سعر صرف الدولار والذهب مقابل الليرة السورية ليوم الخميس والجمعة 8و9 - 05-2014

[البحر الهائج]

صباح الخير جميعا
وافتتاحية مباركة أخ أبو طارق

[البحر الهائج]

اغلاق اللاذقية :
169-169.5شراء
171-171.5مبيع

[المعلم عمر]

السلام عليكم ورحمة الله وبركاته


أسعد الله صباحكم جميعاً بالخير


شكرا على الوردة أخي OMAR1233


صباح الخير أخي أنور وأخي البحر الهائج وأتمنى لكم يوما سعيد وللجميع

[mite mite]

صباح الخير للجميع

[mite mite]

شكرا للمعلم عمر عالافتتاحية

[ahmad z]

اسعد الله صباحكم بالخير

كل الشكر للمعلم عمر على الافتتاحية

[ahmad z]

الحمد لله على نعمة المطر هذا الصباح في دمشق وريفها

اللهم اجعلها سقيا رحمة

[محمد سامر]

صباح الخير للجميع
الله يبعت الخير

[تيسير ابو محمد]

صباح الخير للجميع

[ahmad z]

اقتباس: المشاركة الأصلية كتبت بواسطة ahmad z    صباح الخير جولييت بالنسبة لموضوع الخاص , ما في شك انك شاطرة و إلك اتصالاتك و معارفك بس المشكلة انو بتدافعي عن القرارات و كأنها حكما صحيحة ( كتير من القرارات طلعت و اعتبروها صحيحة و بعدين تبين انو بدها اعادة نظر , ايام حكومة العطري و اللي بعدو ’ واللي بعد بعدو ) يعني هاد القرار اذا طلع , رح يقضي على الـ 10% من التصدير اللي بئيو ( حسب السيد فضلية ) بعدين اذا بدن يشلحوهن الدولارات بسعر قريب من السوق , يروحو يشترو من السوق و يتركو العالم بحالها هاد القرار يمكن ( يمكن -- ) يكون شغال بالقطاع الزراعي اما في القطاع الصناعي رح يكون خاطىء تقبلي مروري و لك كل التقدير

اقتباس: المشاركة الأصلية كتبت بواسطة جوليت    الكلام يلي رح حطو تحت هو محطوط الصبح بس سلت بالثقب وحسيت انو بينرد فيه علي اتفضلت حضرتك وقلتو : ------ المشكلة الحقيقة بالحياة البشرية على مستويات المسوؤلية القلق الدائم او اضطراب داخلي عند الانسان بينام وبفيق عليه وهو (للاسف طبعا ) معادلة المملوك والمالك (حتى لو ماعجبنا هالشي ولكن الواقع يفرض نفسو ) . يعني يلي بظن حالو مالك بنلاقي عندو قلق دائم من فقدان الكرسي يلي قاعد عليها (ماعم احكي عن امور سيادية هون ) وهبوطو الى درجة المملوك وهالشي بيدفعو الى اتخاذ الشي (خطوات - قرارات ) يلي بشوفا مناسبة حتى لو ماكنت صحيحة أوقاسية , ونتيجة قوانين الحياة المعقدة بيصنع فواصل وجدران مابين شعورو بانسانيتو ومابين قلقو من مستقبلو (طبعا هو فاقد الضمير بالاصل لأنو اذا مو عاجبو هالشي ومافي يسوي شي كان بكل بساطة ترك ). ضمن هالمعطيات بيتشكل الجشع والغرور والنفاق وتبيض الوش وطبعا كلياتا أدوات بيظن الشخص يلي ميستخدما انو بارع فيا . بالطرف التاني منلاقي المملوك (وانا مابحب قول هيك شي ولكن الواقع للاسف هيك حتى لو جملناه ) عندو هاجس دائم هو الاقتداء بالمالك وبيعتبر (من طمعو وغبائو ) النعمة يلي عايش فيا ناتجة عن الذكاء الخارق ( عين الله عليه وتحرسو ) والعبقرية يلي بيتمتع فيا المالك وقربه منو . الناتج عن كل التخبيص يلي حكيتو بالاعلى نتيجة سيئة جدا ومدمرة جدا وهي : فقدان الناس يلي مو على مستوى المسوؤليات للطمأنينة ولعدم الشعور بالامان بشكل متواصل . ----------

شكرا جولييت
بس بتعرفي شو المشكلة

كل شخص بدو يقوم بمهمتو و ينجح فيها حتى لو ادى ذلك الى ضرر للقطاعات الاخرى

يعني : يلي مهمتو تأمين القطع الاجنبي بيهتم بهاد الشي حتى لو تضررت الصناعة

و يلي مهمتو انجاح القطاع الصناعي ما بيهمو و لو تضررت التجارة وهكذا ...

و هاد مو لانو شخص سيء ابدا , بس يمكن ظروف البلد هيك ( لا يوجد خطة استراتيجية , كل الحلول آنية )

عودة الى قرار اعادة القطع الناتج عن التصدير

انا قلت بمشاركة سابقة , احد معارفي من الصناعيين ( عندو 800 عامل )

اكد انو في حال تنفيذ هيك قرار رح يخسر كل ربحو ( 15 % )

و رح ينتقل لدولة أخرى ( و العمال المساكين الى الشارع )

و متلو كتير ,,

رح تزداد البطالة , و الدولة ما رح تحصل قطع من الصناعيين لانو ما رح يبقى حدا