سعر صرف الليرة السورية مقابل الدولار في السوق السوداءليوم الاحد17-2-2013

[ابراهيم طاهر]

مرحبا" بكم وجعل الله ايامكم القادمة انخفاض في اسعار اغذية الفقراء الجائعين والاطفال المشردين والنساء الثكالى وذلك بانخفاض سعر الدولار والذهب ,

[انس الحموي]

اقتباس: المشاركة الأصلية كتبت بواسطة saeed    سؤال من الأخ الكريم ( m-pmp ) للأخ الكريم ( أنس بكور ) وهو : عندي سؤال استاذ انس الهدف منو شراء وبيع للمتاجرة وليس بقصد الادخار طويل الاجل. اليوم سألت احد الصاغة بسوق الذهب اللاذقية حول شراء اونص الذهب بالدولار والبيع بالدولار.فقال لي ع سبيل المثال وليس الحصر اذا كان سعر الاونصة 1610 سيقوم ببيعها للزبون 1650وعندما يقوم الزبون ببيعها له مرة اخرى بعد فترة معينة ولنفترض حينذاك الاونصة ب 1650 سيشتريها من الزبون ب 1635 ما رايك استاذ انس بكلام الصائغ. وباي عملة تنصح للمتاجرة بالاونص. وما رايك بشراء قطع الذهب المحروقوبيعه فيما بعد. باختصار حاليا الوضع مناسب للدخول وشراء ذهب. نريد خبرتك والافادة ستكون للجميع باذن الله. شكرا ملاحظة : السؤال كان في آخر مشاركة من يوم الخميس 14-02-2013 وتم اغلاق الموضوع لذلك تم التنويه ...

اهلا اخي وبشرفني وبيسعدني الرد على سؤالك بخصوص الشراء من اجل الادخار وخصوصا لاصحاب الاموال فانا ما بحبذ هي الفكرة لانو بهل الحالة بكون عما يخسر مع تقدم الايام لانو برأس ماله كان فينه من خلال المضاربة او اي عمل اخر يقدر يجني ارباح بالاضافة للحافظ على راس ماله وزيادته باستمراره ...اما الادخار فبنصح فيه لاصحاب الاموال القليلة والفقراء يلي راس مالهم ما بيتجاوز 300 او 400 الف ليرة فهدول حرصا انو ما تضيع اموالهم يلي صرلهم سنوات كتيرة عما يجمعوها فيفضل هون الادخار وعدم الدخول بالمضاربة او اي عمل تجاري خصوصا بمتل هي الحالة من الازمات .... بالنسبة للشق الثاني من سؤالك الفرق عما يكون بين سعر شراء الذهب الكسر وسعر المبيع عما يكون 15 دولار للاونصة تقريبا ولما بتضرب 15دولار ضرب سعر الدولار الان يلي هو 95 تقسيم 35.55 بيطلع الناتج تقريبا 40 ليرة سورية وهادا الشي حاصل كان يوم امس فكان الفرق بين الشراء والمبيع 40 ليرة ووصل عند بعض الصياغ 50 ليرة لانو ما كان عندهم ذهب كسر ... بالنسبة للبعض يمكن يتسائل كيف الذهب يوم الخميس كانت الاونصة ب1640 دولار وكان سعر الذهب الكسر 4310 للمبيع وكيف لما هبط ونزل لل 1610 دولار للاونصة تم سعر الذهب الكسر بحدود 4310 رح فسر هل الشي للاشخاص يلي ما عرفوا السبب يوم الخميس كان الذهب عما يتداول على 1640 دولار للاونصة ضرب سعر الدولار 93.50 تقسيم 35.55 بيطلع الناتج معنا بيطلع السعر معنا 4313 ليرة فكان عما ينباع عند بعض التجار ب4310 يعني شالوا 3 ليرات الاضافية والبعض منهم جبر فوقها ليرتين وصار يبيع على 4315 ليرة ...طيب منجي ليوم السبت الذهب كان عالميا ب1610 دولار للاونصة ضرب سعر الدولار المبارح 95 تقسيم 35.55 بيطلع الناتج 4300 يعني الفرق عشر ليرات بس ومع هيك بقيت التجار تبيع على 4310 سعر الكسر لانو بسبب الاقبال الشديد صار في نقص كبير على الذهب الكسر في الاسواق ...يعني ياشباب يلي ما لاحظ انخفاض بسعر الذهب الكسر بين يوم الخميس ويوم السبت بسبب ارتفاع الدولار بين 1.20 وبين 1.50 وسبق وقلت البارحة بمشاركتي انو بعت الدولار على 94.50 لاحد الصرافين والبعض باعه على 94.75 وكان الصراف لما يجي حدى يساله عن السعر يقول 95,25 للمبيع يعني كان عما يشتري بين 94.50 و 94.75 ويبيع عما 95.25 ومن ناحية تانية ضعف في مخزون الذهب الكسر ..بس يلي رح خبركم ياه اذا بقي الذهب عالميا بكرى على سعر 1610 دولار للاونصة واذا بقي سعر الصرف على 94.50 _95 رح نشوف سعر الذهب الكسر على 4290 ليرة ..ومازال بكرى بالنسبة لي يوم مراقبة واحتمال للشراء بنفس الوقت حسب المتغيرات العامة .. ويلي بدو يشتري بكرى على 4290 يحسب حسابه انو يوصل الذهب على سعره يلي كان عليه قبل اسبوع 4400 ليرة بشيل منها خصم 40 ليرة عمولة التاجر بصير كانوا باعه على سعر 4360 ليرة وبهي الحالة بكون حقق صافي ربح بكل غرام 70 ليرة تقريبا ويلي خصص مليون ليرة بس لشراء الذهب بيشتروا له ربع كيلو تقريبا والربع كيلو 250 غرام ضرب 70 ليرة بيطلع الناتج قرابة 18 الف وربح مقبول خلال فترة لا تتعدى الايام ...بس مع هيك خلينا بكرى نراقب واي نزول فينا نستفيد منه اكتر ومنجني ارباح منه اكتر وفي حال رجع الدولار على سعر 93.5 بدل 18 الف منجني ربح 35 الف ليرة بالمليون يلي ما يقارب نسبته 3.5 بالمئة وهي الارباح تعتبر كبيرة مقارنة باسبوع اسبوعين عمل ...يلي بدو يشتري بكرى الفرصة ممتازة كتير انا عن نفسي مازلت ارغب بتحقيق اكبر قدر من الربح وسوف اراقب لغاية منتصف النهار ومن ثم بتخذ قراري ام الانتظار ايضا او اتخاذ خطوة الشراء ورح خبركم في حال اتخذت هي الخطوة

[Fahd_z1980]

اقتباس: المشاركة الأصلية كتبت بواسطة مجد    ننصح الاخوة الذين يريدون السفر من مصر بان يقوموا بقطع تذاكرهم من شركات الطيران الرئيسية بشكل مباشر .لعدة اسباب . 1- عدم الزيادة بالسعر عن السعر الرسمي للتذكرة 2- سهولة تغيير الحجز واسترجاع التذكرة 3- في حالة تغيير الحجز او استراجاع التذكرة الصادرة من الخطوط مباشرة يتم دفع المبلغ الجقيقي لتلك الرسوم المترتبة على هذا لبعض خطوط الطيران -------علينا عند اختيار الخطوط الجوية التي نرغب السفر عليها ان نسال بعض الاسئلة لموظف الخدمة .. 1- هل يوجد رسوم لتغيير الحجز وكم المبلغ 2- كم تبلغ رسوم اعادة التّذكرة في حال ارجاعها 3-في حال استرجاع خط العودة للتذكرة (هل يسترجع ام لا )

\



والله معلّم يا أبو طارق

[انس الحموي]

الرجاء من ادارة الموقع تعديل سعر الصرف باعلى الصفحة من البارحة السعر تغير ورح يخلص اليوم ولساتوا بالموقع على نفس السعر ...انا ماعندي اي مشكلة وعارف الاسعار منيح بس للاشخاص العاديين وللزوار خصوصا يلي عما يتابع الاسعار كل ساعة بساعتها ...منشان ما يكون عندهم اي اختلاط او التباس ...

[مهندبديع]

مرحباااااا
ذهب مزور في الاسواق السورية وبختم مزور
لانو من فترة اقالو جورج صارجي
يعني بلشنا نربط اقالة السيد جورج وبلاختام المزورة الصادرة عن جمعيته
ارجو التاكد من الخبررجاااااء

[pilot]

حلب الساعة 2:00 ظهرا
دولار أمريكي
94.65 ___________ 94.80

[احمداحمد]

مساء الخير والمحبه

السعر الان في اللاذقيه


شراء 94.5-------------------------مبيع95

والحركه جيده

[arnouri]

سعر في دمشق

94.75 ------95.25

[xzone]

مسا الخير شباب انا اشتربت دولار بحلب ع سعر 95 وقال لي الصراف انو هادا احسن سعر الساعة3.5 ظهرا فهل هذا الصراف كلامه صحيح ارجو الافادة وهل هذا السعر نقطة دخول صحيحة ام لا مع جزيل الشكر لتعاونكم

[xzone]

على الرغم انو في اقبال عند الصراف