سعر صرف الدولار والذهب مقابل الليرة السورية يومي الخميس & الجمعة 17&18 -04- 2014

[M-PMP]

خاص سيريا ستوكس

كذب المنظرون .... ولو صدقوا

يسعد صباحكم

[hash]

أحلى شي بو تفليقة حط للكرسي دواليب وصار ياخدو وين ما راح
بحيث لو فشل بالانتخابات ، ما حدى بياخد منو الكرسي
الرجل ما بيقدر يستغني عن الكرسي لا مقيما ولا مرتحلا
حقيقي مطيلس هالزلمة
بعد عمر طويل يمكن بدل التابوت ، ياخدوه على كرسي .
هل كلمات خرج تكون عنوان على شي صحيفة او عنوان برنامج عن الانتخابات بالجزائر ماشاء الله عليك استاذ عبر ما بفوتك شي

[مرهف83]

اقتباس: المشاركة الأصلية كتبت بواسطة عابر مجيب    أحلى شي بو تفليقة حط للكرسي دواليب وصار ياخدو وين ما راح بحيث لو فشل بالانتخابات ، ما حدى بياخد منو الكرسي الرجل ما بيقدر يستغني عن الكرسي لا مقيما ولا مرتحلا حقيقي مطيلس هالزلمة بعد عمر طويل يمكن بدل التابوت ، ياخدوه على كرسي .

وهذه سنة الله في الاستدراج

[البحر الهائج]

جمعة مباركة للجميع

[البحر الهائج]

اغلاق اللاذقية:
162 شراء
164-164.5 مبيع

[M-PMP]

جمعة مباركة بإذن الله

[black_ghost87]

صباح الخير- جمعة مباركة عالجميع

[أحمد الأحمد]

اقتباس: المشاركة الأصلية كتبت بواسطة hash    خاص سيرياستوكس لايوجد اي رفع لمادت المازووت لاتوجد اي دراسات حالية فعلية وأوكد على فعلية (حتى لوسمعناها من اعلام ) ان شاء الله

صباح الخير
اي معك حق ..ليش مين سمع بدراسة فعلية او غير فعليية لزيادة سعر البنزين ؟؟؟

[M-PMP]

ذات يوم،،،
أراد أحد الأشخاص أن يصطاد فأرا.. لكنه لم يجد قطعة من الجبن، فرسم صورة لقطعة جبن ووضعها في المصيدة. .. عندما فتح المصيدة في الصباح، لم يجد سوى صورة فأر. وكذلك هي الأوهام القاتلة، فهي تجعلك تستهدف شيئاً فتحصل على شيء آخر.

إذا هالشخص هو صائد الأوهام.

تصبحون على خير

[عابر مجيب]

حضرنا الاجتماع السنوي لأسهم السياحة
ما خاب ظني بانضباط الدكتور عثمان العائدي ، وصل على الموعد بالتمام ، وعند الساعة 17:05 أمر بإغلاق الباب .
قرأ المقررات ، وقرأ التقرير المالي ، ونوه ان هنالك احتياطي ، لا يتم صرفه إلا عند تصفية الشركة .
وبعد الانتهاء ، هل من سؤال ؟
سأل البعض عن سعر السهم الاسمي ، الجواب 10 ليرات
السعر الفعلي ، الجواب عرض وطلب .
سألت سيدة عن الاحتياطي ، وفهمت ان الشركة قيد التصفية ، او هنالك تفكير بذلك وإلا ما كان نوه بذلك ! الجواب كان مرتبكا ، لأن أصعب شي تشرح لواحد صيني معاني معلقة زهير
أظرف واحد ، أخد عقل الحضور المحششين ، لأن صوتو عالي ، وكلامو كبير قوي ، لأنهم ما فهموا ، الصفين اللي وراي وقدامي ، أبدوا اعجابهم ، وبعدين قالولي الحق معك لما قلتلهم ، هاد مو فهمان شي . أكيد بتعرفوا حجة عابر
هو الحقيقة كان كلامو بيهوي ، قال شلون بتقولوا ان المساهم استعاد قيمة اسهمو ؟ طيب شو ذنب اللي اشترا حديثا ؟!
قلتلهم الرجل اشترى بسعر حالي وبشروط حالية ، وبدو يقش القشطة والقحاطة . والقدامى شاريين بدولار تلات أربع ليرات . صار بدهم يقتلوه .
وبما ان هالكام فندق الباقيين شغالين ، وبما انو السياحة مقتلة بعضها والأجانب عم تغلي غلي ، قال وين الوارد بالدولار . هاي ما احتاجت تدخل مني ، خصوصا بعد ما فقستو بأول اعتراض .
الاجتماع انتهى بسرعة وما حدى اعترض على الاقتراحات ، ووصلنا لعلبة الحلو بسهولة ويسر ، كان فيها برازق وأقراص عجوة .
توزيع الأرباح بواقع 10% من القيمة الأسمية للسهم ، وسيتم بأول شهر حزيران .