صالة أسعار صرف الدولار وباقي العملات ليوم الاثنين 22-7-2013

[Sadi82]

اقتباس: المشاركة الأصلية كتبت بواسطة شاري بالعالي ):    الأخوة المحترمون صباح الخير أنا اشتريت عالعالي يعني بحدود 265 , واكلتها بالمشرمحي بدي نصيحة من الخبراء : عم فكر بيع هلق واشتري عالواطي لأنو المركزي شكلو جدي هالمرة بتنزيل السعر ل 150 على الأقل ناطر ردودكم وشكرا

انا لو كنت مكانك و كان المبلغ للادخار
اكيد ما ببيع
اما اذا كان المبلغ للتجارة و الشغل ممكن بيع قسم فقط
لأن السوق غير مستقر و ما حدا عرفان ايمتى رح يرجع يطلع[/size][/color][/font]

[ABO MARWAN 2]

السلام عليكم
بداية انا من معجبي هذا الموقع الرائع ومن السمعه الحسنة اقدمت على التسجيل به
و هذه أول مشاركة لي أتمنى ان تكون مفيدة للجميع
ريف حماة 202 شراء 208-210 مبيع

[حلبية]

اليوم مافي استلام حوالات عالهرم ولا غيره ... بحلب
︶︿︶

[خالد @]

اقتباس: المشاركة الأصلية كتبت بواسطة shereen    ياجماعة عم يقولو الصرافيين النظاميين ماعم يبيعو لا على الهوية ولا عالوزن فشو القصة

شكلها خلصت اللعبة االى اللقاء في حلقة جديدة من عشنا وياما حنشوف

[شوفي مافي]

صباح الخير جميعاً
الغالي سنان
إحتساب قيمة غرام الذهب تتم وفق المعادلة التالية

قيمة الأونصة/35.5 * سعر صرف الدولار = قيمة غرام الذهب 21 قيراط
قيمة الأونصة/41.4* سعر صرف الدولار = قيمة غرام الذهب 18 قيراط

العاملان 35.5 و 41.4 هما نتيجة تحويل سعر الأونصة إلى النوع المطلوب وينتج من حاصل جداء وزن الاونصة والبالغ 31.1 بالعيار الخاص بها وهو 24 لنقسم الناتج على 21 في حال كان مطلبنا أو 18 في حال كان مرادنا والله من وراء القصد في كل الأحوال.

ولا يسعني إلا وأن أستميح عذرا ً أخونا الياطر وهو بالفعل مرساة هذا المنتدى بالعرج في حارته ( عرج من عرجة القدم وليس من التعريج ) ولكن وتماشياً مع مقولة وهل يفتى ومالك في المدينة هل لك أخونا الياطر بأن تشرح لنا آلية حسبة نقابة الصاغة لسعر الذهب بناءً على قاعدة العرض والطلب وما هي العوامل التي تعتمد منهم في هذه الحسبة إن تكرمت.

ولكم مني جميعاً الشكر بالأعم وأخص كل من الأخوة رامي وغسان ومؤيد وغالب ودمتم

[$ABOUD]

اقتباس: المشاركة الأصلية كتبت بواسطة shereen    اوعك يااخي تبيع المركزي هللق عم يبيع من احتيطياتو مشان يهدي السوق شوي وعم يستغل الناس الدراويش مشان يبيعوه بالرخيص المركزي على حافة الافلاس بس ماعم يحكي يعني كل هالتضخم والعملة الجديدة المطبوعة بالمليارات بدون رصيد ومافي نفط ولا سياحة ولاتصدير فبكرة بدنا نترحم على 265 وقت يصير الدولار ب 500 وهالحكي مو مطول كتير عفكرة

كلام بمحلو ....

[Dynamic Pulse]

صباح الخير
السوق السورية بحاجة إلى ضخ حوالي 150000 يورو أو 200000 دولار يوميا لتثبيت السعر عند مستواه الحالي وكل مبلغ أكبر من ذلك يؤدي للإنخفاض التدريجي لسعر الدولار
بالنسبة لموضوع الودائع يعني إذا أنا عندي مليون من سنة باخدهم اليوم مليون ونص كاش وفورا
مستحيل
بتوقع أنن يقدموا للمودع من سنة فائدة 40% إبتداء من الآن إذا ضل مودع المبلغ سنة إضافية
و50% إذا أودع سنتين إضافيات
هالأمر رهان على إنتهاء الأزمة خلال سنة وإلا سنشهد معدلات تضخم خرافية بعد ذلك

[karmawii]

اقتباس: المشاركة الأصلية كتبت بواسطة shereen    ياجماعة عم يقولو الصرافيين النظاميين ماعم يبيعو لا على الهوية ولا عالوزن فشو القصة

عجبتني هي تبع الوزن ... قصدك الواسطة فيها مو هيك ؟

[شوفي مافي]

اقتباس: المشاركة الأصلية كتبت بواسطة dynamic pulse    هالأمر رهان على إنتهاء الأزمة خلال سنة وإلا سنشهد معدلات تضخم خرافية بعد ذلك

خرافية !!!!! شهدانها ومشي حالنا واللي بيعيش كتير بيشوف كتير خوفنا بكرة من معدلات التضخم الأسطورية

[yrajab]

بداية الله يعطيكن العافية جميعا والحقيقة هالموقع صاير مرجعية لعدد كبير من المتابعين
بينت أسعار الظهر في حلب؟؟