تحليل وصالة لسعر الدولار مقابل الليرة 18-6-2013

[black_ghost87]

صباح الخير جميعا..منذ قليل يتم عرض الدولار و بكميات خيالية للبيع و بسعر لا يتجاوز 135-140؟؟؟يلي بدو يبيع في اللاذقية او بانياس رسالة عالخاص اذا سمحتو؟؟مع تمنياتي لكم بالتوفيق

[ابو بلال]

اشاعة بتطالعه .. واشاعة بتنزله .. ديروا بالكم ...
صحيح التعى قلبي وانا بحكي انو هي الطلعة وهمية وهية لجني الارباح للهوامير ..
بس كمان ديروا بالكم ولا تتهوروا وتبيعوا بسرعة حتى يبين مسار السوق ,, بالنهاية الازمة الاقتصادية موجودة لسا
انا هلئ بفضل طريقة الاستاذ رامي تبع (ثلثين رأس المال)
الله يوفقكم وان شاء الله بينزل هالدولار اللعين بالنسبة لليرتنا يلي ربينا معها

[المضارب الحسكاوي]

صباح الخير جميع الاخوة في المنتدى ومشكور استاذ رامي بس اتوقع الاوضاع العامة والسياسية ليست لصالح الاشاعات الهابطة اتوقع استقرار على هل سعر لمدة بسيطة بجوز ساعات ثم صعود اخر وخصوصا لانو صارت كميلة العملة السورية بالسوق كبيرة بسبب فواتير القمح وتعويضات البيوت المهدومة وشكرا لكم والاوضاع السياسية توتر عالي جدا

[-mouhamad]

اعلن حاكم مصرف سورية المركزي اديب ميالة ان المركزي سيعود اعتباراً من الغد، لتلبية طلبات المصارف لشراء القطع الاجنبي من مصرف سورية المركزي لتمويل المستوردات، وفقا لاحتياجات السوق، وحسب سعر يحدده المصرف المركزي بعد استلامه طلبات المصارف، بحيث يضمن السعر المذكور عدالة التسعير للسلع والبضائع في السوق من جهة، واعادة سعر الصرف الى مستوياته الطبيعية من جهة ثانية.
يعني بدو يستلم الطلبات يلي اسعارها مرتفعة ومناسبة وبتأمن الكمية المناسبة من العملة السورية يلي بيحتاجها المركزي وبالسعر المناسب بس ياترى شو هو السعر المناسب والعادل بالنسبة للمركزي المرة الماضية كان اليورو 178 هلق كم ياترى 275 ولا اكتر بعدين ليش لهلق لحككااااااااا

[الياطر]

صباح الخير للجميع
كل الشكر للاستاذ رامي العطار على الافتتاحية المباركة باذن الله .
يا رب يكون اليوم احسن من مبارح
والفرصة كبيرة كتير لانو ما في اتعس من هيك يوم بتاريخ الامم

[alternative]

اقتباس: المشاركة الأصلية كتبت بواسطة black_ghost87    صباح الخير جميعا..منذ قليل يتم عرض الدولار و بكميات خيالية للبيع و بسعر لا يتجاوز 135-140؟؟؟يلي بدو يبيع في اللاذقية او بانياس رسالة عالخاص اذا سمحتو؟؟مع تمنياتي لكم بالتوفيق

لا هيك كتير
النا 150-170
ما النا 140
هيك بدك تخرب بيتنا
يا بيحلق لفوق يا بدكون تساوو بالارض

[-mouhamad]

اقتباس: المشاركة الأصلية كتبت بواسطة black_ghost87    صباح الخير جميعا..منذ قليل يتم عرض الدولار و بكميات خيالية للبيع و بسعر لا يتجاوز 135-140؟؟؟يلي بدو يبيع في اللاذقية او بانياس رسالة عالخاص اذا سمحتو؟؟مع تمنياتي لكم بالتوفيق

يعني معقول في هيك خواريف لهلق ماانقرضوا لسا

[abu mhd]

اقتباس: المشاركة الأصلية كتبت بواسطة -mouhamad    اعلن حاكم مصرف سورية المركزي اديب ميالة ان المركزي سيعود اعتباراً من الغد، لتلبية طلبات المصارف لشراء القطع الاجنبي من مصرف سورية المركزي لتمويل المستوردات، وفقا لاحتياجات السوق، وحسب سعر يحدده المصرف المركزي بعد استلامه طلبات المصارف، بحيث يضمن السعر المذكور عدالة التسعير للسلع والبضائع في السوق من جهة، واعادة سعر الصرف الى مستوياته الطبيعية من جهة ثانية. يعني بدو يستلم الطلبات يلي اسعارها مرتفعة ومناسبة وبتأمن الكمية المناسبة من العملة السورية يلي بيحتاجها المركزي وبالسعر المناسب بس ياترى شو هو السعر المناسب والعادل بالنسبة للمركزي المرة الماضية كان اليورو 178 هلق كم ياترى 275 ولا اكتر بعدين ليش لهلق لحككااااااااا

نقلا عن احدى صفحات الفيس بوك الاقتصادية

بالنسبة لبيع 1000 يورو للمواطنين الذي تحدث عنه ميالة فهو موجود مسبقا ولكن اليوم صدر قرار زاده تعقيدا فعلى الراغب بالشراء ايداع قيمة مساويق للمبلغ المشترى بالعملة السورية كوديعة لمدة سنة بعد ان كان ايداع وديعة تعادل نصف المبلغ ولستة اشهر
اما بالنسبة لضخ العملات الصعبة للمصارف وشركات الصرافة فنسأل اين ذهبت الـ 100 مليون يورو التي كان مقرر بيعها قبل حوالي الشهر ونفذ منها اقل من 10

[ابو البراء]

فاصل ترفيهي
يا دولار ويا مندس تضرب انت وحرف ال $ ما عندك شرف ولا حس
ويلا انزل يا دولار ...يلا انزل يا دولار

ويا دولار ويا جبان وياعملة الامريكان ليرتنا ساويتا بلبنان
ويلا انزل يا دولار ...يلا انزل يا دولار

ويا دولار طز فيك وطز بياللي بوثق فيك ورح امسح كندرتي فيك
ويلا انزل يا دولار ...يلا انزل يا دولار

ويا دولار مانك منا خود اليورو وارحل عنا والليرة خلئت لا إلنا
ويلا انزل يا دولار ...يلا انزل يا دولار

[عابر مجيب]

الحمد لله ظهر السبب
شغلة خواريف مو أكتر
غلطة بقرار خاص بالتصدير
يلا مافي داعي نكبرها وننشر غسيلنا الوسخ
رجعوه عالغسالة وحطولو كلور
يعني ولد وغلط ، أصل المتل مصري : عيّل وغلط
ناس خافوا واشترو وخسروا
بكرا ناس رح يخافوا ويبيعوا ويخسروا