صالة أسعار صرف الدولار والذهب وباقي العملات مقابل الليرة السورية ليوم السبت 09-11-2013

[osama khaled]

اقتباس: المشاركة الأصلية كتبت بواسطة jamal80    المهم يتفقوا و يخلصونا و بعدين لكل حادث حديث. اشتقتنا لوقت لما يكون سهران عنا حدا نقلو لوين قايم يا زلمة بكير لسا ما صارت 12 .. مو نقلو قوم رجاع عبكير عتمت الدنيا اشتقتنا لما كنا نقعد نفكر وين بدنا نطلع بالصيف لنغير جو عاللاذقية ولا طرطوس ولا الوادي .. مو نفكر وين بدنا نروح إذا صار عبيوتنا شي اشتقتنا لطلعتنا كل يوم عطلة نتغدا بمكان شي بالزبداني وشي ببلودان وشي بالفيجة .. مو نطلع كل يوم خميس من بيوتنا ونرجعلا يوم الأحد لأنو ساكنين بمناطق متوترة اشتقتنا لريحة الكعك و المعمول أيام الأعياد طالعة من كل البيوت .. مو لريحة الموت والحزن يلي معبية الشوارع اشتقتنا لأصوات الولاد وهنه عم يلعبوا .. مو لصريخون وبكاهون بعد كل تفجير و بعد أصوات الرصاص اشتقتنا نرجع نشوف كل الناس يلي سافرت و هربت من الوضع الحالي .. مو للهدايا يلي ممكن تجينا من شي مغترب اشتقتنا لرفقاتنا يلي استشهدوا اشتقتنا لريحة الأرض بعد المطر بإختصاار اشتقتنا لسورية

كلام رائع والله اللي صاير كابوس انشالله منطلع منو نحنابالغربة قبل الازمة عايشين بالغربة عأمل كم يوم عطلة ننزلون و نشحن حالنا لانو الغربة بتموت القلب بعد الازمة مجرد شعور انك ما رح تنزل بسبب الحرب هو اصعب من الغربة بملايين المرات شكرا

[عبدالقادر]

انسة شيرين هو يصير انشاء الله وكلو يهون ولو صارالمؤ تمر وصارت البلد متل العسل دولارك فوق 300و400عندك ديون غندك اعمار عندك استيراد عندك احتياطي ما في العراق كل هالنفط العندون وماحسنو يجلسو الدينار من 15سنة بقا اذا حكيتلك انو جنيف ولو صار الامور للاسوء فخليني ساكت الله يكون بعون هالعباد

[انس الحموي]

حماة الان شراء 145.....مبيع 146.5

[جوليت]

دمشق الساعة 8:30
145 - 141

[انس الحموي]

اقتباس: المشاركة الأصلية كتبت بواسطة osama289    خيي انس انت اخي الذي لم تلده امي ونحنا من بعدك ولو بس فعلا بوقتها هيك كان السوق وتم الشراء على هذا المبلغ وقلت بحط السعر حتى شيل كتف عنك الله يقويك انت ما بتستاهل الا الخير لانك من اطيب الناس ياجماعة اللي بيشارك هالرجال بحياتو ما بيخسر لان اذا ما ربح ماديا بيكون كسب شخص قليل من امثالو

ياريت تشيل عني شوية كتف خصوصا بالمنتدى ...وعفكرة اسعارك دقيقة كتير وبنفس اسعاري ويلي ما بيعرف اسامة بحب قول معلومة انو اسامة قريب من مركز السوق وتجمع الصرافين ..... ونصيحة للكل ...احيانا صرافين بحطوا سعر رخيص منشان يكسبوا شراء بسعر رخيص ولو اضطروا لبيع كمية معينة بسعر رخيص ...منشان هيك لازم كل واحد ينقل الاسعار اقل كمية يشوفها ويسال عنها 10 الاف دولار وتكون متوفرة للبيع قبل الشراء ومن سعر المبيع فيكم تعرفوا سعر الشراء

[Ryad]

اقتباس: المشاركة الأصلية كتبت بواسطة m-pmp    مسالخير اصدقائي،،، كيفكم فردا فردا،، سامحوني كنت تعبان شوي اليوم --- دولار عروسة الساحل شراء 143 مبيع 147 قولا واحدا ممكن مبيع بسعر اقل من هيك للجملة "مثلا 15 او 20 وفوق" ---

اخي خدني على عقلي
يعني بقدر اشتري ب120 او 115 مثلا
و من اخرتا و بلا زعل بس عم تتمسخر علينا شي؟؟؟؟؟


التعديل: اخي انا ما حبيت امحي او غير تعليقي و حابب اعتزر منك مقدما لأني فهمت عليك غلط
و حقك عليي

[انس الحموي]

اقتباس: المشاركة الأصلية كتبت بواسطة Ryad    اخي خدني على عقلي يعني بقدر اشتري ب120 او 115 مثلا و من اخرتا و بلا زعل بس عم تتمسخر علينا شي؟؟؟؟؟

اجيت بدي وضح الامر ...فلقيت كاتب بتوقيعك ياداخل بين البصلة وقشرتها ما بنوبك غير ريحتها فترددت وضح الامر ...قصدوا انو يمكن تحصل سغر اقل من 147 لكميات ال15000 و 20000 دولار

[عبدالقادر]

هلق صارفينا نقول مرنهار وودعناه وهل اليل بسكونو حبيت امسي عالغاليي قبل ماتتغمض عيونون

[جوليت]

اعتقد غدا الذي سيحدد استمرار الانخفاض او لا .. هو :
- طريقة تعامل شركات الصرافة مع السوق (طرف للجهتين )
- اذا ماكان المصرف التجاري سيستمر بأخذ الدولار أم لا, مع عدم البيع , وعلى اي سعر ان كان سيأخذ (طرف تابع للمركزي)
- السيولة المتوفرة بريف حلب (عامل بعد ان كان طرف )
-المزاج العام الشعبي (عامل )
برأي سيناريو ماقبل الارتفاع الاخير غير سيناريو مابعد الارتفاع , الطرف الرئيسي قبل الارتفاع كان ريف حلب الشمالي , الان اصبح ريف حلب الشمالي عامل من العوامل وليس طرف وعاد الامر مرتبط بين طرفين فقط مركزي وسوداء مع عوامل محيطية مؤثرة (كريف حلب الشمالي )
---------------------------------------------------------------------------
المؤشرات :
1- الخميس مركزي تدخل بعدم التدخل من منطق القوة
2- سيولة متوفرة بريف حلب
3-السوق انخفض اليوم بمقدار يتراوح بين 5 - 6 ليرات
4- المزاج الشعبي خوف من استمرار الانخفاض وتردد وانتظار الرقم الذي ستحدده شركات الصرافة والاهم رقم المصرف التجاري السوري
5- والاهم ان قام المركزي بخطوة تشجيعية من تحت الطاولة واستندت على تصريح حاكم مصرف المركزي البارحة " لن نتردد بالمحافظة على المستويات القياسية التي وصل اليها سعر الصرف " ,والسؤال عن اي مستويات قياسية يتحدث طالما قال انه غير معترف بالارقام التي وصل اليها الارتفاع السابق والشركات قالت ذلك ايضا "وجاء اليوم ليؤكد جزء من كلامه ( حتى لو كان له دور اليوم بتخفيض السعر قليلا )لاخراجه للمزاج الشعبي بما يدعم الكلام الذي قاله مؤخرا
---------------------------------------------------------------------

[Maher_mla]

البوكمال
140---143