مجد

اقتباس:

المشاركة الأصلية كتبت بواسطة مجرد إنسان الحمد لله لبيتي : مونت للسنة كلها ^^ بس ما قبلت اشتري بكل راسمالي أغذية وخبيها لتخرب البلد .. قلت حرام ، ولهلأ لسا بقول حرااااااااام الاحتكار بالاغذية

في حال توفر المواد مافي مشكلة ان تمون لسنة .وماحدا قال ان تمون بكل راسمالك مونة .ف 100كيلوا برغل ثمنهم حوالي 5000ليرة !

__________________

مجد

اقتباس:

المشاركة الأصلية كتبت بواسطة عابر مجيب بيوم من أيام كنت بحفلة عرس ، صادف جنبي واحد ، لا بتعرفو ابن ريف ولا مبين ابن مدينة ، استغربت شو جابو هاد . الجماعة فوق فوق غريبة ! بدي أعرف مين هاد ! بعد شوي قال لي : كديش بدو العريس ليجي ؟ قلتلو هلأ على وصول يمكن ، والله وعلقنا نكيم سيرة ونحط سالفة وما خلينا . حكينا بالعملات حتى ! طبعا بعد شوي انسجمت ( آلشت )وانقلبت القاف كاف . كلتلو دخلك مبين مانك قليل وعم مازحو يعني هيك زلمة على نياتو ، شو كنت تشتغل بزمناتك ؟ كلي أنا كنت مدير البنك العربي بالأردن . تبلكمت وبلعت ريقي وقعدت ساكت للحظة . استجمعت رباطة جأشي ، كلتلو بتعرف الناس بيكعدوا بهيك مناسبات جنب محامي أو دكتور وبلاكوها فرصة وبياخدو استشارة مجانية . خلينا نعمل متلهم . ضحك يئبرني ! كلتلو هلأ إذا الواحد بدو ينام على عملة ويرتاح على شو ينام نومة طويلة متل أهل الكهف الكرام . كلي والله فيشي إلك إلا الدولار . كلتلو والاسترليني ؟ اليوم 2.07 دولار كلي حولهم وصل حدو الدولار ملك العملات (الله يذكرو بالخير الملك ما عاد بين ) . كعدت اتصفن طول الكعدة وردد ملك إي والله ملك وكبرت براسي وبعد كم يوم كلبت على الملك ، وما كذب خبر الاسترليني وتبهدل بعدها، وهدك يوم وهادا يوم . مع انو معمول على الدولار تحديد نسل وخلفتو كليلة بالبنك ، بس اسمالله بنية كوية . وكل ما بشوفو بكللو صباح الخير مولانا . تحياتي .

الف شكر اخي عابر على هذه المعلومات المفيدة .قليل هذه الايام ان نجد شخص يحب نشر تجاربه العملية المفيدةالتي هو مر بها اوينقل ما سمع من غيره اشياء مفيدة ليفيد غيره .وهذا من حسن الخلق والنشاة السوية .

__________________

مجد

اذا كنا اذكياء بحفظ مدخراتنا من التضخم .فعبقريتنا تظهر عندما نحفظ هذه المدخرات من اللصوص .

فكر بطريقة تحفظ نقودك من السرقة خاصة عندما تنتشر العصابات المسلحة واي مكان تفكر سيفكرون هم به لانهم وقتها سيسيطرون على عقلك وتفكريك !!

__________________

مجرد إنسان

وزع نقودك ، لا تحط كل بيضاتك بسلة وحدة ^_^
خبي عدة أجزاء متفرقة في أماكن متعددة

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

مجرد إنسان

لا في حرب عالمية ولا هم يحزنون ..
بكرة بيعطوا بوتين شوية أخضر بيسكت وبطنش وبطير وزير الدفاع
الموضوع يوضح ببساطة شلون الروس بيفكروا : المفاوضات في طريق مسدود
وحلف الاطلسي : هناك أجواء إيجابية
شي بيضحك ، كيف اللي خايف بحاكي حالو وبيعصب وبيتشنج على أهون سبب ..
لو روسيا بدا تعمل حرب فعلا ما كانت تركت البلقان ولا أوكرانيا ولا كانت خلت أمريكا تدخل أفغانستان
أفغانستان هي مربع الشطرنج المتقدم ضد روسيا والصين وتقف كحجر عثرة في وجه أي تحالف حقيقي على الارض بين الدولتين العظميين..
مرة عم أقرأ مقال حول الصين وأمريكا .. قال الصين لديها 1000 مليون انسان تستطيع انتخاب الكفاءات منهم لتنهض بنفسها ..
فكان الرد من الامريكان : لدينا 7000 مليون انسان ننتخب افضل الكفاءات منهم ويأتون إلينا !
لا تزال أمريكا بطلة الشطرنج الدولية ولن نرى قريبا أفولا لنجمها

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

مجد

[quote=مجرد إنسان;194410]وزع نقودك ، لا تحط كل بيضاتك بسلة وحدة ^_^
خبي عدة أجزاء متفرقة في أماكن متعددة[/quote

__________________

عابر مجيب

أنا يا صديقي ممكن أعطيك تحليل مختلف عن السوق ، تاجر العقارات مو فارقة معو ، بدو يطبق البيعة ، بيقول للشاري خود هاللقطة ، وبياخد البياع على جنب وبيقللو بيع يازلمة ما بيسوا بيتك هالقد .
بشكل عام لما بتشتري بيت على سعر السوق قبل انخفاض العملة بتكون ربحت فرق قيمة التصريف ، أحيانا بيطول الزمن ليصير التعديل مثلا :
كان الدولار 50 وصار 70 ، كان في بيت سعرو 5 مليون مثلا ، رح يصير سعرو 7 ملايين عاجلا أم آجلا . ورح تربح الفرق .
بيت كان سعرو 5 ملايين وبسبب الأحداث الساخنة نزل للمليونين رح تربح 3 ملايين وفرق العملة كمان .
طبعا النزول بسبب الأحداث يختلف باختلاف سخونة الحديدة . وبالتالي تبدأ الحكاية من مجرد مضايقة وتتدرج ، غاز مسيل للدموع ، مظاهرت واطلاق نار، قصف خفيف ، قصف مع هدم ودمار شامل . يعني ممكن تشتري بيت وبعدين تلاقي مجرد أرض أو كوم انقاض ! لأ وبدك تكمل هد وترحيل وبعدين تبني ، وهات إذا بتلاقي الجيران لتشتغلوا سوا ، وشوف بقا الورثة ....... ألخ
طبعا الشراء في المناطق الساخنة بخلاف المخاطر المذكورة ، لا بد من عمل دراسة بينك وبين ضميرك ومدى استغلالك لشخص مذبوح ! هل تشتري لحل مشكلته ؟ أم أنك تساهم في اكثار السكاكين عليه ؟!
لا تجعل لرغبة الربح سلطانا عليك يؤرق ضميرك مستقبلا، انت تحلم ببيت فلا تجعل من هذا الحلم عذرا يستحق استغلال ظروف الآخرين . البائع ما بظن كان عندو حلم التشرد .
اشتري بنور الله والله بيطرحلك البركة ، إذا ما توفرت الفرصة المعقولة ، بيكون لسا ما آن الأوان .
تحياتي .

expert

بوافقك الراي حاليا مافي حرب بمفهومها المعروف
انا قلت ارهاصات تحتاج زمنا.....
والحرب ليست بين دولتين عالمية يعني دول ضد دول
ولن نستطيع التفكير بروسيا و الصين وامريكا فقط
اذا رجعنا الى التاريخ ستجد اتفه الاسباب هي ما سبب اكبر الحروب
والحرب موشرط تكون بالسلاح يعني تقنيات الحروب تتغير مع الزمن
يعني الحروب الاقتصادية والالكترونية الهادور كبير
الصين عندها سندات امريكية اكتر من امريكا مثلا وفي بامريكا احياء كاملة بكل مدينة للصينيين
وبالمقابل شركة فيس بوك مقدرة ب 100 مليار وسيرتفع سعرها بعد طرح الاسهم للتداول اكثر
وغوغل وغيرها.....
متل ما قلت انت هالميارات هي ثمن فكرة يعني موجودات الشركتين كمباني و تجهيزات لاقيمة فعلية لها (اقل من 3%)حسب تقديري
الازمة الاقتصادية بحد ذاتها معركة من معارك الحرب
وما يجري بلادنا وما يحيطها معارك اخري
وهناك معارك على مناطق النفوذ في البحار والفضاء فضلا عن الارض
في النتيجة اصبحت الدول (كل الدول )تصنف اما حليفة لهذا الطرف او ذاك
لكنها ليست حرب باردة
وليس من المفترض ان تضعفامريكا او يافل نجمها
قد يحدث ذلك لروسيا...... لانها في طور الضعف والافول حسب ابن خلدون

ALHAKIM

MERO