سعر صرف الدولار والذهب مقابل الليرة السورية اليوم الثلاثاء 29 -04- 2014

[تيسير ابو محمد]

اقتباس: المشاركة الأصلية كتبت بواسطة جوليت    بعتقد لو السيد باسل موجود معنا لكان الو رأي تاني ,مو قصدي شي ابدا سيد تيسير بالعكس تماما الله يعطيك العافية على مجهودك ولكن السيد باسل درجة اطلاعو على حركة الدولار العميق أكبر الذي لايتأثر لابشاشات ولاهم يحزنون

الهوامير و الصرافين الخبراء ما بيتاثروا بس ينبسطوا ليلموا وبما انوالناس تتاثر فهم يستغلوا الهبوط والنزول

[ابو رفيف]

ممكن حدا يخبرنا شو سوق دمشق المزبوط وياريت الانسه جوليت اتخبرنا لانو اسعارها مزبوطه

[تيسير ابو محمد]

اقتباس: المشاركة الأصلية كتبت بواسطة ابو رفيف    ممكن تعليق عنا بدرعا التجار اخترب بيتا الكل باع من وين بدهم يشترو الناس عنا انجنت وعم تشتري بالغالي طب عاساس المصداقيه انتو والشاشه الي عندكم بلشت عندنا تفقد مصداقيتا

تحياتي ابو رفيف انا شايف العكس
تزداد مصداقيتا والسوق هو مخربط هاليومين
عفوا هالسنتين

[تيسير ابو محمد]

اقتباس: المشاركة الأصلية كتبت بواسطة ابو رفيف    ممكن تعليق عنا بدرعا التجار اخترب بيتا الكل باع من وين بدهم يشترو الناس عنا انجنت وعم تشتري بالغالي طب عاساس المصداقيه انتو والشاشه الي عندكم بلشت عندنا تفقد مصداقيتا

يا شباب اللي متابعين الشاشة السوق ينزل تنزل الشاشة
السوق يطلع تطلع الشاشة وليس العكس
الشغلة عرض وطلب
بعدين لنفترض اخطأوا الشباب كم مرة نفعونا 1000 مرة وضرونا مرة
لفوهااااااااااااااااااا

[ابو رفيف]

يعني قولك ابو محمد السوق بيثبت بعد اكم سنه ولا رح يكمل خربطه

[ابو رفيف]

والله انا شايف انو زبطونا هالمره عالاخر
اخر تزبيطه بدي الف سندويش بالعمله السوريه مش مطوله

[ابو رفيف]

عاااااااااجل البنك المركزي يعلن عن جلسه تدخل
ويقوم بضخ 1000000000000 ليره سوريه للمطاعم
والسندويش بانواعه
وكل مطعم بجيب سيخ الشاورما وهويه شخصيه وبيستلم سوري

[mak]

اقتباس: المشاركة الأصلية كتبت بواسطة ابو رفيف    السلام عليكم درعا صباحا 162 / 163 درعا العصر 163 /164 درعا الان 165 /166 الطلب اقوى من العرض والبيع قليل جدا السبب انو الي باع الصبح والعصر اطلع عالنشرة عندكم لقا حالو مخترب بيتو صار يدور ليشتري وعقولت زميلنا الكل لحقو ليشتري

يا ابو رفيف ..ضروري تنزعها؟......يعني اغلب الشباب هون عتبانين انو سعر الشاشة اقل من السوق و انت عم تلزق سبب الرفعة بسعر الشاشة هون؟.....مو على اساس عنكم الدولار متل الرز و الناس عم تتصل تلفونات مشان تبيع ما حدا عم يرضى يشتري ...مع انو بوقتها السعر بالموقع كان اعلى بكتير من السوق عندكم؟.......فشو عدا ما بدا لحتى الناس صارت تقتنع بسعر الشاشة هون اكتر من من سعر السوق ؟........باكدلك انو الشغلة مو شغلة سعر الموقع ...و لو انو بيلعب دور منيح بتنوير الناس بالسعر الأقرب للحقيقة.....و غالبا ضمن دمشق فقط......بس سعر السوق بيحددو العرض و الطلب بالاضافة لسياسة التخويف و الوعيد سواء من المركزي او من الهوامير ..اذا كان صفيان هوامير على قولة البعض......و الواقع يفرض نفسه سواء عجبنا ام لم يعجبنا.....وبيجوز يلي باعو صار فيهم متل جماعة الزلزال...يعني راحت السكرة و اجت الفكرة ....فحبو يلحقو حالهم قبل ما يفوتهم القطار

هلأ بالنسبة الي اعتقد ان مجال المراوحة لفترة قصيرة او متوسظة سيكون بين 165 و 175 و قد يلامس 180 احيانا....لأن هذه الطريقة تشجع ناس اكبر على البيع و الشراء و بالتالي الخسارة لقسم من رأس مالهم في اغلب الأحيان لحساب اللعيبة الكبار....لأنو اذا ما صار هيك الناس رح تضل نايمة على دولاراتها متل الفترة السابقة ...و الظاهر هالشي ما عجبو لعمو المركزي.....بس ما بحط حدا بذمتي

[تيسير ابو محمد]

بلشت تبدع ابو رفيف اخر هالليل
ههههههههههه
تصبحوا على خير

[mak]

اقتباس: المشاركة الأصلية كتبت بواسطة ابو رفيف    ممكن حدا يخبرنا شو سوق دمشق المزبوط وياريت الانسه جوليت اتخبرنا لانو اسعارها مزبوطه

و الله يا ابو رفيف اذا هي الأسعار المظبوطة عندك و انت صراف بدرعا على قولك ..فبكون بين ليش انخرب بيوت الناس عندكم اليوم على قولك!!