سؤال الى الخبراء

[Majid]

شكرا كتير سيد رامي عالايضاح

[economist]

اقتباس: المشاركة الأصلية كتبت بواسطة broker    نعم اخي الكريم يتم وضع سعر الين ليس بوحدة واحدة ولكن بمئة وحدة اي سعر ورقة 100 ين وذلك لان الين الواحد يساوي أقل من ليرة سورية هذا التضخم الكبير الذي اصيبت به اليابان بعد الحرب العالمية وبعد الحروب الاقتصادية عليها كلما تنهض .... (بشكل عام ) .

طيب بس اليابان تعافت من الحرب العالمية التانية وصار فيها نهضة وتنمية اقتصادية كبيرة كتير .. ليش لهلأ عملتا منخفضة كل هالقد؟ هل الموضوع مقصود بهدف انعاش التصدير؟

[yosef]

اقتباس: المشاركة الأصلية كتبت بواسطة economist    طيب بس اليابان تعافت من الحرب العالمية التانية وصار فيها نهضة وتنمية اقتصادية كبيرة كتير .. ليش لهلأ عملتا منخفضة كل هالقد؟ هل الموضوع مقصود بهدف انعاش التصدير؟

تماما متل ماحكيت اليابان ما الها اي مصلحة بزيادة قيمة عملتها لأنو هيك شي بأثر عالتصدير واكبر مثال عهالشي الي صار من شي شهر بتويوتا حيث انخفضت صادراتها بنسبة 30% بسبب قوة الين
وهالسياسة ايضا بتتبعا الصين حيث تملك احتياطي من الدولار يقدر ب2500 مليار دولار وهذا لكي تخفض من قيمة عملتها الرانمينبي الصيني .....

[نضال العلي]

تحليلك بقدم تصور واضح عن سبب ارتفاع الدولار بالاضافة الى انو رغبة الصارفين ببيع الدولار بتنخفض في حال التوتر السياسي والاقتصادي وبالتالي بصير الفرق كبير بين سعر البيع الشراء.....
لفت انتباهي شغلة انو هل من الممكن اعتبار سوق الصرافين بسوريا سوق قلة محتكرة ؟؟ انا بدي اخالفك شوي بهالنقطة بالذات لأنو من شروط سوق القلة المحتكرة :
1 - تمايز السلع (وهاد شي غير متوفر بسوق النقود حيث السلع دوما متمتاثلة)
2- صعوبة الحصول على المعلومات المتعلقة بالاسعار ( ايضا هالشي غير متوفر بالسوق عنا لأنو اسعار الشراء والبيع متوفرة دوما دون اي صعوبات)
3- تعقد الاجراءات الحكومية المتعلقة بدخول السوق (هالشي ماعندي معلومات عنو)
4- قلة عدد البائعين ( يمكن هالشرط بينطبق عحالة السوق عنا ولكن بشكل نسبي جدا لأنو بسوق النقود اي شخص عندو قطع اجنبي ويرغب ببيعه ممكن نعتبرو بائع )
انا باعتقادي سوق النقود عنا سوق قلة تنافسية واذا تم تعويم الليرة بشكل مطلق منحسن نعتبرو سوق تنافس تام...شكرا جزيلا لمداخلتك اخي نضال........

شكراً أخي يوسف
ما عنيته عن سوق الصرف بسوق القلة المحتكرة أو أحتكار القلة oligopoly أن أغلب الصرافين يشكلون فيما بينهم ما نسميه كارتيل اي مجموعة يتفقون على تحديد سعر البيع و الشراء كل يوم مع تحديد هامش أختلاف بسيط جداً يتحركون ضمنه و ذلك لاظهار أن هناك منافسة و للخداع و أحياناً ينقص السعر أو يزيد عند أحد الصرافين حسب كمية الدولارات المطلوب شراؤها أو بيعها.
و بالنسبة لسهولة دخول السوق من قبل صرافين جدد فأنصحك ألا تحاول لأنك ستحارب و سيأكلونك.
و نحن لانتحدث عن شخص يدخل السوق ليصرف على نطاق ضيق مبالغ صغيرة نحن نتحدث عن حيتان سوق الصرافة المعروفين و الذين يحمون أنفسهم إ