صالة أسعار صرف الدولار وباقي العملات ليوم الاثنين 15-7-2013

[xzone]

مسا الخير

[xzone]

شباب خبرونا عن اسعار الاغلاق وخصوصا بحلب
لانو عم نسمع الاغلاقات 230-229
هل هذا صحيح انا لم استطيع اتاكد من اي مصدر بسبب تاخر الوقت
مشكورين مسبقا

[Tareq]

اقتباس: المشاركة الأصلية كتبت بواسطة mak    مشكور أخ طارق عالمعلومة.....بس للتذكير ....الدينار العراقي كان ب 3.5 دولار......و وقت طار صدام... صار الدولار ب 17000 دينار......معناتا في تحسن كبير بالسعر......بس سؤال هلأ الدينار العراقي نفسو القديم و لا تغير؟.....و في شي لسا عملة عليها صورة صدام؟

كلامك مزبوط أخي الكريم بس بالمقابل 10 سنوات والدولار اصبح السيد والاقتصاد مدولر و 1170 مزبوط سعر جيد مقارنة ب 17000. بس سعر سيئ بمقابلته مع احتياطي عملة صعبة يفوق ال 70 مليار دولار وإنتاج نفطي نفطي خلال الأشهر الأربعة الأولى من الهام تجاوز ال 9 مليار دولار من حقل نفط واحد بس .

أكيد الاقتصاد عنا اتدهور بس بالمقابل تجارنا الأشاوس ساهمو كتير بموجة الغلاء كمان . معلوم أن اي بضاعة تسدد مسبقا وتأخذ من شهرين ل 3 اشهر للوصول ونزولها للأسواق. بضائع رمضان مشتراة من اربع اشهر فليش تستعر على دولار 300 يلي ضل هيك أكم يوم بس.

برايي لازم نبدأ حملة مقاطعة للبضائع في شريحة كبيرة قاطعت مكرهة لعدم القدرة على الشراء و القادرة على الشراء لو قاطعت ممكن تعمل شي.

لما غلي سعر البيض بدبي 3 أضعاف طلعوا بحملة خليها تخيس ما رح نأكل بيض لأسبوع ونتيجتها نزلت أسعارها الشركات المنتجة برغم حججها الواهية عند رفع السعر.

خضري قلي كيلو الليمون ب :300 قلتلوا خليه عندك انبسط بمنظروا وبلاه الفتوح على الفطور شو بيصير والله قبل ما أوصل لباب المحل قلي خدو ب 250 . نحنا بإمكانياتا ما منقدر نحسن اقتصاد أو نوقف تدهور العملة بس ممكن نضغط على التجار .

[باسل غ]

اقتباس: المشاركة الأصلية كتبت بواسطة expert    سؤال برسم خبراءنا المحترمين اخي باسل استاذ رامي استاذ عابر استاذ غسان ومن عنده تحليل اقتصادي

اقتباس: المشاركة الأصلية كتبت بواسطة expert    ما هو السعر المستهدف لليرة من قبل المركزي والذي سيستمر بالتدخل حتى الوصول اليه

( 130 ) +- 5%

ما في تحليل اقتصادي ومافي منطق ومافي موارد ومافي بيئيه استثماريه ومافي بنيه تحتيه

في كرسي باربع قوائم انكسر منها ثلاث

هذه ليست دعوه للبيع والشراء وليست اشاعه وليست معلومات وليست تسربيات

وليست اماني هذا الرقم ثمن القائم الثاني من الكرسي

وما بعرف اذا فيهم يدفعوا ثمن القائم الثالث والرابع

حماكم الله وهداكم سواء السبيل

[لقماان]

اقتباس: المشاركة الأصلية كتبت بواسطة alternative    بعض صفحات الفيس بوك اغلاق الحريقة شراء 230 مبيع 235 منقول نرجو التاكيد او النفي لو سمحتو

أخ كمال
صفحات الفيس بوك في غالبيتها
تعتمد على موقعنا في نشر أسعار الدولار
سواء أعلنت ذلك بشكل واضح أم أخفته....
فلذلك من الأفضل أن نناقش ما يرد على صفحات منتدانا من أسعار
حيث يوجد في المنتدى عدد كبير من الأعضاء النشيطين
الذين نكن لهم كل التقدير و الشكر
والذين ينقلون السعر و أي تغير طارئ يحصل فورا......
---------------------------
شو بدكون بالفيس بوك ...هاد الفيس بوك خرراب البيوت العمرانة ....

[ابو حمادة]

اقتباس: المشاركة الأصلية كتبت بواسطة dynamic pulse    أهلين أبو كمال أخر سعر حوالي ال5.30 كان 235-245 ومابتوقع يكون في أقل من هيك سعر خاصة أنو شركات الصرافة عم تشتري ب237 على كل الأحوال بعد ال6 مابعرف

اخي ابو محمد .... عملنا نداء لالك بس للاسف يبدو ما كنت موجود ..
المهم بدي افضل سعر لشراء الدولار
وياريت فيني اتواصل معك .. لانو يبدو انت لاغي الرسائل الخاصة
يرجى الاهتمام

[عابر مجيب]

التصرف الواجب من أي مسؤول وطني حقيقي
تثبيت السعر ومنع ارتفاعه ، والأهم منع هبوطه حماية للمدخرين البسطاء من التهور
علما بأن سعر الليرة لم يهبط بما يوازي قيمتها الفعلية مقدرة بالاحتياطي المتآكل لدى المركزي
من المعيب ان يتيح المركزي الفرصة للمتاجرين والمضاربين بعملة بلدهم . وهو واحد من هؤلاء المضاربين، علما بأن قراراته يتم تسريبها للأهل والمقربين، وشركاءه من الهوامير ، ويقش الجميع مدخرات المساكين .
من سبق له التحوط بالدولار أو كان له موارد خارجية لن يؤتر عليه لا ارتفاع ولا هبوط الليرة ، لأن دولاره يشتري له السلعة التي كان ثمنها 50 ليرة قبل الأزمة ، وهو نفس الدولار الذي يشتري له نفس المادة بعد ان يرتفع سعرها ولو اصبح سعرها 300 ليرة يكون دولاره = 300 ليرة ايضا .
يهبط الدولار إلى 150 ، ويصبح ثمن السلعة نفسها 150 .
احيانا بشعر اني عم ضيع وقتي وتعبي ، لأن الفهيم ما شاء الله عقله بيوزن بلد، وما محتاج لشرحي وبيفهم أكتر مني ، والباقي حرام فيهم التعب .
اتمنى من كل قلبي أن يفلس كل من استفاد وضارب على عملتنا ، هو لم يؤثر في رفع وخفض السعر ، أكيد لأ ، بس اللي صار : تجمعت اموال المساكين اللي عم يبيعوا من الخوف بأيادي الملاعين اللي عم يخوفوهم ليصيروا صيد سهل ويشلحوهم .
والمركزي عم يتفرج ، ياليت ! عم يآجر كمان ، وعم يدعم ويسهل لاولاد الحرام .
هيك العبقرية ؟!
ولا هاي خيانة الأمانة !

[alternative]

اقتباس: المشاركة الأصلية كتبت بواسطة لقماان    أخ كمال صفحات الفيس بوك في غالبيتها تعتمد على موقعنا في نشر أسعار الدولار سواء أعلنت ذلك بشكل واضح أم أخفته.... فلذلك من الأفضل أن نناقش ما يرد على صفحات منتدانا من أسعار حيث يوجد في المنتدى عدد كبير من الأعضاء النشيطين الذين نكن لهم كل التقدير و الشكر والذين ينقلون السعر و أي تغير طارئ يحصل فورا...... --------------------------- شو بدكون بالفيس بوك ...هاد الفيس بوك خرراب البيوت العمرانة ....

شكرا اخي لقمان على اهتمامك
صرلي فترة مقطوع عن صرافة الحريقة
وعم حاول اخد السعر من هون
واحيانا بتشوف سعر مميز على الصفحات الفسية
بنحاول نتاكد من الشباب هون وخصوصا ابو محمد لانو قاعد بفسط السوق

[Dynamic Pulse]

اقتباس: المشاركة الأصلية كتبت بواسطة ابو حمادة    اخي ابو محمد .... عملنا نداء لالك بس للاسف يبدو ما كنت موجود .. المهم بدي افضل سعر لشراء الدولار وياريت فيني اتواصل معك .. لانو يبدو انت لاغي الرسائل الخاصة يرجى الاهتمام

أهلين أخي العزيز
للأسف أنا مالي صراف بس دائما بحب أضطلع عالسعر منشان تسعير بضائعي المستوردة
لذلك مابحسن ساعدك غير بنقل مركز السوق لسببين
الأول أنو قوانين المنتدى ما بتسمح
والثاني لأني خايف أنو شهامتي الزايدة توديني لبيت خالتي
نحنا بالمنتدى منخدم بعض تحت أسماء مستعارة
تقبل إعتذاري

[AYMTAL]

اقتباس: المشاركة الأصلية كتبت بواسطة mouayad    خلص روقوا منصير ننزل شكر للمركزي كل جلسة مع بوسة ايد بس دخلك راتبي وراتب امثالي اللي كان يساوي 300 - 400 $ واليوم ما بيساوي 50 - 60 $ مين رح يعوضنا عنه و الاسهم اللي خسرناها و طار جنى عمرنا فيها و صارت بح من ورا اهمال بعض مسؤولي البورصة و بعض مسؤولي المالية و الاقتصاد الذين اهملوا تنفيذ الصندوق السيادي الذي اصدر السيد الرئيس به مرسوما به ؟؟؟؟؟؟؟ ما بدنا كمان نحطلهون شكر ؟؟؟؟؟؟؟

أخي و شقيقي و حبيبي أبو عمر

انت المعلم و يلي بتعلمنا كيف نشكر و مين نشكر

أنا مقدر شعور البعض بالمنتدى يلي استغربو طرحي المفاجئ اليوم بشكر المركزي

بس نحنا تعودنا نقول الصدق فلما ما كان المركزي يتدخل و تارك الامور عالغارب اكيد ما كنا نشكرو و الكثير بالمنتدى كان يتهمو بالتقصير

بس لما بالفعل عمل خطة منيحة و تدخل و أوقف انهيار الليرة و بدأ عملية اعادة السعر الى قواعده الحقيقية صار من المطلوب شكرو و كتير

أنا المشاهد يلي شفتا الاسبوع الماضي أبل التدخل ما بنساها كانت الناس تحاكي حالها راح تجن و الفقير صار على كف عفريت فعلاً بس لما صار التدخل و توقف الانهيار و عاد السعر بالتدريج أدراجه حسيت فعلاً بارتياح الناس يلي عميتابعو اخبار نزول الليرة بكل فرح و صار عندن أمل حقيقي بالحياة
لهيك الت نشكر المركزي اليوم و فعلاً يستحق الشكر

يعني بالمختصر و بعد كالهلأزمة الامور ماشلحال هيك و خلي كل واحد فينا يلي عميعترضو عالشكر يفكر لو ما صار التدخل و مرت عدة أيام كنا شفنا الدولار ب ألف ليرة و أنا متأكد من هالحكي

و سامحنا أبو عمر و الله يوفق المسؤولين لمصلحة الناس يا رب