صالة أسعار الدولار والذهب مقابل الليرة السورية ليوم الأربعاء 23-10-2013

[cold0zero]

اشتريت مبلغ صغير كتير الساعة 1.30 ع 171 ليرة للدولار

اللاذقية

[jax113]

اشتريت اليوم مبلغ صغير على ال 172 بالشام، الساعة6.30 ومتوفر بمبالغ قليلة فقط

[سائل مقيم]

مساء الخير للجميع ..
شكرا للسادة : روميو - ran 86 - عاصم - سراج - رفيق
على مشاعركم ومواساتكم لي .. وأدعو الله أن يعوض عليكم وعلى كل من خسر ظلما وبهتانا بأفضل مما خسر .

[جوليت]

اقتباس: المشاركة الأصلية كتبت بواسطة سائل مقيم    مساء الخير للجميع .. شكرا للسادة : روميو - ran 86 - عاصم - سراج - رفيق على مشاعركم ومواساتكم لي .. وأدعو الله أن يعوض عليكم وعلى كل من خسر ظلما وبهتانا بأفضل مما خسر .

سيد سائل تحية لك :
الحق عليك مية مية .....ورح فسرلك ليش بعد هنيهات لانو الشغل لفوووووووووووووووووق راسي , الصيغة تبع التفسير جاهزة براسي بس بدها صياغة

[masoud]

تركيا كلس شراء 167 مبيع 168

[Ziad Sh]

اقتباس: المشاركة الأصلية كتبت بواسطة سائل مقيم    مساء الخير للجميع .. شكرا للسادة : روميو - ran 86 - عاصم - سراج - رفيق على مشاعركم ومواساتكم لي .. وأدعو الله أن يعوض عليكم وعلى كل من خسر ظلما وبهتانا بأفضل مما خسر .

الله يعوض عليك و على الجميع
بس صدقا الكل خسران بشكل أو بآخر

الله يهدي البال

[najm]

اقتباس: المشاركة الأصلية كتبت بواسطة سائل مقيم    بقية الحديث .. في حزورة شكلها بيشبه القصة بس حقيقية ..

قصتك محزنة الله يعوض
بعرف واحد خسر 200 الف دولار بالتداولات الالكترونية عالدهب بسنة 2004 وخرج بالنهاية بنفس مركز السعر يلي دخل فيه
وبعرف واحد اسس شركة بالاردن وصل رأس مالها لل 50 مليون دولار بدأت ثروته ب 100 الف دولار وضارب فيهم بالدهب بالبداية وربح
اللتني عندون خبرة الاول بخاف وعجول والتاني جريئ وهادئ
ولما كنت صغير صار معي حادثة ما بنساها
علقت أنا ورفيقي بوسط مشاجرة بين أطفال حارتين نظر رفيقي الى السماء بهلع وخوف شديد وقال حجر كبير جاي علينا وركض بكل طاقته نزل الحجر على راسو وتسبب بعشر قطب وأنا لم أتحرك بانتظار القدر فلم يصبني

[aasem]

اقتباس: المشاركة الأصلية كتبت بواسطة al-chami    هل هناك طريقة لاستلام حوالة من فرنسا غير شركة تواصل ويسترن يونيون ؟ وأخاف أن ينتهي مدتها ولم استلمها بعد .. بسبب الازدحام الشديد

أخي الكريم شركة الفؤاد الي خلف محافظة دمشق شغالة عالويتسرن كمان بس كمان عليها ازدحام اليوم مريت من جنبا في تقريبا 40 شخص
قارن بين الازدحامين وانتقي الأفضل

[AYMTAL]

اقتباس: المشاركة الأصلية كتبت بواسطة سائل مقيم    بقية الحديث .. في حزورة شكلها بيشبه القصة بس حقيقية .. هلأ اذا واحد شقيان شي 20 سنة و معو شوية مصاري وطول مدة الأزمة عم يقول لحالو يالله انشالله بكرا بتخلص و بيتصالحوا ,, لا بدي سافر ولا بدي دولار وخليني داعم عملتي و مصاريي بالبنك ( وهو مو مع و لا ضد بس بدو البلد ما تخرب ولا بأس بشوية اصلاح لأنو ما في بلد بالعالم كامل وما فيه فساد) . وإذ .. فجأة صار الدولار ب 200 ل.س .. وهو قاعد وإذ .. فجأة صار الدولار ب 230 ل.س .. وهو قاعد وإذ .. فجأة صار الدولار ب 250 ل.س .. وهو قاعد وإذ .. فجأة صار الدولار ب 270 ل.س .. وهو قاعد وإذ .. فجأة صار الدولار ب 300 ل.س .. وهون هو اتخض بقا وإذ .. فجأة صار الدولار ب 325 ل.س .. وهون وقف وراح متل المجنون سحب مصاريه وركض يسأل معارفو :بتعرفولي شي صراف لأشتري هورر؟؟ (طبعا قرر يشتري الهورر ويتخلى عن الليرة في ظل صمت مطبق و عدم تفسير أو طمأنة من أي جهة) . واشترى الدولار لأول مرة بحياتو وهو زعلان على قيمة مدخراتو (يعني مو فرحان بالدولار).. وإذ .. فجأة بتطلع التصريحات من ئدري و ميالة عن التدخل و ارجاع المغضوب لل 150 ل.س . وإذ .. كمان فجأة بسرعة البرق بيهرهر الهورر (عرفتو ليش اسمو هورر لأنو بيهرهر ) ولسا الزلمة جديد عالهورر وياحرام مو عرفان الطبخة ولا الله وين حاطو ومو سمعان بالمنتدى لسا (ليفهم أنو عادي النزلة و الطلعة). هون بدون و إذ .. ركض وباع اللي اشتراه بعد كم يوم بس بسعر 185 لأنو سمع أنو رح ينزل لل 150 فليش ليخسر أكتر ؟؟؟ وإذ .. ضرب الهورر فرام ورجع لل 200 وعلق .. وهاد الزلمة فهم شوي وصار مستني ليرجع السعر ع 185 ليرجع يشتري اللي باعو مشان يلغي الخسارة. وإذ .. صار الحكي عن الضربة الأميركية ونط السعر لل250 وهجم القطيع على قولة عب آدر المهندس (هاد غير فؤاد) ونط صاحبنا واشترى بالعالي .. وإذ .. الباقي بتعرفوه نزل الهورر متل مو شايفين .. هلأ الحزورة هي شو لازم يعمل هالمواطن يللي تمت سرقته في وضح النهار وهل هو مخطئ أمام القانون ؟؟ لحتى كان عقابو أنو شاف نجوم الظهر .. أم سيتم التعويض عليه وسيرى شمس منتصف الليل !!! أخيرا مشان تفهموا مشاركاتي مستقبلا بحب قلكن أنو هاد الزلمة صاحب هالقصة الطريفة هو الداعي ... (تخيلو وش باسم هون لأني ما لقيتو).

كيفك
يحرء حريشك مين هي شمس منتصف الليل لانو نحنا ما منعرف الا نجوم عز الضهر يلي انا شفتن بدورة الاغرار بالعسكرية
يا أخي لا تأس على ما فاتك و الخير بيد الله و لا يصيبك الا ما كتب الله عليك في ناس راحت بيوتا و اموالا يعني مصيبتك بتجي شي عشر مصيبة بتمنالك انك تعوض خسارتك يا رب و الله كريم

[aasem]

اقتباس: المشاركة الأصلية كتبت بواسطة jamal80    دمشق 6:25 170_175 171_176 متوفر

أسعار ذهب متلك أخي جمال مية بالمية صحيحة الله يسلم ايديك

صديقي هي أسعار الحميدية والحريقة ولا مكان تاني ؟