سعر صرف الدولار والذهب مقابل الليرة السورية ليوم الخميس والجمعة 24و25 - 04-2014

[al.faqir]

مساء الخير
كنت قد سألت الاخت جوليت سؤال لم تجبني عليه. هل انت من التابعين للسيد ميالة؟
وثانيا . صحيح ان هذا المنتدى يضمن حرية الرأي والتعبير للاعضاء وانا احترم كل ما تكتبينه واضع لك الشكر.
ولكن احس ان كل كتاباتك وتعليقاتك كعمل محامي وشركة دعاية للمركزي.
هل تظنين اننا لا نتمنى ان نعود ونشتري البيضة ب 2.5 ليرة بدل 25 ليرة الخ.....
ولكن شتان بين الواقع والخيال. الوطن بحالة حرب والاقتصاد معطل وامر طبيعي ان تهبط قيمة الليرة. والسيد ميالة يحارب بالاعلام .
اتمنى منك ان تنقلي الاخبار وتحليلاتها وقد نتفق معك وعلى الاغلب سنختلف والاختلاف لا يفسد ... قضية

[hasobman]

تابع للمشاركة السابقة
هي ادني (متل حلب )
لتفرض المصرف الخاص حط تسعيرة 185 وباع عليها مليون دولار
بيجي المصرف الخاص بياخد اوراقو وبيروح عالمركزي وبيقلو يا الله انت حالف تعطينياهن
بيقلو المركزي اني حالف اني ما اشوف وجهك يا اما والله بخلي الي ما يشارك يتفرج
اذا عال 158 ما عندهو يعطو شركات الصرافة
شنون بدهو يعطو رقم مفتوح وبسعر عالي للمصرف الخاص
الا اللهم اذا المركزي حابب يبيع دولاراتو بالعالي عن طريق المصرف الخاص
وهالاحتمال وارد بس مستحيل تحت ال 200 معقولة يربح بس 50 ليرة بالدولار
على احتمال لم من السوق عال 150
بطل السودة منا وفينا لا تنسوا هالمعلومة
ولو القرار بايدي برفع الدولار لل 500 ببيع كلشي معي حتى ثيابي ببيعهن
برجع بتدخل بفعالية بنسبة 20 بالمية وبرجع بشتري الي بعتهن عال 200
شنون بالله دور البطولة يا هيك تحصيل المصاري يا بلا

[salkiny]

الله يخلي لنا هالاشتراكات ماعم نحس بفقدان الكهربا
ريف ادلب اغلاق السوق
167-168

[مرهف83]

ما هي نقطتي الدعم والمقاومة للذهب فنيا في الشهر الخامس؟

[جوليت]

عطفا على العطف يلي عطفناه قبل شوي :
------------------------------------------

" ببيع القطع الأجنبي المطلوب لتلك المصارف والمؤسسات وفق سعر الصرف الصادر عنها "

عنها وليس عنه
وشتان بين العن تبعا والعن تبعو
------------------------------------

[hasobman]

لنفرض الان ان المصرف الخاص طلب من المركزي مليون دولار
وقالو نحنا بدنا نبيع ونشتري وبدنا نخلي السوق شغال
الحركة قوية عالمحل مع مربح بسيط = تجارة ناجحة
فقال الخاص للمركزي انا بدي ابيع عال 165 حاج بكفي
ما بتخيل بيوم من الايام انو المركزي رح يوافق على طلب الخاص على هالسعر
بقلو اني اشتريت عال 150 تا ابيعك عال 165
بستنا شهرين تلاتة وببيعهن عال 200 على اقل تقدير
روح عمو روح دبر حالك لحالك
اني مستحيل ابيعك على سعر انت بتحطو
يا زلمي حلمان انت انا بسعر كلشي بالسوق تا تجي انت تالي عمرك تسعرلي دولاري
روح عمو روح
زباين اخر زمن والله

[black_ghost87]

اقتباس: المشاركة الأصلية كتبت بواسطة مرهف83    ما هي نقطتي الدعم والمقاومة للذهب فنيا في الشهر الخامس؟

الدعم:1268
المقاومة:1330

[جوليت]

عطفا على عطف العطف يلي عطفناه وهو العطف الاخير :
"ذلك من خلال مقارنة التقارب والتباعد في تسعير الليرة مقابل الدولار الأميركي"
التقارب والتباعد جهة وحدة بتحددها المركزي وفق شو ؟؟؟؟؟؟؟؟
هون مربط الفرس .... محبوكة بشكل ماتخرش منو المية

[مرهف83]

جار متابعة تأثير قطع خط الغاز الرئيسي عن محطات الطاقة في الجنوب على سعر الصرف .. أصحاب التحليل أفيدونا

[hasobman]

بقدر اضل اعمل افتراضات وحلول لبكرة
لكن الذي يحدد الية العرض والطلب في السوق
هي العصاية من جنب
وقلة الاشغال من جنب اخر
ولو ربطنا الفرس ربطة خفيفة اكيد رح يروح الفرس ويهرب
طالما الفرس بخاف من خياله (شدة على الياء)
بحياتون ما رح ينجو لا الفرس ولا الفارس
ومن كتر الشفافية ما عاد شفنا شي (شفاف يا اخي)
وذكرتني عبارة كان جوز عمتي حاطها على سيارتو من ورا
وجوز عمتي (زوج عمتي ) مو خرج سواقة كتير
ماشية والرب راعيها
وهي حالنا نحنا
شاطرين نحط قرارات لا تخلو من الاخطاء اللغوية
وكسلانين بالتطبيق اذا تم التطبيق طبعا
نريد افعالا لا نريد اقوال
وكفاها الله اليوم