سعر صرف الدولار مقابل الليرة 14-3-2012 بالسوق السوداء

[NetPro]

دوماً القاعدة تكون لما يهبط الدولار يرتفع الذهب
هي أول مرة بتصدف ينزلو الـ 2 سوا مقابل السوري وهذا الشي لم يحصل إلا اليوم ببلدنا وهو حالة شاذة تجعل شراء الذهب فكرة مناسبة جداً

[buffer81]

شباب بس كرمال الله سؤال ...
الاسعار اكيدة ولا شلف !!
ماني عم شكك باي شخص هون بس كمان مافيني شكك بعيوني.
اليوم الضهر بشركة الصرافة 80 شراء 81 بيع
فكيف ظبطن 70 و 74 و مدري شو !!!!!
اذا فيه حدا يبيع 70 انا بشتري فورا

[NetPro]

اقتباس: المشاركة الأصلية كتبت بواسطة economic opinion    أخي إذا انت ضامن إنك بكرة بتقدر تبيعني بأكتر من 74 ليش لتبيعني اليوم؟؟ بس لما تكون عم تشتري من الناس بـ 70 فأنت اليوم رح تحاول تكبر ربحك قد ما فيك بين (70-74) مشان تحاول اليوم تربح أد ما فيك لأنك مو ضامن بكرة وخصوصي إنو قبل الأزمة كنا دائماً نشوف الفرق بالقروش الصغيرة إذا شايف غير هيك لو سمحت أخي اشرحلي أكتر

اختي
انت صراف يعني شغلك انك تبيعي وتشتري يعني مضارب مو بس يومي بل حتى لحظي
الفكرة الي انت طرحتيها هي تفكير مستثمر
أما الصراف شغلتو يبيع وإذا ما باعك بـ 74 غيرك رح يبيعه بمربح 4 ليرات
يعني 4 ليرات اليوم أحسن من 5 بكرا صح ؟
أما لو كان خايف من الهبوط كان باع على ربع ليرة، كان اشتري بـ 70 وباع بـ 70,20

عدم البيع بفارق بسيط يعني بالمطلق أنه غير مستعجل على البيع نهائياً

اختي بتتذكري لما طار السعر لفوق الـ 100 وكلنا عرفنا انه ارتفاع غير منطقي وسببه تشكل قطيع لا يفقه شيء وغير متابع وفجأة فاق وصحي وصار بدو يشتري واستغله المضاربون ليحققوا مرابح
اليوم عملية معاكسة تماماً نرى هبوط غير منطقي سببه تشكل قطيع خايف (حالة هلع) يستغله المضاربون

[economic opinion]

اقتباس: المشاركة الأصلية كتبت بواسطة فهد    القاعدة الاقتصادية تقول : اذا كان سعر البيع اعلى من سعر الشراء فالسعرالى ارتفاع وهذا الذي يحصل الان اما اذا كان سعر الشراء اقل من سعر البيع فالسعر الى انخفاض بالنسبة للدولار بسورية الذي يحدد سعره مجموعة من الظروف

بس أنا بتذكر إنو من قبل الأزمة سعرالبيع كان دائماً أعلى من سعر الشراء عنا

[فهد]

اقتباس: المشاركة الأصلية كتبت بواسطة buffer81    شباب بس كرمال الله سؤال ... الاسعار اكيدة ولا شلف !! ماني عم شكك باي شخص هون بس كمان مافيني شكك بعيوني. اليوم الضهر بشركة الصرافة 80 شراء 81 بيع فكيف ظبطن 70 و 74 و مدري شو !!!!! اذا فيه حدا يبيع 70 انا بشتري فورا

بعد الظهر انخفض ثم ارتفع قليلا
ويمكن الرجوع الى اسعار الاخ محمد

[نضال العلي]

اقتباس: المشاركة الأصلية كتبت بواسطة netpro    دوماً القاعدة تكون لما يهبط الدولار يرتفع الذهب هي أول مرة بتصدف ينزلو الـ 2 سوا مقابل السوري وهذا الشي لم يحصل إلا اليوم ببلدنا وهو حالة شاذة تجعل شراء الذهب فكرة مناسبة جداً

عزيزي ، هذه القاعدة صحيحة و لكن في البورصات العالمية التي يحكمها العرض و الطلب و جملة من المؤشرات الاقتصادية العالمية.
أما في الحالة السورية، فهي حالة استثنائية لا يحكمها ما يحكم الاقتصاد العالمي، و هي تتأثر بالوضع السياسي و العسكري و التدخل الحكومي في أسعار الصرف. لاحظ اليوم أرتفاع سعر الدولار عالمياً أدى الى أنخفاض أسعار المعادن الثمينة.


لا تخلط بين الاحوال العادية في الاقتصاد العالمي و الأحوال الأسثنائية في الأقتصاد السوري.

[Salam L]

وين سعر الدهب اليوم...

المشكلة داخلة من الموبايل وماعم اعرف دور مظبوط

[ملك]

اقتباس: المشاركة الأصلية كتبت بواسطة فهد    القاعدة الاقتصادية تقول : اذا كان سعر البيع اعلى من سعر الشراء فالسعرالى ارتفاع وهذا الذي يحصل الان اما اذا كان سعر الشراء اقل من سعر البيع فالسعر الى انخفاض

لمن هذه القاعدة ؟
وممكن تشرحها اكثر ؟

[buffer81]

شكرا اخي فهد على الرد بس حسب اسعار الاخ محمد السعر كلو تحت ال80 بينما انا صرفت اليوم ب80 من شركة الصرافة , و المصيبة اني اتصلت بصراف بعرفو قالي بيشتري 79 بقى ليش لحتى بيع بالسوق السودا اذا التظامية عاطيتني سعر افضل !!!!!!!!!!
ممكن حدا يشرحلي؟؟؟

[raid]

الله يحمينتا من الجلطة قولوا امين
لانو الشباب الحبابين ما خطر ببلن يتدخلوا ويصيروا سوبر مان الا بعد ما العالم اتعبت واشترت على 100 واكتر شوي كمان