المتابعة اللحظية لجلسة تداول يوم الأربعاء 25/4/2012

[غالب]

اقتباس: المشاركة الأصلية كتبت بواسطة buffer81    منيح لحقت تابع معكم اخر 10 دقائق من القطار, بس عفكرة حابب احكي شغلة بالنسبة للشباب اللي بيحكو الانترنت عنا بطئ و في تلاعب و غش و مدري شو, مبارح بالليل اشتريت من فرانكفورت انترنت 3g و عأساس السرعة 3,5 ميجا بالثانية و عندي 1 جيجا تحميل, اليوم بعد ما ركبتها السرعة ما تجاوزت 30 kbts و بكمل بكتشف انو عطوني بس 30 mb تحميل :((( ما بدي قولها بس يا محلاكي يا سيريتل ))))))))))) مبروك لكل من باع و اشتري و تحياتي للجميع

اخي يمان
نعتذر عن سوء الخدمة بفرانكفورت يمكن عرفوك سوري قالوا منشان ما تستغرب وتعرف قيمة بلدك ههههههههه

بعدين الشركة عندك مملوكة لسيرياتيل اكيد

[غالب]

اقتباس: المشاركة الأصلية كتبت بواسطة فهد    نطالب ابو النور بتخضير القطري

على راسي اخي فهد بتعرف اتصلت اخر دقيقة كان السوق اغلق بنفس الثانية
معليش خليه يرتاح لياخذ نفس قوي ويطلع .

على كل مو مطول رح تشوفه 100 قبل نهاية شهر 5 باذن الله والدولار رح يكون يومها 62 ليرة

هيك بنبيع قطري وبنشتري دولار بنكون ربحنا على الجهتين .

[buffer81]

اقتباس: المشاركة الأصلية كتبت بواسطة BROKER    اخ يمان شو بدك بفرانكفورت ؟؟؟ روح عالأردن هي الدولة الصغيرة يلي ما فيها موارد ولا اراضي ..... اول شي تشترك بخط زين او اي امنية او اورانج ويمكن في شركة رابعة ... لخمس ملايين مواطن بس... المهم بتدفع بس 4 دينار بالشهر .... وبتاخد 2000 دقيقة داخلي .... و30 بين الشبكات .... وفي دولي بس نسيت كم دقيقة ... -- النت 4 غيغا بــ 20 دينار تقريباً 2000 ليرة .... وما بدو موافقات شركة "أمنية" ... وبيركب خلال 24 ساعة بدون واسطات .... وفي برود باند وثري جي ... راوتر لذلك اليوم احجز على الاردن وسيبك من فرانكفورت [/size][/center]

خلص ابو شريك منترك شغلنا هون و منحول عالاردن و منشجع النشامى بفرد مرة

[فهد]

اقتباس: المشاركة الأصلية كتبت بواسطة غالب    على راسي اخي فهد بتعرف اتصلت اخر دقيقة كان السوق اغلق بنفس الثانية معليش خليه يرتاح لياخذ نفس قوي ويطلع . على كل مو مطول رح تشوفه 100 قبل نهاية شهر 5 باذن الله والدولار رح يكون يومها 62 ليرة هيك بنبيع قطري وبنشتري دولار بنكون ربحنا على الجهتين .

يسلم راسك
ان شاء الله

[buffer81]

اقتباس: المشاركة الأصلية كتبت بواسطة غالب    اخي يمان نعتذر عن سوء الخدمة بفرانكفورت يمكن عرفوك سوري قالوا منشان ما تستغرب وتعرف قيمة بلدك ههههههههه بعدين الشركة عندك مملوكة لسيرياتيل اكيد

و الله يا ابو النور البلد ما بيعرف قيمتها غير اللي بيبعد عنها, بدون ما نبيع وطنيات و قوميات بس بشرفي الكركبة اللي بالشام او باللادقية و الفوضى و عدم التناسق و كل العيوب اللي ممكن تشوفها بتسوى عندي 100 فرانكفورت, يا اخي في نوع من الحميمية بتحسو بالبلد و شعور بالامان الداخلي (ماني عم احكي عن امان هالفترة) و انو مانك لحالك اهل بلدك كلن اخوتك و بيوقفو معك... كل ما ارجع عسوريا بحس حالي عم حط راسي راسي بحضن امي و ارتاح من كل هموم الدنيا..

قلبتلكم الجلسة شكور مغترب
الله يحميلنا هالبلد و يحمي اهل البلد و انشا الله الامور للاحسن

[فهد]

بانتظار صالون المدام رندة

[رندة]

مبروك لكل من باع واشترى
شكراً لمبادراتكم ومساهماتكم القيمة
صالون سيرياستوكس ليومي الخميس26 والجمعة 27-4-2012

[BROKER]

اقتباس: المشاركة الأصلية كتبت بواسطة buffer81    و الله يا ابو النور البلد ما بيعرف قيمتها غير اللي بيبعد عنها, بدون ما نبيع وطنيات و قوميات بس بشرفي الكركبة اللي بالشام او باللادقية و الفوضى و عدم التناسق و كل العيوب اللي ممكن تشوفها بتسوى عندي 100 فرانكفورت, يا اخي في نوع من الحميمية بتحسو بالبلد و شعور بالامان الداخلي (ماني عم احكي عن امان هالفترة) و انو مانك لحالك اهل بلدك كلن اخوتك و بيوقفو معك... كل ما ارجع عسوريا بحس حالي عم حط راسي راسي بحضن امي و ارتاح من كل هموم الدنيا.. قلبتلكم الجلسة شكور مغترب big grin الله يحميلنا هالبلد و يحمي اهل البلد و انشا الله الامور للاحسن

فعلا كلامك صحيح ..... رغم هالكركبة والعجقة والاخطاء المتراكمة ...يبقى في شي حلو وفي خصوصية حلوة ببلدنا مافـــي كـــلام