تدخل المركزي 105.03/105.67
االيوم سعر الدولار في السوق السودا بتاريخ 24/7/2013 لاحسن سعر هوو 200/210 وعلى الرغم من هيك سعر التدخل للمركزي 130/131
في مجال يشرحلنا الي بيعرف السبب هل المركزي ناوي يترك السعر لل 280