المتابعة اللحظية لجلسة تداول الخميس 27ـ 01- 2011

[BROKER]

اقتباس: المشاركة الأصلية كتبت بواسطة issam kusibati    السيد رامي المشرف العام لقد وضعت توقعاتي بالجدول ووجدت ثلاثة من الاخوة اختاروا اللون الاحمر لبنك الشرق . ممكن شرح بسيط من حضرتك حول ملاحظتي هذه .هل هوخطأ على اعتبار ان الجدول جديد وضع على الموقع ؟

أهلا بك استاذ عصام ...

يجوز انه توقع غير مدقق

بكل الأحوال سوف نقوم بعمل زر يكشف النتائج قبل التصويت ...

شكرا لك على الملاحظة

[NetPro]

اقتباس: المشاركة الأصلية كتبت بواسطة BROKER    والله بس قهوة .... وهلا رح يجي الشاي

أخضر ولا أحمر
اذ عمتعمل تصحيح بيكون أحمر ... إذا ما في تداول فيك تاخد شاي أبيض

[abo haydara]

و أنا نقلت الخير فقط لكي يستفيد منه الاخرون يعني انا اشعر ان اي واحد في هذه العائلة عندو معلومة يشاركها مع الاخرين لكي يستفيد منها الجميع

[BROKER]

اقتباس: المشاركة الأصلية كتبت بواسطة bassamking    صباح الخير للجميع صرلي زمان ما شاركت وما عم اقدر تابع بسبب ظروف عملي اشتقت لكل الموجودين والمشرفين والأعضاء فرداً فرداً تعليقاتكم كتير مهمة ودائما بستمتع بآرائكم وتعليقاتكم حول مسار الجلسة طمنوني عنكم وأنا مالح أذكر بالاسم لأنو الكل غالي على قلبي حابب اعرف اخبار الكل وبدي طمنكم عني لهلأ اموري تمام بالبورصة سواء بالاستثمار ( العربي ) او المضاربة بس يلي زاعجني كتير هالكريب بجد هالمرضة كانت قاسية كتير حيصرلي شهر مرضان وبالظاهر البورصة كمان مرضانة بس كانو طولت كتير بهالمرضة كمان لح كون معكم اليوم والجدول الالكتروني رائع جدا جدا والف شكر وانشالله بيكون الموقع مميز بكلشي وانا كتير مبسوط عالانجاز يلي وصلنالو بهالموقع باقة فل وياسمين معطرة بعبق الريحان بهديها لصباح الجميع

اهلا بك أخ بسام

ان شاء الله بالشفاء والعافية .... وما عم اسمع حدا الا مكرب .

والحمد لله استثمارك جيد

[NetPro]

اقتباس: المشاركة الأصلية كتبت بواسطة mahermmmm    وانا اتمنى دوام تبادل الاراء بينكم على هل لمستوى الراقي لانو في فائدة كبيرة

بالفعل لاحظت ردة فعل راقية من زميلنا بسام خلال نقاشه مع أحد الزملاء ثم معي.
طبعاً هذا لا يظهر إلا في حال وجود اختلاف بالرأي.

[عصفورة]

طولوا بالكم يا جماعة ما صار شي ...

خلينا بوجع قلب هالبورصة بيكفي ...

و أخ أبو حيدرة انا شخصياً متأكدة انو نواياك كانت سليمة وقت نشرت الخبر و ما بتقصد منو إلا تعريف اعضاء المنتدى بآخر المستجدات المرتقبة ..

هو بس الأخ غالب مشاركاتو شو حامية احياناً، و على العين والراس اخ غالب انت و مشاركاتك الحامية و الباردة كمان

مشان الله سكروا موضوع قالتلي العصفورة اذاهيك بدو يعمل وجع راس

مع التحية.

[غسان]

منذ مشكلة بنك قطر وتزعزع الثقة بالسوق لفت الحيرة الكثير وتراجعت التداولات بعد ان كنا نرى مئة مليون و70 و80 مليون ....باين راحت ايام هيك ارقام.......

بالنسبة للاسلامي ايضا تأثر مساره الصاعد وصار افقيا بامتياز دليل على على عدم وجود رؤية وضبابية
ورغم الاخبارالجيدة والاكتتاب لم يؤثر ذلك في تغيير المسار البرتقالي السيء

بالنسبة لي خرجت من السهم منذ فترة عندما شعرت انه متوقف تقريبا وجلسة اليوم تؤكد التوازن في الرغبة بالصعود والرغبة بالهبوط ...
اليوم يؤكد تساوي توقع المسارين ولنرى الاسبوع القادم هل يستمر برتقاليا ...ام يقرر التوجه لاحد المسارين

[Rihab]

حالة السوق بعد ساعتين إلا ربع تقريباً

حجم التداول	قيمة التداول	الصفقات
الصفقات العادية	16,886	18,758,667.75	134
الصفقات الضخمة	0	0.00	0
الصفقات الكلية	16,886	18,758,667.75	134

[khaled807]

اقتباس: المشاركة الأصلية كتبت بواسطة abo haydara    و أنا نقلت الخير فقط لكي يستفيد منه الاخرون يعني انا اشعر ان اي واحد في هذه العائلة عندو معلومة يشاركها مع الاخرين لكي يستفيد منها الجميع

مشكور اخي ابو حيدرة على نقل الخبر
و نحنا فعلا عائلة واحدة نفيد و نستفيد من بعض
مشاركاتك بالاجمال قيمة و انا من جهتي اتابعها دائما و (رايتك بيضا)
و لكن لا اظن ان الاستاذ غالب يقصدك شخصيا
فهو كجميع الأعضاء حريصون على المصلحة العامة
كلنا نناقش و كلنا معرضين للانتقاد
و هذا الانتقاد لا ينزل من مرتبة احد
مجرد انتقادات ولا يوجد اي اتهامات

تقبلو مروري

[ابو فراس]

العصفورة حلتلكم المشكلة