صالة أسعار صرف الدولار وباقي العملات ليوم الثلاثاء 2-7-2013

[abu mhd]

مسا الخير جميعا
اذا لم نسمح ببعض المشاركات نلام وان سمحنا تحولنا الى منبر سياسي من قبل البعض
نقدر شعور الجميع و مشاكل الجميع و معاناتهم
واللي ما بيعرف عناوين منتديات سيياسية منبعتله بس يبعد بكلامه السياسي عنا
عملنا استفتاء للسياسة وكانت النتيجة لا مو هي الديمقراطية ولا ؟؟؟؟؟؟؟
لا داعي لنخرب المنتدى كرمال كم واحد ما منعرف لا من هم ولا من اين هم ولا ما هي غايتهم

[sarc]

مسكينة يا ليرتي شو عم يقل مقدارك

[لقماان]

مساء الخير للجميع ......
نرجو من الاخوة عدم اصابة الناس بالذعر
حتى و لو بدو يرتفع للألف ...
يكفي وضع السعر ..بدون ما يعمل بروبغندا
و فوبيا الخوف ...
برضاي عليكون لا تفويبنو الناس!!!!!!!!!!
أصلا مين مدور على رضاي ........
بربكن حدن فهم عليني شي ...
-------------------------
المهم
حمص ظهرا كان البيع ب 210 و متوفر
و مساء لقبل صلاة المغرب
كان البيع ب 212 و متوفر ...
و هذا الكلام أكيد أحد أصدقائي قام بالشراء.....

[shereen]

هوة مو بروبغندا بس عم يقولو قبل رمضان بدو يصير ب 250 وعكل حال السعر بالشام بيع بين 215 لل 218 وغير متوفر

[abu mhd]

اقتباس: المشاركة الأصلية كتبت بواسطة shereen    هوة مو بروبغندا بس عم يقولو قبل رمضان بدو يصير ب 250 وعكل حال السعر بالشام بيع بين 215 لل 218 وغير متوفر

هلأ لسه قال ابو حكيم برضاه عليكم لا تساووا ذعر
خلص مشيها 240

[alternative]

السوري
بيتفرج خمسة دقايق على الاخبار بيصير محلل سياسي
بيلعب دقين تلاتة دبابات بيصير مخطط استراتيجي
بيقرالوا ايايتين من القران بيصير داعية اسلامي
بيتفرج على مباراة كرة قدم بيصير لاعب ومدرب وحكم
بيتابع موقع المضارب السوري مرة باليوم بيصير محلل اقتصادي
كم انت عظيم ايها السوري
كل هذا ولم تتحرك بعد من خلف شاشة الكمبيوتر
واصابعك تدوس ازرار الكيبورد
لكن اذا بتسلك دروب العلم والمعرفة شو ممكن تساوي

[ياسمينة]

اقتباس: المشاركة الأصلية كتبت بواسطة لقماان    مساء الخير للجميع ...... نرجو من الاخوة عدم اصابة الناس بالذعر حتى و لو بدو يرتفع للألف ... يكفي وضع السعر ..بدون ما يعمل بروبغندا و فوبيا الخوف ... برضاي عليكون لا تفويبنو الناس!!!!!!!!!! أصلا مين مدور على رضاي ........ بربكن حدن فهم عليني شي ... ------------------------- المهم حمص ظهرا كان البيع ب 210 و متوفر و مساء لقبل صلاة المغرب كان البيع ب 212 و متوفر ... و هذا الكلام أكيد أحد أصدقائي قام بالشراء.....

اهلا اهلا اهلا الحمد لله على السلامة قلقتنا عليك يا راجل
خلص انا بدي رضاك الدولار رح يرجع متل ايام ستي وستك او قبلو وقت كان الدولار بتلت ليرات منيح هيك

شرفو اقرو هالخبر ماتابعت كل الصفحات اذا مكرر بعتذر :

الحكومة تمنع مغادري الأراضي السورية من إخراج أي مواد غذائية

أصدر رئيس الحكومة قرارا بمنع المغادرين من كل الأمانات الجمركية من إخراج أي مواد غذائية بصحبة مسافر سواء أكانت هذه المواد سورية المنشأ أم أجنبية سبق استيرادها إلى سورية تحت طائلة مصادرة المواد المصطحبة والملاحقة بمخالفة التصدير تهريبا.

وأوضح قرار رئيس الوزراء أنه سيتم تطبيق الأحكام القانونية النافذة بشأن ملاحقة ومعاقبة المخالفين لأحكام المادة الأولى من هذا القرار وتكليف مديرية الجمارك العامة بتنفيذ مضمونه والتقيد به

(سانا)

تعليقي
المفروض لا تعليق بس هههه هيك بيحمو المواطن من غلاء الاسعار لانو التاجر الكخ المو منيح الي لازم نضربو ددي هو الي عم يهرب السلع برا البلد فغليت عن جد حل ولا شو رأيكون !!!!!

ملاحظة صغننة: بلاها هلا قريت المشاركة تبع الزميل مؤيد بخصوص السياسة سامحونا

[سوريا الله حاميها أكيد]

اقتباس: المشاركة الأصلية كتبت بواسطة mouayad    هلأ لسه قال ابو حكيم برضاه عليكم لا تساووا ذعر خلص مشيها 240

مافيكن تمشو 230 حتى لو بنسبة 0.80001 %
حاولو منشان الله لأنو العالم رح تنجلط

[عابر مجيب]

اقتباس: المشاركة الأصلية كتبت بواسطة سوريا الله حاميها أكيد    لما احد الاعضاء بيقول |(10000 هدية و200 محاولة تطهير ومازلنا صامدين ) وانا كان ردي( اللهم جنبنا الفتن ماظهر منها ومابطن ) ومازدت حرف عامشاركتي كيف بدي افهما هادا الكلام بسيئ لسوريتنا هاد الكلام مرفوض شو تطهير وما تطهير

فشيت قلبك وحكيت خلص بقا لفها ، بكرا بتجيب لكل مشارك سندويشة فلافل ، أنا بحبها بقرصين زيادة هههههههههههههه

[ياسمينة]

وقت قريت هالخبر :
خاص-سيريانديز-رئيس التحرير "أيمن قحف"

نفى المهندس سليمان العباس وزير النفط والثروة المعدنية بصورة قطعية أي حديث عن زيادة جديدة في أسعار البنزين،وقال العباس في تصريح خاص لسيريانديز قبيل دخوله الاجتماع الأسبوعي لمجلس الوزراء قبل قليل أن طلبات استجرار البنزين مفتوحة ولا يوجد مبرر لوجود أزمة،وهي حالة مفتعلة من قبل بعض أصحاب الصهاريج وأصحاب المحطات واصفاً ما يقومون به بأنه"رذائل"!
...
ووعد وزير النفط بكل الأحوال بمعالجة أي أزمة تظهر في الساحل أو دمشق أو أي محافظة.

وفيما يتعلق بربط أزمة البنزين مع مشكلة "عمرة مصفاة بانياس"وما يشاع عن"فشل"إقلاعها بعد العمرة أكد العباس أن هذا الكلام عار عن الصحة ويحوي مبالغات شديدة،فالمصفاة تعمل بطاقة عالية ،ومن الطبيعي بعد أي عمرة أن يكون هناك ملاحظات ومصاعب لكن هذا ضمن إطار المتوقع والممكن معالجته ولاشيء خارج عن المألوف،فقد تم إقلاع المراجل تباعاً وسيتم إقلاع المرجل الخامس قريباً.

وأوضح الوزير أنه تم انتاج 162 ألف طن )lbg)و704 طن من النفتا و2400 طن نفتا متوسط و3106 طن مازوت.

سيريانديز


قلت بقلبي رح يزيدوه