صالة سعر صرف الدولار بالسوق السوداء 16-6-2013

[المضارب الحسكاوي]

مع اني مو خبير اقتصادي بس مراقب للوضع الاقتصادي في الازمة اسمحولي اعبر عن فكرتي باسلوب بلدي مو علمي 000 الحركة الاهتزازية لصعود الدولار اللي كنا نشوفها اتوقع تحولت الى حركة مستقيمة يا افقية او مائلة الى الصعود على الاغلب والسبب براي اللي كان يعمل الحركة الاهتزازية هو خوف الناس من تدخل المركزي بعد كل تصريح وكان يبلش دولار بيتوتي ينباع خوفا من الخسار ة يقوم ينزل دولار فترة هلاء التغت هل حالة النفسية والعالم صار عندها قناعة دولار نحو صعود مستمر وما صار حكي المركزي ينفع ويخوف الناس وحتى اذا اتدخل مركزي بكميات اكبر من القبل بدو يكون تأثير قليل متل قصة الراعي والذئب 0000000 والعمر الكن

[motafaal]

اقتباس: المشاركة الأصلية كتبت بواسطة BROKER    وصباح الخيـــــر

صباح الخيرات ... عقبال ما تتحسن أسعار الليرات ...اللي صمدناهم بالجد و التعب ...وإن شاء الله ما نشوف عليهم الحسرات ... سلامات

[المضارب الحسكاوي]

اقتباس: المشاركة الأصلية كتبت بواسطة omar1964    أخبار عربية رامي مخلوف نقل امواله نقل رامي مخلوف ابن خال الرئيس بشار الاسد امواله الى اوقرانيا والى بيلاروسيا بأسماء من غير اسمائه وحولها من مصارف سورية الى مصارف في بيلاروسيا واوقرانيا ويملك هو اوراقا بأن هذه الاموال له لكنها سرية ولا تظهر للعلن. وأنه يستطيع سحب المال عندما يريد بواسطة اسم ثانٍ لديه وكالة ايضا في حال وفاة احد الاشخاص الذين تم وضع الاموال باسمهم في اوقرانيا وبيلاروسيا. وفي الوكالة الموضوعة بند يقول انه في حال وفاة الشخصين في حادث سير او فجأة فإن المستفيد الاول هو السيد رامي مخلوف الذي نقل حوالي 13 مليار دولار الى اوقرانيا وبيلاروسيا وهذه اكبر صفقة نقل اموال عربية بهذا الشكل من قبل فرد او تاجر او رجل اعمال من حساب الى حساب. ولا يوجد اكبر منها الا العمليات التي تتم بين الدول وعندها تكون الاموال واضحة من دولة الى دولة. الخبر منشور في جريدة الدياراللبنانية بتاريخ 07/06/2013 منقول عن جريدة الديار

تحاتي اخ عمر ومشكور على جهودك بس من وجهة نظري اذا الخبر مزبوط بيكون النقل تم في عام 2012 او عام 2011 لانو في عام 2013 ما اتوقع ضل هل الرقم من العملة الاجنبية في كل المصارف السورية الحكومية والخاصة وانت شو رايك

[omar1964]

الدولار رح يضل يرتفع طالما ما في حل سياسي للازمة للـ 175 و للـ 190 و للـ 200
و الله اعلم لوين
الليرة مع الاسف الشديد عم تفقد قيمتها شوية بطء و شوية بسرعة بس التسارع هلق صار اكبر بكتير
هي مشكلة كبيرة كتير و خربان بيوت و خاصة للموظفين و ذوي الدخل المحدود.
بس في مشكلة أكبر منها
و هي النهب و التشليح و الابتزاز اليومي .
الاسبوع الماضي شاحنة ثمنها 2 مليون ليرة بعز النهار و بنص البلد و بالسلاح أخدوها
و جاري التفاوض معهم حتى يرجعوها .
يعني رح نرجع نشتريا مرة تانية من الخاطفين
و النهب بالمزارع و بالمنشئات شي كتير ...
يعني شبكات التنقيط و الغاطسات بالمشاريع الزراعية و المولدات الكبيرة شو الها علاقة بالمجهود الحربي ؟؟؟
او بالنضال الثوري ؟؟؟
و ضواغط البرادات الكبيرة تبع اللبن و الجبن شو علاقتها .
اذا اخدو اللبن و الجبن و المواد الغذائية منقول خطي بدن ياكلو بس اللالات و العدة ليش عم ياخدوها ؟؟
ضيعة كاملة انهبت هالشهر انا ما عم احكي ع التدمير بسبب القصف او العبوات الناسفة لأنو هي الضيعة بالذات ما صار فيها لا قصف و لا تدمير بس نهب ...

[عابر مجيب]

اقتباس: المشاركة الأصلية كتبت بواسطة omar1964    الدولار رح يضل يرتفع طالما ما في حل سياسي للازمة للـ 175 و للـ 190 و للـ 200 و الله اعلم لوين الليرة مع الاسف الشديد عم تفقد قيمتها شوية بطء و شوية بسرعة بس التسارع هلق صار اكبر بكتير هي مشكلة كبيرة كتير و خربان بيوت و خاصة للموظفين و ذوي الدخل المحدود. بس في مشكلة أكبر منها و هي النهب و التشليح و الابتزاز اليومي . الاسبوع الماضي شاحنة ثمنها 2 مليون ليرة بعز النهار و بنص البلد و بالسلاح أخدوها و جاري التفاوض معهم حتى يرجعوها . يعني رح نرجع نشتريا مرة تانية من الخاطفين و النهب بالمزارع و بالمنشئات شي كتير ... يعني شبكات التنقيط و الغاطسات بالمشاريع الزراعية و المولدات الكبيرة شو الها علاقة بالمجهود الحربي ؟؟؟ او بالنضال الثوري ؟؟؟ و ضواغط البرادات الكبيرة تبع اللبن و الجبن شو علاقتها . اذا اخدو اللبن و الجبن و المواد الغذائية منقول خطي بدن ياكلو بس اللالات و العدة ليش عم ياخدوها ؟؟ ضيعة كاملة انهبت هالشهر انا ما عم احكي ع التدمير بسبب القصف او العبوات الناسفة لأنو هي الضيعة بالذات ما صار فيها لا قصف و لا تدمير بس نهب ...

الفاسدين وين ما كان بيجوا واقفين
الفرق انك تشاركهم وتكبرهم ،أو تكسر رجليهم وتقضي عليهم أولا بأول وقت بتتفرغلهم ، وبتنظف البلد منهم . الله كريم .

[عابر مجيب]

مبارح كان مستحيل دخول المنتدى
حضرت مشاركات وعبس ، باءت المحاولات بالفشل ، لا بكاسر بروكسي ولا العفاريت الزرق

أهم مشاركة كانت سؤال لشخص يسأل عن الطريق بين بيروت دمشق ويقول انه سيسحب ماله من بنك ، ومو عارف شو يساوي بالمصاري

أولا الطريق مؤمن ومافي خوف
منشان المصاري ، لا تاكل هم ، ألف مين بياخدهم ، عطينا ياهم مو تفكر مزح ، انا باخدعم إذا بدك ههههههههههههههه

والله حبيبي الليرة في انهيار ، ممكن أي شي غيرها ، وحسب المبلغ والوقت المتاح ، ممكن عملة صعبة أو عقارات .

[عابر مجيب]

كان في سؤال عن فعالية التحليل في ظل الظروف الحالية وأرجح التالي :

إن القاعدة واحدة ، ولا مكان للمنطق فيها ، فهي ارقام بحته ينتج عنها خط بياني ، ترسم له مماسات ويتم من خلالها ترجيح التوقعات ، صعودا أو هبوطا ، وتتغير تبعا للمستجدات .
الفرق أن التغيرات تكون أكثر تباينا أحيانا ، فبدل الفروقات بالقروش يصبح بالليرات
فالأسعار العالمية تتأثر بمفاجآت وكوارث طبيعية لا تقل حدة ، وبعضها من صنع الأفراد الموتورين ، وتسبب مفارقات كارثية مفاجئة أيضا ، هبوط أو صعود حاد في معدل البطالة ، تهديد أرعن من كوريا لجارتها أم (شيان هو) ، انهيار لمنجم ، غرق حاملة نفط ، إفلاس امبراطورية مالية ، طرح أطنان من الذهب للبيع ...الخ .
كل هذا يحصل وتبقى قواعد التحليل ثابته ، ويكون التأثير على اسعار السوق فقط ، أما التحليل فيكون في معزل عن الأحداث المباشرة ، فهو مبنى على ما يطرأ عنها من أسعار وليس العكس .

[omar1964]

اقتباس: المشاركة الأصلية كتبت بواسطة المضارب الحسكاوي    تحاتي اخ عمر ومشكور على جهودك بس من وجهة نظري اذا الخبر مزبوط بيكون النقل تم في عام 2012 او عام 2011 لانو في عام 2013 ما اتوقع ضل هل الرقم من العملة الاجنبية في كل المصارف السورية الحكومية والخاصة وانت شو رايك

اخي حسكاوي
ان متلك مو قنعان و لو بدو يصير نقل ما رح يكون من سورية
ولاحظ الخبر منشور من تاريخ 7-6
بس يمكن هي رسالة باعتها شارل ايوب لشيء حدا ؟؟؟؟

[zizo]

صباح الخير للجميع وشكرا للسيد رامي على الافتتاحية

[pop75]

صباح الخير لكم جميعاً