سعر صرف الدولار مقابل الليرة 10-2-2013 سوداء

[GoldMan$]

اقتباس: المشاركة الأصلية كتبت بواسطة ماهر محمد    صباح الخير جميعا فترة ثبات الدولار برأيي الشخصي و المتواضع و يلي ليس له أي مبدأ علمي و تحليلي: على أد ما بتملل على أد ما بتخوف يعني صراحة إزا هب بفرد هبة للـ100 أو أكتر لح يكمل لحواجز جديدة أما إزا نزل عن الـ90 بفضل الإشاعات طبعا (لا دعم حكومي ولا شي) كمان لح يكر لتحت لحواجز قديمة و أوعى حدا ياخد بحكيي أنا ما بعرف هه

بما انو فتحتو موضوع النقاش والآراء اسمحولي اعطي رأي ..

اللي عم يدعم الدولار بشكل كبير هو نقص السيولة من الليرة لهيك السعر ما عم يطلع حاليا ...
الدولة صحيح عم تعطي رواتب بس الرواتب ما هي المصدر الوحيد لليرة بالاسواق,, المشاريع والمناقصات والتعهداتوالقروض وغيرها متوقفة بشكل كبير ...
بس كمان في نقطة انو الدولار كسب ارض صلبة بعد هالثبات كل هالفترة وخاصة بعد الاعتماد المتزايد على البضائع المستوردة وخاصة صارت ارخص من البضائع المحلية ... يعني الطلب على الدولار موجود ... وباعتقادي انو اي تغيير باتجاه الدولار مستقبلا رح يكون للأسف نحو المزيد من الارتفاع وليس العكس ولو حدث انخفاض سيكون ضعيف وسيعاود بعدها الارتفاع ...
من سيقول اذا انتهت الازمة بغض النظر كيف و لصالح من ... هل سينتعش الاقتصاد السوري فجأة والاستثمارات التي يراهن البعض انها ستدخل الى ارض البلد هل تكفي لسد جزء صغير من الدمار الحالي ... اعتقد ان العملية معقدة جدا وستطلب سنوات لاعادة الاعمار والاهم اعادة اعمار الاقتصاد قد نستطيع الاستفادة من ما يحصل للاقتصاد ببلدان أخرى رغم انها لم تعاني مما نعاني نحن ببلدنا الغالي ... للأسف

[احمداحمد]

اقتباس: المشاركة الأصلية كتبت بواسطة goldman$    بما انو فتحتو موضوع النقاش والآراء اسمحولي اعطي رأي .. اللي عم يدعم الدولار بشكل كبير هو نقص السيولة من الليرة لهيك السعر ما عم يطلع حاليا ... الدولة صحيح عم تعطي رواتب بس الرواتب ما هي المصدر الوحيد لليرة بالاسواق,, المشاريع والمناقصات والتعهداتوالقروض وغيرها متوقفة بشكل كبير ... بس كمان في نقطة انو الدولار كسب ارض صلبة بعد هالثبات كل هالفترة وخاصة بعد الاعتماد المتزايد على البضائع المستوردة وخاصة صارت ارخص من البضائع المحلية ... يعني الطلب على الدولار موجود ... وباعتقادي انو اي تغيير باتجاه الدولار مستقبلا رح يكون للأسف نحو المزيد من الارتفاع وليس العكس ولو حدث انخفاض سيكون ضعيف وسيعاود بعدها الارتفاع ... من سيقول اذا انتهت الازمة بغض النظر كيف و لصالح من ... هل سينتعش الاقتصاد السوري فجأة والاستثمارات التي يراهن البعض انها ستدخل الى ارض البلد هل تكفي لسد جزء صغير من الدمار الحالي ... اعتقد ان العملية معقدة جدا وستطلب سنوات لاعادة الاعمار والاهم اعادة اعمار الاقتصاد قد نستطيع الاستفادة من ما يحصل للاقتصاد ببلدان أخرى رغم انها لم تعاني مما نعاني نحن ببلدنا الغالي ... للأسف

كلا م صحيه 100%

لانه بهيك ظروف اول من يتاثر الاقتصاد واخر من يتعافه الاقتصاد

[ADIB]

مساء الخير للجميع

[ADIB]

سعر الدولار الاميركي الان مبيع 94.25 93.25 شراء

[عابر مجيب]

اقتباس: المشاركة الأصلية كتبت بواسطة مهندبديع    اسعد الله صباحكم مشكور استاذرامي عندي سؤال للمشرفين وذوي الخبرة بدي اسافر عتركيا لمدة اسبوع هل استطيع فتح حساب باحدى البنوك التركية وما هو المطلوب لاني منذفترة كنت بلاردن وذهبت للبنك العربي بعمان فكانت هناك عدة شروط كتصريح اقامة وسكن ووو ارجو النصح ولكم جزيل الشكر

صباح الخير إلك وللجميع
أول شي اليوم من الصبح عم حاول ادخل للموقع وأخيرا ظبطت ان شاء الله اقدر كمل المداخلة لأني حاسس طلبك ملح ويمكن ما أقدر ادخل اليوم مرة تانية .
شوف بقا ياسيدي بنك اتش اس بي ولا مدري شو أنا حافظ منظر الكتابة وعمري ما هجيتها ، نعم هاد البنك أعطى مهلة للسوريين بالخليج يمكن ليسحبوا مصاريهم قال شو ؟ الأفندي ما بيودع لدولة عليها عقوبات . هاد شي مفاجئ ويمكن بنوك تانية تعمل نفس الشي . وينك يا تركيا ساعتها !
ممكن حدى ينصحك بتركيا بناء على تجربتو ومن هون لتروح بيكون تغيير شي .
لذلك عليك بلبنان ، ممكن تروح على المضمون بحيث تفتح حساب بفرع بنك سورياو المهجر هون قبل السفر هنن بيأمنوا كل اللازم وبيجيبوا موافقة مكتب غسيل الأموال ببيروت وبيعطوك دفتر على طلبك يعني ممكن فرع الحمرا أو غيره ، بتوقع على الأوراق وبيعطوك بعد كم يوم رقم حسابك ، بيبقى عليك تهرب المصاري بالطرق الغير مشروعة وتروح تودعهم هونيك .
يفضل تخلي المصاري باللبناني بيعطوا فوائد أكتر ، إذا سهل سفرك لبيروت أو حتى شتورة لأن أي فرع ممكن يعمل نفس اجراءات الفرع الآخر ، يعني خلي عينك على سعر الليرة بموقع إكس إي ، وقت بتشوف الليرة اللبنانية بلشت تنزل عن فرق الفوائد ، روح قلبهم دولار . وبإمكانك توقيع تكليف بالبنك للتعامل معك من خلال الفاكس وفيك تعطي طلب بقلب الليرة لدولار .
فهمت شي ؟ انا مستعجل لوصل المعلومة صار النت قاطع تلت مرات .
يلا موفق .
لا تتوسوس منشان هبوط اللبناني عندهم سلامة حاكم البنك المركزي مو ميالة

[najm]

السلام عليكم
اذا كنت فاتح حساب ببنك قطر الوطني بالريال بقطر بقدر اسحب واودع فيه مصاري هون ؟
لاني بصراحة ما راجعت الفرع بسوريا

[انس الحموي]

حماة في تمام الساعة وحدة الظهر شراء 93.50 مبيع 94 واسف عالتاخر بوضع المشاركة بس adsl مقطوع من يومين بحماة وعما ادخل عن طريق الوايف والوايف بطيء شوي ودقيقة بيجي وعشرة بروح ,,, بس في شي ياشباب عما يصير انو التضخم عما يزيد كتير والسلع زادت اضعاف مضاعفة على الرغم من استقرار الدولار ...
وارتفاع الدولار بالمركزي تدريجيا فما ظن يبقى الدولار على وضعه الراهن ويبدو له حركة صعود قوية في السوق السوداء عن قريب لانو تجار الدولار رح يفكروا بصولة جديدة تكون مساوية لاسعار ارتفاع السلع ,,, ومحد يزعل لانو عما احكي شو بدو يصير والله محد فينا عاجبه الوضع هيك والكل هيك خسران من التاجر لاصغر مواطن

[moh_b]

بالنسبة لبنك hsbc الامارات الأخبار المتناقلة حول طلب اغلاق الحسابات لكل السوريين فهو غير صحيح , و طلب الاغلاق شمل حالات خاصة و كل سوري ليس لديه اثبات تمديد الاقامة و ذلك لأن قانون العقوبات يطبق على السوررين المقيمين في سوريه فقط و لا يشمل المقيمين خارجها

[مهندبديع]

مسا الخير
اشكر السيدarnoureوالسد عابر مجيب على معلوماتهن المفيدة
بس هيك ياشباب حيرتوني ومن غير شي انا محتار
يعني معقولة نوصل لمرحلة نحتار وين نودع فلوسنايعني هون كانو بيبوسو ايدنا
منشان نودع عندهم وبرا منبوس ايدهم منشان نودع عندهم
مشكورين كتير بس افضل البنوك التركية ومتل ماقال عابر مجيب اسال بتركيا ولو اتعذبتلي شوي

[arnouri]

اقتباس: المشاركة الأصلية كتبت بواسطة مهندبديع    مسا الخير اشكر السيدarnoureوالسد عابر مجيب على معلوماتهن المفيدة بس هيك ياشباب حيرتوني ومن غير شي انا محتار يعني معقولة نوصل لمرحلة نحتار وين نودع فلوسنايعني هون كانو بيبوسو ايدنا منشان نودع عندهم وبرا منبوس ايدهم منشان نودع عندهم مشكورين كتير بس افضل البنوك التركية ومتل ماقال عابر مجيب اسال بتركيا ولو اتعذبتلي شوي

بالتوفيق

بس ملاحظة مهمة اذا فلوسك كانت مودوعة بالبنك وسحبتهم من البنك اخذ معك اشعار البنك عند فتح حساب او ايداع
واذا لم لم يكن لديك وصل سحب يجب ان يكون المبلغ تحت 9000 دولار
وبالتوفيق