سعر صرف الدولار مقابل الليرة 28-3-2012 بالسوق السوداء

[GoldMan$]

اقتباس: المشاركة الأصلية كتبت بواسطة salam l    شكر خاص على مشاركات الاخوة هشام طيارة... بشر... احمد الشريف.. ماهر ابو عدنان... والاخ اللي من اللاذقية بس للاسف مابعرف اسمو هههههه ولكل مين عم يحط الاسعار وبالاخير بتطلع صحيحة..... وطبعا والمشرف محمد... كنا رح ننساه ههههههههههههههههههه

ومني ايضا شكر للجميع



وتصبحوا على الف خير

[Eng. Hassan]

اقتباس: المشاركة الأصلية كتبت بواسطة ahmad hamdi alsharif    صديقي العزيز اذا المركزي اشتراهم ورجع باعهم رح يخسر ليرتين وهنن 5 مليون دولار يعني رح يخسر فعليا 10 مليون ليرة سورية بس بالمقابل هو حط خبر وإعلان بالصحف إنه شركات الصرافة تبيع المركزي 5 مليون دولار فائض عن حاجة السوق يعني بهذا الكلام العالم كلها رح تصدق وتفكر إنه السوق صار مستقر وبالعكس فيه فائض بالدولار والدولار رح ينهار امام الليرة يعني المكسب الاعلاني كبير جدا بمقارنة حقه 10 ملايين ليرة هذه ناحية الناحية الثانية من ورا هذا الاعلان فيك تتصور كم عدد الاشخاص الموجودين في سوريا والذين سيقومون ببيع دولاراتهم خوفا من وصول الدولار الى 60 big grin يعني يمكن المركزي ماعاد يحتاج ليضخ دولار بس بحط سعر التدخل والعالم بتنزل السعر لحالها وضاعت الطاسة تحياتي وإذا خربطت أنا في تحليلي فلكل مجتهد نصيب من أجتهد فأصاب فله أجران ومن أجتهد ومن لم يصب له أجر واحد تحياتي ودمت بود

مشكور أخي أحمد على مجهودك الطيب وأنا أردت أن أناقش موضوع شراء المركزي بسعر أعلى من سعر نشرة التدخل ؟
وممكن تكون " بروبغاندا إعلامية " متل ما قلت على كل حال المهم بالنهاية النتيجه وإنعكاسها على تحسن سعر صرف الليرة السورية
بس ماعم لائيها ظابطة بحئوا

[najm]

اقتباس: المشاركة الأصلية كتبت بواسطة economic opinion    فعلاً أخ نجم ظبطت معك وتحقق أحد الاحتمالين يلي إنت ذاكرهون بالضبط

أشكرك أخت روان رأيك فيني مهم بهلخصوص
بس ظلمتيني شوي !
هيك بتكون كل توقعاتي صح مو بس احتمال واحد

[محمد ابو علي]

الاهم من انخفاض الدولار هو...
انخفاض اسعار المواد وخصوصا الاساسية
وبالاخص قوت الناس الذي تلاعب به تجار الحروب
هذا تقريبا هو السعر الحقيقي المتوافق مع معطيات الازمة
وكما قلت في كل مشاركاتي السابقة
ان السعر فوق ال70 هو سعر وهمي
لكن
اذا استمرت الازمة لاسمح الله
سيصل الدولار الى اسعار لاسقف لها وسيكون آن ذاك
سعرا حقيقيا
يتخلله ارتفاعات وهمية كما حصل هذا الشهر

[Ahmad Hamdi AlSharif]

اقتباس: المشاركة الأصلية كتبت بواسطة shereen    حذفولي مشاركتي بس خليها ببالك للمشاركة مشان تتذكر حكيي صحي بقديش سكر السوق نهائيا شراء على 68 او 69

أنسة شيرين أو الأفضل لي أنا بحب ناديكي الليدي شيرين بدي ياكي تعرفي إنه انا مالي ضدك ئلك كشخص بالعكس أنا معاكي بكل شي 100% بس أنا بخاف من شغلة مهمة عايش فيها وهي انعدام الثقة في سوريا بكل شيء يعني انا التاجر لما بيحلفلي إنه مابيقدر يبيع بضاعته بسعر أقل لآنه راسمالها أكثر من هيك أنا مستعد إحلفله كمان 100 مرة إنه هو كذاب وبده يسرقني والسبب إنه نحنا هون عايشين بمجتمع ذئاب للأسف ويمكن بأي لحظة تنهار البلد بس نحنا بيبقى علينا أمر واحد أمام الله إنه مانكون نحنا قائدين الفتنة وانعدام الثقة يعني بمشاركتك السابقة في حال كانت صحيحة لاسمح الله بتعرفي انه البلد بتنهار بأقل من يوم واحد وممكن يصير الدولار بمليون ليرة سورية لذلك عندما تريدين النقاش في مثل هذه الأمور يجب عليكي الانتباه جيدا الى مدى صحة المصدر الذي ينقل الخبر تحياتي لكي واذا بتحبي تصيري تعرفي وضع السوق خلال النهار بشكل لحظي هذا رقمي ********* وأتمنى بالنهاية أن تتفهمي أمر مهم وهو أننا جميعا أخوة في المنتدى ونبحث عن المصلحة العامة .

[najm]

أشكر باسمي وباسم بعض الاعضاء والزوار في المنتدى المشرفين والادارة
على ترحيبهم بكل المنتسبين الجدد الذين للولاهم لما كان هناك مشاركات في الاساس

[Ahmad Hamdi AlSharif]

هههههههههه على راسي أخ هشام بشرفي شو بدك بالحكي أحلى من التشفير مافي و هي رقم ثاني ********** اذا بتحذروا ئلك مني 10000 $ على سعر 50 ليرة

[hesham]

اقتباس: المشاركة الأصلية كتبت بواسطة ahmad hamdi alsharif    هههههههههه على راسي أخ هشام بشرفي شو بدك بالحكي أحلى من التشفير مافي و هي رقم ثاني ********** اذا بتحذروا ئلك مني 10000 $ على سعر 50 ليرة

عذرا اخي احمد الغالي
هذه قوانين المنتدى ( علما انها لمصلحة جميع الاعضاء )
ويمكن لمن يرغب التواصل عبر الرسائل الخاصة ( المتوفرة في المنتدى ) مع من يرغب من الاعضاء وارسال رقم هاتفه وايميله
عذرا مرة اخرى

[Eng. Hassan]

اقتباس: المشاركة الأصلية كتبت بواسطة hakeem    شكرا أخ حسان رح حاول ودورلي على شي صايغ منيح بحلب (ابن حلال)

اقتباس: المشاركة الأصلية كتبت بواسطة hakeem    لأنو حسب علمي ليرة الدهب فيا غش كتير..

أهلين أخي حكيم إذا مالك مضطر تجزء المبلغ لأجزاء صغيره بنصحك بشراء الأونصات وبما أنك رح تدفع بالدولار فتأكد من سعر الأونصة عالمياً قبل الشراء مباشرةً وتأكد أنوا تكون مجلتنه وطلوب الفاتورة مختومة من جمعية الصاغة وهيك بتكون ضمنت حقك ...
والله يختار لك الخير

صحيح لا تنسى تصلي صلاة الإستخارة ففيها البركة ودمت بخير

[مجرد إنسان]

شكرا لمن يضع سعرا عمليا للشراء والبيع الفعلي
على فكرة : في ناس دخلت المنتدى من وقت ما بدأ الهبوط بعد ال100 وصاروا يحطوا ارقام غير منطقية وغير واقعية بالمرة ، مبارح في واحد حط سعر 69 مدري 68 ..!!
والفعلي كان 70 وفوق !!
يعني شوفولنا حل ، يبدو أن موضوع الدولار هنا أصبح أكبر مروج للاشاعات
الأسعار واضحة وليس فيها لبس ، بعض الاعضاء يضعون اسعار واقعية ولازم نعمل تصويت على مين سعرو واقعي وصحيح حتى الناس ما تلتفت لمروجي الإشاعات ، الظاهر في كم صراف كبار مع البنك المركزي وظفوا كم واحد يستلموا الموقع ويدوخونا !