المتابعة اللحظية لجلسة تداول الثلاثاء 21-06-2011

[غسان]

بقترح ننهي النقاش هون وخلينا نرجع عالمتابعة للاسعار الفورية والبورصة
وندعو لبلدنا الحبيب بالخروج من الازمة الحالية اقوى
وتبقى سوريا معشوقتنا جميعا

[Salam L]

اقتباس: المشاركة الأصلية كتبت بواسطة economic opinion    وحياتك يا سلام مالي معصبة.. بس يعني عم حاول ناقش بالمنطق

انا بس عم احكي الواقع اللي صار معي وشفته...وبدون مبالغات الطرفين

[غسان]

سهم قطر تجد من يشتريه دائما والبيع 20 الف سهم

[economic opinion]

اقتباس: المشاركة الأصلية كتبت بواسطة أبواليمان    لو كانت المسيرات عفوية ما كان السوق هيك أكيد كان لازم يكون أخضر بإمتتياز، الي بيعرف كيف بتتسير المسيرات هن نفسهن هوامير السوق والله أعلم. بعدين مين آل أنو الموظفين مجبرين على الحضور ؟ ما في شي من هاد أبداً بيطلع الموظف بكل ديمقراطية بس بال ...... أجلكم الله، أنا مو موظف بس بدكن تسألو الي ما طلع المرة الماضية شو انبسطو منو .... حتى انهن كافؤوه على ديمقراطيته ...... في ناس ثقة كتير حكتلنا بس بجوز يطلعو مندسين وفقاً لرواية الإعلام السوري. على كل حال أحلى شي بهاد المنتدى أنو ما في سماح للحوار السياسي وهي فعلاً أكتر شغلة حكيمة من إدارة المنتدى. لهيك أنا بطلب من إدارة المنتدى تحذف أي شي دخلو بالسياسة وممكن يعمل خلاف بوجهات النظر وأولهن تعليقي هاد. انا بعتذر بجد بس الخطأ مو من الرد، الخطأ من الي فتح الموضوع. خلونا نحكي اقتصاد ونشير إشارة بس للأوضاع السياسية

على اعتبار يعني إنو سوقنا كتي كتير ماشي مع التحليل؟؟؟!!!!!!!!!! وأنا كتير من رفقاتي بالشغل بالمسيرة الماضية ما طلعوا مع أنو خبرونا عن المسيرة ووقفوا الدوام وصدقني أكتر من تلت رباع العالم ما طلعوا وحياتك ماحدا حاكاهون ولا كلمة

[Salam L]

اقتباس: المشاركة الأصلية كتبت بواسطة broker    ومن يومين رجع عاد الكرة لباقي الاسهم احلى شي بيعملها وهوى بالطريق بدون ما يعرف الاسعار ولا الارقام

والله انو كفو وفهيم....

بتعرف يمكن اعمل متله اليوم

[Salam L]

اقتباس: المشاركة الأصلية كتبت بواسطة غسان    بقترح ننهي النقاش هون وخلينا نرجع عالمتابعة للاسعار الفورية والبورصة وندعو لبلدنا الحبيب بالخروج من الازمة الحالية اقوى وتبقى سوريا معشوقتنا جميعا

وانا من رأيك...

يارب تنجينا كلنا من هالازمة يارب

[أبواليمان]

فعلا المزعج بالموضوع أنو بحس الواحد الانخفاض ما ألو حدود لأنو الي عم يبيع هلأ على الأغلب مو حاطط ببالو يرجع يفوت على السوق مرة تانية لأنو ببساطة بجوز ما يقدر لو ارتفعت الأسعار.

لأنو الإرتفاع جائز يكون على الحدود الدنيا، يعني ممكن الواحد يبيع اليوم مثلاً ب 500 وما يقدر يشتري غير على 600 لو ارتفعت الأسعار.

بمعنى تاني ما في بالمدى القريب قوة شرائية ولا رغبة بالشراء.

[Rihab]

حالة السوق حتى الآن

حجم التداول	قيمة التداول	الصفقات
الصفقات العادية	31,795	17,176,921.50	167
الصفقات الضخمة	0	0.00	0
الصفقات الكلية	31,795	17,176,921.50	167

[غسان]

المعروض عالادنى للاسلامي 7000 سهم
الظاهر هامور غو ون حلسسسسسسسسس

[abu mhd]

ابو حازم عم فكر ارجع لاقتراح بسطة الفول و البليلة احسن شي
و بما انوا قرب رمضان رح نزل كمان ناعم و عرق سوس و تمر هندي
شو رايك بالموضوع نطرحها على الاكتئاب العام