سعر صرف الدولار واليورو 8-4-2012 بالسوق السوداء

[yosef]

اقتباس: المشاركة الأصلية كتبت بواسطة Bader Halab    انا صوتت هبوط لا لامنياتي (انا شاري دولار بغالي متل كتير من الاخوة) بس صوتت بالهبوط لانو هاد السؤال يومي وليس على مرحلة متوسطة او بعيدة ٢- لا يوجد على الارض دلائل تشير الى صعود ب العكس : السوق بارد والكل عبخاف من تدخل المركزي ٣- الدولار للي مو متابع عالميا نزل بعد طلعتو ٤- اللي صوت صعود ليش صوت هيك؟ كل واحد يكتب شو صوت و شو الاسباب والدوافع مشان نفهم وضع السوق

بالنسبة للأرتفاع انا حكيت ليش صوتت بسبب الاوضاع السياسية الحالية والمتوقعة والميدانية ....
طيب سؤال انت هلئ حاليا معك دولار ليش مابتبيع اذا متوقع ينخفض السعر لو كنت واثق متلك من الانخفاض كنت ببيع هلئ وبرجع بشتري... عالاقل بخفض خسارتي ... مزبوط ولا لأ
عذرا من المشرفين والاعضاء عفتح ابواب للنقاش بس هلئ ماضل اسعار انتهى اليوم فقلنا منتسلى شوي ومنتناقش قبا ما ننام

[Tigerssound]

اقتباس: المشاركة الأصلية كتبت بواسطة rainbow    الخبر اعلن عنه من الاتحاد الاوربي بوقت سابق .. ولا أتوقع أنها ستؤثر كما كانت العقوبات الماضية والتجار التابعين للحكومة سيخترعون شركات جديدة بـ24 ساعة ... ولكن ماهي حجم الأصول المجمدة ؟ وهل هناك سلع سنمنع من استيرادها من أوربا ؟ صحيفة الحياة تتكلم عن حوار بين السعودية وكلاً من مصر والآردن لتشديد العقوبات أن صح الخبر فهو سيكون اسواء للأسف العقوبات تضر بالشعب بشكل أكبر

هو مع الأسف ان كل العقوبات تستهدف المواطن وهذه ستكون المرحله الثالثة من العقوبات من اصل عشرة مراحل حسب تصريحات الاتحاد الاوروبي واحد هذه العقوبات الان او في المستقبل ستكون عدم السماح بالتعامل باليورو وخذ كوبا وكوريا كأمثلة سابقه والعراق وليبيا كأمثلة جديده نوعا ما

وشكراً

[Eng. Hassan]

اقتباس: المشاركة الأصلية كتبت بواسطة yosef    اخي انا بدي حكي اكاديمي ..... اما بالنسبة لهاد الي مسك خيوط اللعبة طالما هيك ليش ترك الدولار يرتفع بكم يوم من ال70 لل100 ؟ اما بالنسبة للأنخفاض فكان متوقع الي اشترا بسعر ال72 باع ب100 وحقق مرابح هائلة بيومين وعكل حال هي كانت حادثة استثنائية ومامنقدر نستشهد فيا مشكور اخي على رأيك.......

حبيبي التحليل (الحكي "حسب قولك") الأكاديمي لا ينفع في الحالة السورية لأنها لا تخضع لأي نوع من انواع التحليلات أو المقايس الإقتصاديه العالميه بل هي حاله فريده من نوعها, أما الإرتفاع من ال 70 إلى ال 100 فكان بوقتها بسبب الضخ الإعلامي عن نضوب الإحتياطي السوري من القطع الأجنبي وخوف الناس على مدخراتهم فزاد الطلب على القطع الأجنبي بشكل جنوني مما خلق فرصه للصرافين ومن ورائهم لتحقيق أرباح خياليه.
أما من إشترى على 95 و ال100 فكان متوقع تصير الليرة 150 لا بل 200 وأكثر فكيف بدو يبيع ويجني أرباح !!

[Bader Halab]

بس مشان اذا حدا بدو السعر.. الاغلاق كان
٧٢.٥
٧٣.٢٥
وعذرا على ازعاجكون

[ملك]

اقتباس: المشاركة الأصلية كتبت بواسطة bader halab    بس مشان اذا حدا بدو السعر.. الاغلاق كان ٧٢.٥ ٧٣.٢٥ وعذرا على ازعاجكون

السعرعند الساعة التاسعة كان شراء 72.75 وفي صرافين توقفوا عن البيع

[yosef]

اقتباس: المشاركة الأصلية كتبت بواسطة eng. Hassan    حبيبي التحليل (الحكي "حسب قولك") الأكاديمي لا ينفع في الحالة السورية لأنها لا تخضع لأي نوع من انواع التحليلات أو المقايس الإقتصاديه العالميه بل هي حاله فريده من نوعها, أما الإرتفاع من ال 70 إلى ال 100 فكان بوقتها بسبب الضخ الإعلامي عن نضوب الإحتياطي السوري من القطع الأجنبي وخوف الناس على مدخراتهم فزاد الطلب على القطع الأجنبي بشكل جنوني مما خلق فرصه للصرافين ومن ورائهم لتحقيق أرباح خياليه. أما من إشترى على 95 و ال100 فكان متوقع تصير الليرة 150 لا بل 200 وأكثر فكيف بدو يبيع ويجني أرباح !!

اخي انت متفق معي انو الارتفاع من ال70 لل100 والنزول العكسي كان حالة فريدة لهيك مابدنا ياها كمقياس وانا بعرف منيح التعقيدات بالحالة السورية بس دائما بكون في متغيرات بتأثر عالسعر بشكل مباشر او غير مباشر بشكل جزئي او كلي نحن بدنا نبحث بهالمتغيرات لنعرف نقرر نبيع ولا نشتري...... مزبوط ولا لأ ؟ عكل حال انا بحترم رأيك ووجهة نظرك ومشكووووووووور جدا

[ملك]

بيان للخارجية السورية يقطع الشك باليقين ويُزيح التفسيرات الخاطئة لخطة كوفي عنان .. القوات السورية لن تنسحب من المدن ومحيطها ودمشق لن تكرر تجربة بعثة المراقبين العرب ( سيرياديز )

[Eng. Hassan]

اقتباس: المشاركة الأصلية كتبت بواسطة yosef    اخي انت متفق معي انو الارتفاع من ال70 لل100 والنزول العكسي كان حالة فريدة لهيك مابدنا ياها كمقياس وانا بعرف منيح التعقيدات بالحالة السورية بس دائما بكون في متغيرات بتأثر عالسعر بشكل مباشر او غير مباشر بشكل جزئي او كلي نحن بدنا نبحث بهالمتغيرات لنعرف نقرر نبيع ولا نشتري...... مزبوط ولا لأ ؟ عكل حال انا بحترم رأيك ووجهة نظرك ومشكووووووووور جدا

لا يعلم الغيب إلا الله سبحانه وتعالى ولو حدا بيعرف شو بدوا يصير بكره لكان هلئ أغنى الناس ومتل ما بئلك المتل تاجر ومنجم ما بتظبط ولا شو رأيك...

[Bader Halab]

اقتباس: المشاركة الأصلية كتبت بواسطة yosef    بالنسبة للأرتفاع انا حكيت ليش صوتت بسبب الاوضاع السياسية الحالية والمتوقعة والميدانية .... طيب سؤال انت هلئ حاليا معك دولار ليش مابتبيع اذا متوقع ينخفض السعر لو كنت واثق متلك من الانخفاض كنت ببيع هلئ وبرجع بشتري... عالاقل بخفض خسارتي ... مزبوط ولا لأ عذرا من المشرفين والاعضاء عفتح ابواب للنقاش بس هلئ ماضل اسعار انتهى اليوم فقلنا منتسلى شوي ومنتناقش قبا ما ننام big grin

اذا كانت الاوضاع السياسية مسبب رئيس في ارتفاع سعر الدولار فعنجد كان هلء الدولار طاير فوق ال ١٠٠. بس متل ما ذكر المهندس حسان انو جزء من قيمة الدولار بالسوق عبارة عن لعبة للهوامير مشان يكسبو والاوضاع السياسية وحدا مالا علاقة. لانو الدم زاد من شهر لهلء كتييير بس الليرة تمت تقريبا محافظة على نفس القيمة.

اما بالنسبة لسؤالك فانا بحب قلك اني مستثمر باكتر من مجال والحمد لله حققت ربح بغير الدولار. وكمان انا ما حولت كل شي معي. تركت ما يكفيني شهرين اذا كان كل شي خاسر
والدولار انا تاركو لانو بجوز سافر اذا اشتدت الاوضاع العسكرية

[yosef]

اقتباس: المشاركة الأصلية كتبت بواسطة Eng. Hassan    لا يعلم الغيب إلا الله سبحانه وتعالى ولو حدا بيعرف شو بدوا يصير بكره لكان هلئ أغنى الناس ومتل ما بئلك المتل تاجر ومنجم ما بتظبط ولا شو رأيك...

يا اخي عبتحكي درر بس تحليل الاسواق موضوع مختلف جدا عن التنجيم وطالما نحن بسوريا التحليل ما بفيدنا مالنا غير نجيب شي مشعوذ ونشوف شو نعمل