سعر صرف الدولار والذهب مقابل الليرة السورية ليوم السبت 12-04- 2014

[عابر مجيب]

من قرائتي للمشاركات
سؤال اسالو للخبراء
لماذا الصبح في حركة مثلا والعصر لا والمغرب اي والعشا توازن واخر الليل ما بعرف
بمعنى اخر لماذا السعر بينزل وبيطلع كذا مرة باليوم الواحد وخلال ساعات معدودة
(طبعا انا عم احكي على منطقة محددة وليست الفوارق بالمناطق المختلفة)

حبيبي حاسوب مان
من قلة الشغل الناس عم تتسلى ، ولا تستغرب ان نفس البائع يرجع يشتري
لا شغلة ولا عملة ، بدهم يشتغلوا
ممكن يحطوا طاولة بلاستيك ، ويضلوا يبيعوا ويشتروا فيها ، ويرتفع سعرها ، فكيف إذا دولار ، كل ساعة بيفكر الواحد بيقول في تدخل ، خلينا نبيع ، بعد شوي مافي تدخل ، بيشتري بأغلى شوي وهلم جرا .
مو هيك صار بأزمة العقار رفعوا السعر من البيع والشراء وتجاوزوا القيم الفعلية ، وآخر واحد وقفت عندو ، ضل واقف والبقية قاعدين ( متل كراسي الموسيقى ) .
هون الواقف حيكون معو ليرات .

[hasobman]

بفهم من كلامك استاذي انو نفسون الدولارات عم يبرمو
وما في ولا عملية ادخار جديدة عم تصير
علما انو دولارات المضطر هي فقط التي تدخل السوق جديدة
حتى دولارات المركزي عم يدورو
طيب طالما عم يدورو ويدور وبطلوع وبنزول
بالاخر في طرف خسران عم يبيع وما يشتري بارخص
بس يا هل ترى العملية هي تساعد على العملية هديك

[عابر مجيب]

بتصور سوق العملة حاليا متل خض اللبن ، كل شوي بيطلع كبتولة زبدة وما بقى ترجع .
بينطرح شوي من المدخرين للمصروف ، ما بتلبي السوق ، بيرتفع السعر من طلب اللي عم يلموا للسفر .