سعر صرف الليرة السورية مقابل الدولار27-8-2012 في السوق السوداء

[مجد]

نرجو من احد الاخوة ان يضع لنا سعر الدولار اليوم .

[ماهر محمد]

سعر الآن
70.40 مبيع
70.00 شراء

[Tareq]

شباب تضامنا مع الدعوات لخفض قيمة الدولار الله يخرب بيتو . الدولار اليوم
مبيع ٣٤ وشراء ٣٥ . واحذر كل من يحمل دولار يلحق ويصرفوا اليوم لأني ناوي أتدخل بالسوق بكل تقلي واحذر المضاربين بالويل والثبور وعظام الامور انو أزا نزلت بكل تقلي الدولار رح يصير ٢٠ ليرة وقد أعذر من أنذر .


اخ ابراهيم والله حاسين بكلامك بس هاد الكلام ما بيتوجه لأعضاء المنتدى يلي يمكن أغنى واحد فيهون بيملك كزا الف دولار ولك حتى ١٠٠٠٠٠ دولار . روح أحكيه لأصحاب الملايين والمليارات. تقبل كلامي اخي الكريم

[Gladiator]

اقتباس: المشاركة الأصلية كتبت بواسطة ماهر محمد    لا حول و لا قوة إلا بالله الدولار صار تجارة بالدم؟!؟! و سفح الدم من شو؟ تجارة اليورو؟!؟ وين عايش ؟!؟ ما بتشوف أخبار أنت؟!؟!

أخي الكريم
بمجرة أندروميدا يلي عايش فيها أخونا عماد
لا يوجد سوى قناة الدنيا فلذلك تفكيره مشبع بهذه الأفكار الأندروميدية

[Omar Keddo]

اقتباس: المشاركة الأصلية كتبت بواسطة ابراهيم طاهر    سيكون استقرار وهبوط بالدولار نتيجة التشبع الحاصل من العملات الصعبة لدى اغلب الناس حيث ان 80 % من الشعب ليس معهم عملة سورية ابدا" , بل حولوها كلها لدولار وهذا مااشبع السوق لان الناس الآن بحاجة لصرافة الدولار الى سوري من اجل المصروف اليومي وهذا بدوره سيخفض سعر الصرف اي لا احد يحلم انه يتاجر بالدولار ويكون ثروة على حساب دم الاطفال .

السلام عليكم
أخي الفاضل
بحب طمنك إنو الشعب حالياً ما معو ياكل لا بالدولار و لا بالليرة السوري ولا التركي
أنا مالي اختصاصي اقتصادي بس بعرف حالي وين عايش و مين الناس اللي أنا منون و شو عندون

تحياتي المعطرة لك

[dodireg]

اقتباس: المشاركة الأصلية كتبت بواسطة ماهر محمد    سعر الآن 70.40 مبيع 70.00 شراء

في مجال تعطينا رقم تلفون الصراف
وشكراً

[ابراهيم طاهر]

اقتباس: المشاركة الأصلية كتبت بواسطة Omar Keddo    السلام عليكم أخي الفاضل بحب طمنك إنو الشعب حالياً ما معو ياكل لا بالدولار و لا بالليرة السوري ولا التركي أنا مالي اختصاصي اقتصادي بس بعرف حالي وين عايش و مين الناس اللي أنا منون و شو عندون تحياتي المعطرة لك

كلامك صح اخ Omar Keddo ووضعت اصبع على الجرح
الناس كما قلت انت صح . بمعنى اخر ان الناس معها بضع الاف الليرات ,
معقول فوق فقرهم وتعتيرهم وهدم منازلهم نرفع سعر الدولار الى 100 ليرة ونجعل بضع الالف من الليرات الذي يملكوها لا تقوتهم ليوم واحد يعني تصور اسعار الاغذية اذا اصبح الدولار 100 ليرة ,
ياعالم شغلوا ضميركم وعقلكم على اقل تقدير ان يساهم الكل في تثبيت الدولار على 50 ليرة ولو بالكلام او بالقلب وهو اضعف الايمان وواجب تجاه من يملك قليلا" من المال ليعيل اسرته

[Abu Amr]

اقتباس: المشاركة الأصلية كتبت بواسطة ابراهيم طاهر    كلامك صح اخ omar keddo ووضعت اصبع على الجرح الناس كما قلت انت صح . بمعنى اخر ان الناس معها بضع الاف الليرات , معقول فوق فقرهم وتعتيرهم وهدم منازلهم نرفع سعر الدولار الى 100 ليرة ونجعل بضع الالف من الليرات الذي يملكوها لا تقوتهم ليوم واحد يعني تصور اسعار الاغذية اذا اصبح الدولار 100 ليرة , ياعالم شغلوا ضميركم وعقلكم على اقل تقدير ان يساهم الكل في تثبيت الدولار على 50 ليرة ولو بالكلام او بالقلب وهو اضعف الايمان وواجب تجاه من يملك قليلا" من المال ليعيل اسرته

لك عمو لو بدهن يلغولي اشتراكي بالمنتدى بدي قلك مشان الله شي مرة بس حسسنا انك مفكر قبل ما تصف الحكي تبعك يلي دايما بتحكيه نفسه بدون اي محاكمة عقلية
بالعادة بيجاوبوك الاخوة يلي بالمنتدى بالمنطق بس ما عم تستوعبه ديقت خلقنا بصراحة يعني ومو ناقصنا ديقان خلق فتح شوي مشان نحس انك فهمان وين الله حاطك وعايش بهالدنيا وشايف الاسعار يلي حوليك حتى اسعار المواد الغذائية على انو سعر دولار مسعرة