المتابعة اللحظية لجلسة تداول الخميس 17-6-2010

[غالب]

الاخ بروكر
عليكم السلام ورحمة الله وبركاته مسيك بالف خير مع تحياتي بالتوفيق في جلسة الغد غالب

[BROKER]

اقتباس: المشاركة الأصلية كتبت بواسطة غالب    الاخ طارق تحية طيبة لك وللاخ بروكر وجميل وسمير واحمد شيخ علي ورحاب وكل الشباب والصبايا والبلخي والعربي وسعيد ولكل الداكاترة الاعزاء وكل الاخوة الافاضل نتمنى للجميع يوم سعيد وجميل وحلو وسوق على كيف كيفكم الي بدو يبيع يبيع والي بدو يشتري يشتري باحسن الاسعار وربح حلال لجميع الاخوة والاخوات اعضاء المنتدى ونتمنى الجميع بنهاية الجلسة يكون راضي قل جلسة موفقة للجميع ولا تقل جلسة خضراء البعض يريدها حمراء ليعوض ما باعه بالعالي لا تندم على شي فاتك ادعو لاخوتك بالتوفيق حتى رب العالمين يوفقك انتظر فرصة ثانية تحياتي للجميع مساء الخير صباح الخير حاسس انو الصبايا اكثر حواراتهم مع بعضهم ولا انا غلطان

الله محيك أخي غالب .... وان شاء الله تبقى من الرابحين

احساسك بمحلو ... :patch_comm:

[جميل]

اول شي يسعد اوقاتكم وثاني شي صار عندي شي اسمه هوس بالمنتدى والتواصل مع الاخوة .اخي سمير كنت سألتني البارحة عن المتحدة للنشر اتصلت بهم ولديهم 3 ملاين سهم وارباح تقريبا 165 مليون وقالوا لي يوجدعلى موقع السوق هذه الارباح في الهيئة العمومية اللي عقدوها قبل فترة الحقيقة تفاجأت بالارباح رقم مرتفع معناها اذا بدهم يوزعوا كل الرباح راح تكون النسبة 10% بكرة راح حط طلب بلكي حسنت اشتري

[BROKER]

اقتباس: المشاركة الأصلية كتبت بواسطة وسام الساهر    مسا الخير ياشباب وياصبايا وجلسة رابحة للجميع إن شالله شو رأيكن بالأسلامي نبيع ولالسه

أهلا بالاخ وسام الساهر ...

السهم أغلق الجلسة الماضية مرتفع بجدارة ودخل الآشوش ... اشارة البيع ستكون عند اول صفقة حمراء للسهم

حالة السهم للمراقبة لاقتناص فرصة الخروج بربح والهدف 1325

احلى ساهر ..

[جميل]

قامت سوق دمشق للأوراق المالية بإدراج أسهم الزيادة الناتجة عن ضم جزء من الأرباح المحققة (أسهم مجانية) العائدة لبنك سوريةوالمهجر (bso)، وهي عبارة عن (1,200,000) سهم بقيمة (500) ل.س للسهم الواحد ،أي بزيادة مقدارها 600,000,000 ل.س.
و يمكن بدء التداول بهذه الأسهم اعتباراً من جلسة تداول يوم الخميس 17/6/2010.واعتقد راح يتراجع سعر السهم بسبب عدد الاسهم الجديدة مثل ما حصل مع الدولي للتجارة والتمويل

[BROKER]

اقتباس: المشاركة الأصلية كتبت بواسطة جميل    اول شي يسعد اوقاتكم وثاني شي صار عندي شي اسمه هوس بالمنتدى والتواصل مع الاخوة .اخي سمير كنت سألتني البارحة عن المتحدة للنشر اتصلت بهم ولديهم 3 ملاين سهم وارباح تقريبا 165 مليون وقالوا لي يوجدعلى موقع السوق هذه الارباح في الهيئة العمومية اللي عقدوها قبل فترة الحقيقة تفاجأت بالارباح رقم مرتفع معناها اذا بدهم يوزعوا كل الرباح راح تكون النسبة 10% بكرة راح حط طلب بلكي حسنت اشتري

أسعد الله أيامك و جميع اوقاتك أخي جميل

إن شاء الله تقدر تحصل كم سهم

بالتوفيق

[Rihab]

مسا الخير للجميع، انشاالله جلسة الغد موفقة.
سيبدأ التداول بأسهم الزيادة لبنك سوريا والمهجر غداً الخميس 17/6/2010
يا ترى بينزل سعره بالجلسات القادمة؟

[وسام الساهر]

اقتباس: المشاركة الأصلية كتبت بواسطة broker    أهلا بالاخ وسام الساهر ... السهم أغلق الجلسة الماضية مرتفع بجدارة ودخل الآشوش ... اشارة البيع ستكون عند اول صفقة حمراء للسهم حالة السهم للمراقبة لاقتناص فرصة الخروج بربح والهدف 1325 احلى ساهر ..

على راسي والله يابروكر يسلمو كتير

[minas]

مساء الخير و جلسة موفقة للجميع.

برأيي المتواضع، أسهم الزيادة لبنك عودة و بنك سوريا و المهجر سوف لن تؤثر على الأسعار.

لأن مجموع قيمة الأسهم بعد الزيادة هي نفسها قبل الزيادة، و الذي تغير هو عدد الأسهم فقط. طبعاً مع الأخذ بالحسبان نسبة التغير.

يعني بالمختصر المفيد، المساهم لن يربح مثل الاكتتاب بالقيمة الاسمية في زيادة رأس المال.

[قاسم]

خواني الاعزاء اذا قام بنك بيمو بتوزيع 455 مليون على عدد اسهم 6,500 مليون فكم يكون نصيب كل 100 سهم من الاسهم الموزعة من البنك ولكم جزيل الشكر ولاحترام وجلسة خضراء بعون اللة