الصندوق السيادي وأمل المستثمرين بمجلس الوزراء

[مجد]

هل نشتري الاسهم بناء على ان الصندوق السيادي اصبح تحصيل حاصل !!!!

[ابو تيم]

اقتباس: المشاركة الأصلية كتبت بواسطة مجد    هل نشتري الاسهم بناء على ان الصندوق السيادي اصبح تحصيل حاصل !!!!

اكيد لا بتشتري الاسهم على اساس انو اسعارها وصلت للقاع و اذا صار بعدها الصندوق السيادي خير و بركة

[Salam L]

اقتباس: المشاركة الأصلية كتبت بواسطة ahmad bayram    اكيد لا بتشتري الاسهم على اساس انو اسعارها وصلت للقاع و اذا صار بعدها الصندوق السيادي خير و بركة

المشكلة ماعم نقدر نعرف شو هو القاع...

لولا هيك كان كل الناس اشترت عنده... وبصندوق وبلاه رح يربحوا خلال سنتين

[ابو تيم]

اقتباس: المشاركة الأصلية كتبت بواسطة salam    المشكلة ماعم نقدر نعرف شو هو القاع... لولا هيك كان كل الناس اشترت عنده... وبصندوق وبلاه رح يربحوا خلال سنتين

عندك شك انك ما رح تربحي ضعف هالسعر خلال سنتين يا ستي مو خلال سنتين خلال ست شهور و بالتحديد عند إعلان ارباح السنة المالية 2011

ببساطة شركة متل بنك سورية الدولي الاسلامي عم يتداول قريب ال 100 ليرة قيمتوا الاسمية شو برأيك سعروا لما رح يعلن عن ارباحوا رح يضل ب 100

أو بنك قطر الوطني 362 ليرة اليوم و الجلسة الجاية رح تلاقي ناس بايعة ب 359.25 ليرة تصوري سعروا بعد سنة من هلق رح يضل هيك إذا قيمتوا الدفترية أعلى من هيك بكتير و ما بينخاف عليه رح يلاقي مكان يستثمر في هال 15 مليار اذا ما كان بسوريا برا سوريا ما بيغلب

أو العقيلة للتأمين بـ 400 ليرة بعد سنة لما تتحسن اسعار الاسهم و تعوض الخسارة الغير محققة لمحفظتها من الاسهم رح بيضل سعرها 400 ليرة حتى لو شركات التأمين خطر بوقت الاحداث بس لا تنسي فاتورة التأمين بترتفع ع المؤمن بظروف هيك احداث كمان

أنا من ناحيتي متفائل حتى لو بقيت الشاشة كلها حمرا و بصراحة أكتر أنااليوم دخلت بكل الباقي من رأسمالي ببعض الاسهم و مالي خايف يروحوا علي ....

هذه ليست دعوة للشراء فكل يتحمل مخاطر قراراته.

[حامل الورد]

السلام عليكم شو شايفين عندي عدة اسئله بنك قطر وين رايح بنك شام الاسلامي وبنك سورية الاسلامي شو بتنصحو انا اتوقع شام وسورية فيهم خير كتيربس الي بيعرف شي يخبرنا
وشكرا

[BROKER]

سوف نكون يد واحدة في انشاء هذا الصندوق الذي سوف يكون الحل

[Salam L]

اقتباس: المشاركة الأصلية كتبت بواسطة broker    سوف نكون يد واحدة في انشاء هذا الصندوق الذي سوف يكون الحل

رامي قديش برأيك ممكن يرتفع السوق وقت اعلان الصندوق لحد وقت البدء بالعمل فيه فعلا؟

20%؟ 30%؟؟ معقول ننصدم ونلاقي ارتفاع اكتر من هيك؟؟

[MGM]

استغرب من التحليلات الموجودة في هذا الموضوع .. وكأننا نناقش قضية سوق مال بمعزل عن الأحوال الأمنية للبلد الحاوية له .. كلنا يعلم كم هو جبان رأس المال .. ونعلم كم هو هش الإقتصاد السوري .. ونعلم كم هي تكلفة وجود الجيش في كل بقعة من الأراضي السورية وتحركاته ... وتكلفة الأجهزة الامنية .. ونعلم مشكلة طباعة الأوراق النقدية وتجاوز الطباعة لإستهلاك محلي بدون رصيد !! .. وبعد كل هذا نناقش بهذي الطريقة ..

أنا لا اريد أن اكون متشائما .. ولكن مع القوانين التي اوقعها المركزي على البنوك .. و الوضع الراهن الغير معروف الإتجاه .. بالذات مع الإصرار على الحل الأمني !! ..

الله وحده أعلم بمصير الإستثمارات في البورصة وبالتالي في البلد بشكل عام ..

معا لسوريا أفضل ..

[مجد]

تعلمنا بحياتنا ان لا نشتري شئ بناء على قرارات ممكن تتخذ وممكن لا.وساضرب مثال عندما تريد تشتري منزل يقول لك الدلال ان امام البناء سيكون حديقة وان صدق سوف تظل الارض على حالها من غبارلسنين طويلة ممكن 10 وحتى 30 سنه (ولكن ان حصلت على معلومة صحيحه ستكون انت من اشترى بنهاية فترة 10 او30التي انتظرها غيرك ) .وهذا كلنا عايشناه .ولذلك يجب اتخاذ قرار بناء على معلومات مؤكدة او شبه مؤكده وبهذه الحالة يكون الربح اكيد بكل شئ وليس بالاسهم فقط والحصول على المعلومات قبل نشرها شئ (غير عادل) ولكنه يحصل بشكل دائم ولماذا الهواميريصرفون اسهمهم الان !!!

[Salam L]

اقتباس: المشاركة الأصلية كتبت بواسطة مجد    تعلمنا بحياتنا ان لا نشتري شئ بناء على قرارات ممكن تتخذ وممكن لا.وساضرب مثال عندما تشتري منزل يقول لك الدلال ان اما البناء سيكون بجانبه حديقة وان صدق سوف تظل الارض على حالها من غبارلسنين طويلة ممكن 10 وحتى 30 سنه (ولكن ان حصلت على معلومة صحيحه ستكون انت من اشترى بنهاية فترة 10 او30التي انتظرها غيرك ) .وهذا كلنا عايشناه .ولذلك يجب اتخاذ قرار بناء على معلومات مؤكدة او شبه مؤكده وبهذه الحالة يكون الربح اكيد بكل شئ وليس بالاسهم فقط والحصول على المعلومات قبل نشرها شئ (غير عادل) ولكنه يحصل بشكل دائم ولماذا الهواميريصرفون اسهمهم الان !!!

كلامك صحيح كتير استاذ بشار.... انا هلق مين ماقلي بدي اشتري بقله مابعرف ومادخلني... وعم انصح حدا بشي لانو الوضع مجهول...

لكن فكرة الصندوق هي بتفيد ناس متلي... علقوا من زمان وبأسعار عالية ... وقصة الصندوق خلتني احتفظ بالاسهم او جزء كبير منها... وارجع اشتري باسعار اقل.... يعني باختصار ماهربت من السوق بشكل كامل...