سعر صرف الدولار والذهب مقابل الليرة السورية اليوم الأربعاء19 -02- 2014

[غسان]

يسعد صباحكم بالخير والمحبة

كل الود للجميع الغائبين والحاضرين ... ولكل ظروفه ونتمنى من الجميع المشاركة ولكن هذا الواقع احيانا تمر فترة لايستطيع الانسان ان يتكلم بسبب حزن أو هم ولا يقول حتى ( مرحبا ) .. فلكل عذره .... وكل انسان مستمتع بما يشور عليه عقله فمن رضي المشاركة اهلا وسهلا ومن اختار القراءة فقط ....نفس الترحيب.... ومن اختار الفراق نتمنى العودة
وكلنا تحت اسنان الطاحونة نسير والقمح دقيق

[غسان]

اقتباس: المشاركة الأصلية كتبت بواسطة عابر مجيب    صباح الخير والنور والفرح والمحبة أول شي خطة التقشف فشلت فشلا ذريعا الروبل الهندي عند هدول اللي دابحهم الجوع ( وقال دولة آسيوية فاعلة اسمالله ) نعم الروبل كان من فترة قريبة مسك اليد يعني مو قيل عن قال ، الله غضب عليهم وعزموني ، وشفت بعيوني ( ولابس نظارة ) كان الروبل متل السوري يعني الدولار 45 تقريبا ، اليوم عم شوفو 62 ، شو هالبريكس هاد ؟! اوكرانيا شوفة عينكم . هلأ الواحد بيرتاح بالو ، وبيشوف حالو بنعمة ، وبيقول الحمد لله في عنا شي نبيعو ونعيش .

الهند قصتهم قصة مابتعرفهم دولة نووية قوية ولا دولة متخلفة فايتة بالحيط ..... بالامارت أكثر الهنود أطباء ومهندسين ولهم حصة جيدة من الكعكة وفي الجارة الاكبر معظهم بالوظائف البسيطة تحت الالفين ريال غالبا الاباء الذين عملوا عند الجارة كانوا يرسلون رواتبهم لتعليم ابنائهم في الجامعات الذين تخرجوا وتوجهوا للامارات ...
يمكن بسبب عددهم الخيالي مليار اتنين .. فيهم خليط مليط
نحنا عنا مشهورين بالطيبة ..(كلمة مشلبنة) فبنقول شو شايف نقطة حمرا على جبيني او على راسي ريشة ؟؟ بمصر بيقولوا شو شايفيني رابط فيل برا ...نفسى المعنى تقريبا ... بس فعلا الانتقال من التخلف الى التطور شغلة صعبة ودول قليلة قدرت حديثا تعملها متل ماليزيا ...

[expert]

اقتباس: المشاركة الأصلية كتبت بواسطة عابر مجيب    صباح الخير والنور والفرح والمحبة أول شي خطة التقشف فشلت فشلا ذريعا ما استفدنا غير الشعور بالحرمان وكسران الخاطر وتنازلنا عن شوية فزلكات نادرا ما كنا نعملها ، شو هيه ياحزركم ؟ أكلة بروستد ، سندويشات فلافل ، فطاير جاهزة . نسكافية ، كعك بحليب . وما تبقى ، إذا بعمل طرزان وبخرق الحيطان ، لا يمكن ينزل المصروف عن 100 - 150 ألف شهريا . البارحة اشترينا غاز وكسرنا الميزانية كمان . طبعا لا أقساط جامعات ، والأولاد مأجلين ، يعني لا طلعة ولا فوته ، وأنا قطعت المصروف لحين ميسرة .ههههههه الله يعين العالم ، نحنا مو شايفين حوالينا الروبل الهندي عند هدول اللي دابحهم الجوع ( وقال دولة آسيوية فاعلة اسمالله ) نعم الروبل كان من فترة قريبة مسك اليد يعني مو قيل عن قال ، الله غضب عليهم وعزموني ، وشفت بعيوني ( ولابس نظارة ) كان الروبل متل السوري يعني الدولار 45 تقريبا ، اليوم عم شوفو 62 ، شو هالبريكس هاد ؟! الله يطعمنا زيارة لأيران لجبلكم العجب ، بس بدون لا نروح ولا نجي ، قبل ايلول 2013 بسنتين كان الدولار حوالي 9500 تومان ( أوريال ) يمكن التومان متل القرش والريال متل الليرة ، الله يكون بعونهم كل شي عندهم عجبة ، نعم كان التومان 9500 وضل يتأرجح لحد ما وصل حوالي 15000 مقابل الدولار في أول اسبوع بأيلول 2013 ، ويومها انهار السعر فورا إلى 30000 تقريبا ومن وقتها عم يترنح بين 29500 -29900 . ويستمر . اليوم العيون متجهة إلى باكستان ، لنشوف شو بدو يطلع معهم اوكرانيا شوفة عينكم . هلأ الواحد بيرتاح بالو ، وبيشوف حالو بنعمة ، وبيقول الحمد لله في عنا شي نبيعو ونعيش .

عم يقولو فيه مشاكل سياسية بفنزويللا كمان
ما علينا
بنرجع لموضوع خطط التقشف الفاشلة
من تجربتي اكبر اعداء خطة التقشف
متل ما تفضلت جرة الغاز بس فيه كمان المازوت فاتورة تلفون بتجلط (رحت اعترض قالولي مافي اعتراض)
روحة على الطبيب ............. واسوا الشي يكون طبيب اسنان
واذا نفدت من الكل
بيطلعلك عطل جهاز الكتروني او كهربائي مفاجئ نتيجة الكهربا المنظومة
طبعا موضوع المولدات ترف لا اقدر عليه

[حكيم الزمان]

اسعد الله صباحكم بكل خير

اللهم إنا نسألك في هذا الصباح أن تطهر قلوبنا من كــل ضيق ، و أن تيسر لنا أمورنا في كل طريق

[البحر الهائج]

صباح الخير جميعا
وافتتاحية مباركة أخ أبو طارق

[-mouhamad]

تمكن سعر الذهب من الحفاظ على ثبات إغلاقه اليومي فوق 1316.00، ليبقى السيناريو الإيجابي قائماً على المدى اللحظي، بانتظار التوجه نحو مستوى 1360.00 الذي يمثل الهدف الرئيسي التالي.

من الضروري الانتباه إلى أن السعر يرسم تركيبة قمة مزدوجة فرعية محتملة، تكتمل في حال تم كسر مستوى 1312.00، هذا النموذج سيجبر السعر على زيارة مستوى 1300.00 قبل أي محاولة لاستعادة المسار الصاعد من جديد.

نطاق التداول المتوقع لهذا اليوم ما بين: الدعم 1300.00 والمقاومة 1340.00

الميل العام المتوقع لهذا اليوم: صاعد

[رشاد حج علي]

صباح الخير جميعا بعد ماكان السعر ١٥٣ بيروت
رجع متأثرا باللي صار اليوم بيروت حاليا ١٥٢ شراء

[البحر الهائج]

المصرف المركزي :
143.47 شراء
144.30 مبيع
أي بزيادة قرش واحد عن البارحة

[رشاد حج علي]

http://www.syria-news.com/readnews.php?sy_seq=167692
يا ترى هل سيؤثر على سعر الصرف
حتى الروبل الروسي وصل الا مستويات غير مسبوقة امام اليورو حتى تجاوز عتبة ٤٩ روبل

[عابر مجيب]

اقتباس: المشاركة الأصلية كتبت بواسطة رشاد حج علي    صباح الخير جميعا بعد ماكان السعر ١٥٣ بيروت رجع متأثرا باللي صار اليوم بيروت حاليا ١٥٢ شراء

شو صار ببيروت كفى الله الشر ؟ لو شي سيء بيطلع السعر ولا بينزل ؟
أنا بالمكتب ما عندي تلفزيون