سعر صرف الليرة السورية مقابل الدولار ليوم السبت 06-10-2012 في السوق السوداء

[GoldMan$]

أسعار الذهب
2012-10-06

عيار 21 (1 غرام) : 3625
ليرة سورية عيار 18 (1 غرام) : 3107
ليرة سورية الليرة الذهبية (عيار 22) : 30700
ليرة سورية الليرة الذهبية (عيار 21) : 29400
ليرة سورية الليرة الرشادية : 27500
ليرة سورية الفضة الخام المحلي (1 غرام) : 80.76
ليرة سورية

[osama alshibli]

سؤال؟؟؟؟؟
بحسن اشتري اونصة دهب
يلي حقها 35.5غ*3600ل.س=127800ل.س
و بيعها ب 1780$
الرجاء يلي عندوا علم عن الموضوع يخبرنا

[tarek]

سعر الدولار في حلب 73.4 - 73.75

[Bader Halab]

اقتباس: المشاركة الأصلية كتبت بواسطة osama alshibli    سؤال؟؟؟؟؟ بحسن اشتري اونصة دهب يلي حقها 35.5غ*3600ل.س=127800ل.س و بيعها ب 1780$ الرجاء يلي عندوا علم عن الموضوع يخبرنا

بعتذر عن الغيبة بس سافرت لبرا شوي فبعدت عن أجواء السوق السوري وبلكي هلق بقدر من هون فيدكم بكم شغلة

استاذي... اول شي اونصة الدهب العالمية 31.10 غ والأونصة دهب 24 مو 21 يعني السعر مو 3625 وكمان سؤال: وين بدك تبيعها؟ لأنو حتى تبيع بالدولار بدك حدا برات سوريا معظم المحلات بتقلك ما بشتري أو ببيع إلا بالسوري وإذا قلتلون معي دولار بقولولك صرفو وتعى أو إذا كنت جدي بدقلو للصراف اللي بتعامل معو وبقلو يثبت على رقم
فلما تعيد حساباتك رح تلاقي السعرين كتير متقاربين ومي مستاهلة

[osama alshibli]

اقتباس: المشاركة الأصلية كتبت بواسطة Bader Halab    بعتذر عن الغيبة بس سافرت لبرا شوي فبعدت عن أجواء السوق السوري وبلكي هلق بقدر من هون فيدكم بكم شغلة استاذي... اول شي اونصة الدهب العالمية 31.10 غ والأونصة دهب 24 مو 21 يعني السعر مو 3625 وكمان سؤال: وين بدك تبيعها؟ لأنو حتى تبيع بالدولار بدك حدا برات سوريا معظم المحلات بتقلك ما بشتري أو ببيع إلا بالسوري وإذا قلتلون معي دولار بقولولك صرفو وتعى أو إذا كنت جدي بدقلو للصراف اللي بتعامل معو وبقلو يثبت على رقم فلما تعيد حساباتك رح تلاقي السعرين كتير متقاربين ومي مستاهلة

شكرا لالك ما كنت بعرف هالشغالت انا كنت مفكرها 35.5
بس صفيان معي شوية سيولة بالليرة و بدي اطلع برات البلد و ما عرفان شلون بدي صرفهون بسعر معقول

[mak]

اقتباس: المشاركة الأصلية كتبت بواسطة osama alshibli    شكرا لالك ما كنت بعرف هالشغالت انا كنت مفكرها 35.5frown11 بس صفيان معي شوية سيولة بالليرة و بدي اطلع برات البلد و ما عرفان شلون بدي صرفهون بسعر معقول

ملاحظة الاستاذ بدر صحيحة...و لكن حساباتك ليس خطأ تماما......فأونصة الذهب 31.1 عيار 24
اي تقريبا 35.5428 عيار 21 ...و هذا السعر الذي كنت تحسب عليه......

اما اذا كانت رح توفي معك فغالبا لأ ..لأنو بائع الذهب رح يربح عليك عمولتو و كمان يللي بدو يصرفلك الدولار

[osama alshibli]

اقتباس: المشاركة الأصلية كتبت بواسطة mak    ملاحظة الاستاذ بدر صحيحة...و لكن حساباتك ليس خطأ تماما......فأونصة الذهب 31.1 عيار 24 اي تقريبا 35.5428 عيار 21 ...و هذا السعر الذي كنت تحسب عليه...... اما اذا كانت رح توفي معك فغالبا لأ ..لأنو بائع الذهب رح يربح عليك عمولتو و كمان يللي بدو يصرفلك الدولار

لا من هالناحية ما بيطلعلن ياخدوا مني عمولة \\الصايغ صديقي\\
انا عم فكر اشتري دهب و سافر
و صرفوا برا بس ما بعرف ازا هالشغلة مسموحة لما لا

[Bader Halab]

فعلا تقريبا نفس الشي طبعا باستثناء الفاصلة على كلن الاسلم هو التعامل بالمتعارف عليه عالميا خصوصا انو الاخ ذكر ان بدو يبيعها برا وكمان انا ماليهبو انو في هيك اونصة
بس عنجد لقطة كتير حلوة!!! صرلي فترة بشتغل بالذهب وما خطرتلي

[Bader Halab]

بالنسبة للأخ أسامة انا بنصحك تشتري ذهب وتبيعه بس تصير برا ويرتفع الذهب شوي.. طبعا اذا كنت مالك مضطر على المصاري.. اذا كنت مالك مضطر ورح تشتري الذهب تاكد انو تكون الاونصة 31.10 لانو في اونصات 31.15 وفاصلو شوي على سعر الصياغة... وانتبه على حالك وعلى الاونصة ما يجيها قوة او دعك لانو الدهب لين
واله يحميك ويحمينا ويحمي سوريا

[الباشا المهندس]

اقتباس: المشاركة الأصلية كتبت بواسطة osama alshibli    سؤال؟؟؟؟؟ بحسن اشتري اونصة دهب يلي حقها 35.5غ*3600ل.س=127800ل.س و بيعها ب 1780$ الرجاء يلي عندوا علم عن الموضوع يخبرنا

اقتباس: المشاركة الأصلية كتبت بواسطة mak    ملاحظة الاستاذ بدر صحيحة...و لكن حساباتك ليس خطأ تماما......فأونصة الذهب 31.1 عيار 24 اي تقريبا 35.5428 عيار 21 ...و هذا السعر الذي كنت تحسب عليه...... اما اذا كانت رح توفي معك فغالبا لأ ..لأنو بائع الذهب رح يربح عليك عمولتو و كمان يللي بدو يصرفلك الدولار

اقتباس: المشاركة الأصلية كتبت بواسطة bader halab    بالنسبة للأخ أسامة انا بنصحك تشتري ذهب وتبيعه بس تصير برا ويرتفع الذهب شوي.. طبعا اذا كنت مالك مضطر على المصاري.. اذا كنت مالك مضطر ورح تشتري الذهب تاكد انو تكون الاونصة 31.10 لانو في اونصات 31.15 وفاصلو شوي على سعر الصياغة... وانتبه على حالك وعلى الاونصة ما يجيها قوة او دعك لانو الدهب لين واله يحميك ويحمينا ويحمي سوريا

صديقي حساباتك كقيم صحيحة .. وعادة الصياغ بحسبو الأونصة على أنها تكافئ 35.55 غ21 وهي قيمة تقارب 31.1 غ 24
من واقع تجربة .. الأونصة السورية ومن الآخر مضروبة ولا تقبل في كل دول الخليج كأونصة .. وهذا ما اختبرته في دولتين خليجيتين .. الأونصة ذهب 24 أي نسبة الذهب 99.9 في السويسرية،
بينما في الأونصة السورية التي تسبك في سوريا أو لبنان وهو أمر غير نظامي"وليست سويسرية وليقل لك الصاغة ما شاؤوا" عيارها 99.5 ، وسيشتريها منك البائع في الخليج مثلا كذهب 21، لأنه لا هي 24 ولا هي 21 ..

الأهم أن الذهب السوري بنظرهم ذو عيارات غير دقيقة .. ويشتكون من كثرة النحاس فيه ..
العكس صحبح الذهب الخليجي يباع في سوريا كقطع مرغوبة .. وهو غالبا مشغول في الهند .. البلد الأشهر في هذا المجال .. لذلك أنصحك بأخذ الدولار أو أية عملة اخرى حسب جهة سفرك