سعر صرف الدولار والذهب مقابل الليرة السورية ليوم الأثنين 14 - 04 - 2014

[جوليت]

القرار يلي طلعو بشكل رسمي السيد ميالة اليوم تبع 20 بالمية ,يمكن نحنا مابنعرف نقدرو منيح ,القرار كان موجه لقوى التأثير بالسوق ,خلينا نقول حيتان السوق ,وجد يلي مابيعرف شو معنى هالقرار لا يزت حكي كونو رح يتفاجأ بالايام القادمة , وبعتقد يلي بيعرف شو معنى القرار احتد منيح هلأ لدرجة العصبية , توقعاتي كم تمنيتها ببداية الاسبوع السبت وقلت " تمنياتي بأسبوع مليئ بالمفاجأت ,دعونا نتفرج كونو نحنا بالمنتدى لسنا مؤثرين اي لسنا فاعلين نحن نحلل وننقل ونتناقش فقط , اي لاعلاقة لنا بالصرافين لا من قريب ولا بعيد ... فقط تحليل

[shereen]

اخي ابو تيم كلامو 1000% بس في ناس مابتستحي عم تجيب اسعار كرمال تتظهر

[عابر مجيب]

وضع المركزي الحصى في القدر ، غمرها بالماء ، سيشعل تحتها النار يوم 21 نيسان
كان أملي ان يكون موقفه أرسخ وأن يواجه الواقع بصراحة ومسؤولية .
أرقام التحويلات مبالغ بها
بكل حال من قام بالشراء حقق هدفه ولا أظنه مضارب ، ما خرج من السوق لن يعود إليه
لم يتجاوز التدخل أكثر من مجرد شراء الوقت بما لا يتوافق مع المصلحة الفعلية
وقد ساهمت التصريحات في هبوط السعر وإن لم تكن هي السبب ، وإنما سرعة الارتفاع ، لابد أن يتبعها تهدئة مؤقتة ، قبل استعادة الاقلاع من جديد .

[GoldMan$]

أخت جولييت ..
.. واعذروني على طوول الحديث ...
المركزي عاد للعمل بكلام مبهم بعيد عن الشفافية وهذا شيء سلبي .. من يحدد قيمة الحولات اليومية هل نصدق كلام الجرائد ام كلام صدر عن احد المسؤليين ليس عليه رقيب ولا حسيب .. هل فعلا الحوالات اليومية تفوق المليون دولار وتساؤلات كثيرة لا تعد ولا تحصى ...
لو كان المركزي واثق من الارقام التي يتم تداولها بين الناس عن كمية الحوالات اليومية .. كان بمختصر المفيد يحط رقم ثابت يقدره القائمون على التدخل مثلا مليون دولار سيتم طرحها يوميا ...
لو كانت الشفافية الموجودة باقتصاد البلدان المتطورة موجودة لدينا كان الموضوع اختلف ..
كمثال غرفة تم تعميرها ضمن بناء مظلم لا اضاءة فيه من يحدد مساحتها ومن يحدد جودة بناؤها ...

ولا أحد ينسى ان المركزي لديه الصلاحية بايقاف اي قرار او تجميده او اصداره دون العمل به ...

وبالاخير .. ما حا لحا وما حا بحب حا .. وما حا سائل على حا ...

[جوليت]

معلومات موثقة
1- الحريقة وشعلان 175 ------ 173.5
2- مناطق اخرى متنوعة بوسطي تراوح بين 174.5 ---- 173-172.5
3- عند الاغلاق نسبة العرض الى الطلب 3-1 اي العرض ثلاثة امثال الشراء
4 - دمتم بخير بنهاية يوم ماراتوني
---------
تنويه بعض اسعار الحرامية ودناوة النفس والاستغلال
صراف كان عم ياخد عا 168 وبالشام
صراف كان عم ياخد بطرطوس 165
والعالم كانت عم تصرف تحت الخوف والهلع من المجهول
----------------
سيد رشاد انا قلت لك اي جلسة ؟؟؟ وقلتلك لا يوجد تحديد سعر والشغل الان تحت الطاولة على افى مين يشيل وعلى عينك ياتاجر ولكن لا بد للاعلام ان يأخذ مجراه بشكل رسمي

[hasobman]

وهي ادني
متل حلبي
لماذا كل هالغموض من مبارح لليوم
شي تدخل اليوم وشي تدخل الاسبوع الجاي وشي مستوردات وشي ما بعرف شو
انا زلمي بسيط وعالبركة بمشي الحيط الحيط وبقول يارب اشوف شو ورا
ما بعرف دوخ ولا بحب حدا يدوخني
السوق طلع وشحطولو فرام بالتدخل على عيني وراسي ومشكورين كتير
بيطلع القرار
تدخل يوم الاثنين بمبلغ كذا وبسعر كذا
على ان يتم التدخل القادم يوم الاثنين الي بعدو والخ
تانيا
كان التدخل للبيع للمواطنين
صار التدخل لبيع المواطن وللمستوردات
بكرة التدخل بيصير لكل شي مصروفات بالعملة الصعبة
والله العظيم 3 ما في بمخي حاليا سوى شغلة وحدة
بس ما رح قولها خليها مفاجئة
تالتا
فعليا نحنا طلعنا من 155 الى 175
بس احساسنا بعد الطلعة لل 185 عم يقول
الحمد لله نزل السوق وما سفح لفوق
يعني عم نرضا بالواقع والحمد لله على كل حال
بس فيلم الاكشن الي كل فترة رح نشوفو
ومن فترة توقعت انو رح نمر بفترة قادمة مليئة بالمفاجئات
بس كلو على حساب المواطن
الغني والفقير والمضارب والمدخر والمسافر والمقيم
بالاخر الله يهدي البال والاحوال
بس تعبنا والله العظيم تعبنا
يا ارحم الراحمين ارحمنا والى غيرك لا تكلنا يا رب العالمين

[تيسير ابو محمد]

مساء الخير للجميع

[تيسير ابو محمد]

الحركة اليومية للدولار
في ريف حلب الشرقي
الافتتاح 175////177
بعد ساعة 174////175
ارتفاع فجائي 177///180
هبوط فجائي 174///176
الاغلاق 173.5/////175

[تيسير ابو محمد]

اغلاق ريف حلب الشرقي
173.5///////175

[أحمد الأحمد]

اقتباس: المشاركة الأصلية كتبت بواسطة جوليت    سيد أحمد كلامي موجه للسيد أديب (طبعا اسم على مسمى ) وكلامي بالمشاركة انو هو كان بقمة الذوق بكلامو ,فعفوا شو دخل مشاركتي بالاقتباس يلي عملتو عامشاركتي ؟؟ بعدين انا مانصبت حالي بموقع محاسبة حدا فأنت ليش حكيت هيك ,لك بالاصل انت شو دخلك بالموضوع اصلا ؟؟ انا مابدق بواب سيدي الكريم لحتى انطر اني اسمع الجواب .... رجاءا قليل من الهدوء وتوخي الحذر في انتقاء مفرداتك لما بتوجها لأي عضو بالمنتدى ... --------------------

طبعا هو رد منك على مشاركة محذوفة للاخ اديب ...ويمكن هلأ تنكري انك شفتيها اصلا...عكل انا رح اترك المشاركة والتعليق برسم الاخ اديب...هو بيعرف قصدك اكتر مني ..