iass

أستاذ سمير، التقرير برأيي كتير صحيح، لأنو اسمو تقرير الشفافية، رح أعطيك مثال، أنت فيك تبيع بيتك بعشرين مليون، وبتصرح انو بخمسمية ألف، وبتروح عالبنك وبتحط المصاري وإذا سألوك بتقلهن بعت بيتي.
80% من تداول الاموال بسورية مو معروف كيف عم بيصير، حاليا في تطور حقيقي بهاد المجال من خلال الإصلاح الضريبي أولا، من خلال محاربة غسيل الاموال، بس لهلق بعدنا بأول الطريق. طالما أنو الموظف عم يقبض من الدولة راتب ما بيكفيه مصروف، فأكيد رح يلجأ لاحد حلين، أولهم أنو يشتغل براني، وهاد ممنوع قانونا بحكم قانون العاملين الموحد، وبالتالي ما بيقدر يقبض من خلال تحويل بنكي(نظريا)، أو يكون فاسد، وهيك رح يقبض المصاري كاش. ما في ولا تاجر بيقدم دفاتر حقيقية للمالية، 90% من موظفين القطاع الخاص عم يشتغلو من دون تسجيل يعني بلا ضريبة دخل ولا تأمينات، ما في تقييم عقاري صحيح، وقت بتروح عالمطعم 90% منهن ما بيعطوك فاتورة، كمية التعقيدات الإدارية لإتمام أي عمل، كل هدول بيدخلو بميزان مؤشر الشفافية. على كل حتى لو كان في ظلم وفي تهجم على البلد بهاد التقدير وكان المقياس متحيز والمنظمة سيئة، في عالأرض شي ألو علاقة بالشفافية المالية لازم يبلش يبين، وأكيد في تطورات بهاد المجال عم تصير، بس بدها وقت.

مجد

اخي اياس انا اييد كلامك ولكن اعارضك بامر مادخل الراتب بالفساد
يعني انت وقت تقدم اوراق لتتوظف انت تعرف الراتب مسبقا .اي انك موافق عليه .وقلة الراتب يستغلها المرتشون والحرامية فقط
والرشوة هي بسبب عدم جدية الدولة بالقضاء عليها وان متاكد لو غدا
بدات الدولة بتطبيق القوانين على المرتشين خلال ايام لن تجد مرتشي
الا نادرا .ومثال ذلك حين ارادت الدولة تطبيق قانون الذي اصدره السيد الرئيس بخصوص التدخين .طبق بحذافيره وبشكل رائع وانا مندهش من الالتزام به .وكل الشكرلكل الذين ساهمو باصدار هذا القانون الرائع .
وياريت يلاقو حل لدخان السيارات القاتل
وشكرا اخي اياس واخي سمير كنت امزح انه مافي فساد .في شوي
يعني المشكلة بجدية تطبيق القوانين .

__________________

iass

أبو طارق، وقت بتتوظف بتكون صغير بالعمر، راتبك بيقديك مواصلات وروحات وجيات عالخفيف، لهيك بتلاقي الموظف الجديد كتير متحمس عالشغل ومفكر أنو رح يغير الدنية، بس يمرقو عليه ست سنين وما زاد راتبو غير 2000 ليرة على 3 ترفيعات، رح يشوف أنو ما رح يقدر يتجوز أو يعيش حياتو، وإذا مرض حدا من عيلتو عم تكلف الطبابة كزا، إذا بدو يشتري بيت أو سيارة أو حتى ستأجر بيت فهاد من سابع المستحلات، وطبعا عم يشوف الحياة كيف عم تغلا، بعطيك مثال بسيط، أنا عم أدفع راتبي الشهري أجار بيت قد بيت العصفورة.
المهم ما لنا بطول السيرة، الله يرحمو د. عصام الزعيم انسأل مرة هالسؤال بمحاضرة على مدرج الجامعة، وحكى وقال أنو ال500 ليرة وال50 ليرة يلي بياخدها الموظف لتمشاية معاملة أو غض النظر عن مخالفة مرور هي ما أسمها رشوة، اسمها تعويض نقص الدخل المتدني، بينما الفساد هو يلي عم يصير على مستويات اعلى، متل المناقصات والتهرب الضريبي والعقود الوهمية، يلي من خلالها عم يتسرب مليارات، مو فتافيت. طبعا منتذكر انو المرحوم حاول أنو يدفع باتجاه إصلاح الاجور. و هاد الطرح لا زال قائما، بس أكيد مو معروف أيمت رح بيصير.

العربي

__________________

Aziz

يعني شلون قاسو الفساد ما بعرف
باينة هي إشاعات اسرائيلية وامريكية مغرضة
نحنا ما عنا فساد بنوب ولو

سمير

__________________