سعر صرف الدولار والذهب مقابل الليرة السورية يومي الخميس & الجمعة 23&24 -01- 2014

[ph-hosam]

اقتباس: المشاركة الأصلية كتبت بواسطة جوليت    مشاركة سابقة مبارح 21 - 1 : معلومات متداولة ضمن السوق انو المركزي مجهزة محرقة لثلاثة من مصاصي الدماء ( 2 دمشق (للاعلام ) ... خطة دراماتيكية للمصرف المركزي في مواجهة المؤامرة الدولاراتية التي بدأت بالتحرك من ريف حلب الشمالي .... غدا والبعدو مهمين مركزيا ... الهدف المنشود للمركزي القريب 145 مبدئي--------------------- --------- بعد 4 ساعات و50 دقيقة نزلت سيرياستيبس مايلي : خاص سيرياستيبس : هذا و ذكر مصدر حكومي أنّ الدولار كان ضمن نقاشات اجتماع مجلس الوزراء أمس و أعطيت التعليمات للتدخل سريعا و إعادته إلى مستوى 144 - 146 ليرة خلال الأيام القادمة ----------------------- الاربعاء 22 -2 موجه لسيرياستيبس كما وجهت للاقتصادي .... غيرو هالموضة , الخاص تبع سيرياستوكس غير شكل ههههههههه .... حلو الرد عامشاركتي بخصوص سيرياستيبس من كم يوم ... بس بكرو شوي بحط الخاص ابل سيرياستوكس بس ياخوفي ماكنتو بدكن تنزلو اي خاص .؟؟؟؟؟ واضطريتو تنزلو !!!!! هههه ---------------- اليوم 24 : دمشق - سيرياستيبس :من المتوقع أن يجري المركزي السوري جلسة تدخل مطلع الأسبوع القادم و ذلك في اطار سياسته الحفاظ على سعر الليرة في وجه المضاربين الذين يعملون من بيروت بشكل خاص بالتعاون مع صرافة من داخل سورية .... 145 ---------------------------- انا كتير بنبصت من يلي بيفهم وبصير بحبو كتير .... من خاص الى توقع هادا الكلام الحلو .... سيرياستوكس هي بس يلي بتجيب الخاص وعفكرة للامانة طلعت غلطانة لما قلت انو رجل الاعمال يلي بدير موقع سيرياستبس الو علاقة مع مدير مصرف عقاري قديم ... جلى من لايسهو تبع : المشاركة السابقة لي :"شو سيرياستيبس منزهة , نطلب من ادارة موقع سيرياستبس انو وضحلنا الارتباط القائم بين رجل الاعمال (صاحب الموقع ) ووبين مدير المصرف العقاري القديم , ويكتبلنا ياه بمقالة , واتعهد ان كانت المقالة كاذبة , ان انشر اسم رجل الاعمال وكذلك القروض وكذلك ....... ,واخر قرض كان بتاريخ 21 3 2001. وشام اف ام بدها كلمة .... ونحنا عند كلمتنا اذا الرب يسر , شعارنا معكم حتى النهاية"

مدام أو آنسة جوليت أنا بالنسبة الي بدخل عموقع سيرياستوكس لأتعلم و ما أخسر مصرياتي و تقريبا بالفترة الاخيرة صار عندي خلفية و صرت ادخل عالمنتدى لانو صار حياة افتراضية تانية بحب اعرف شو اخبارها بشكل دائم.
و الانسان بطبيعته بيكون الو هدف لكل شي بيعملو يعني بيشتغل ليدخل مصاري و يصرف ععيلتو وولادو و بيتعلم ليأمن فرصة عمل و الحرامي بيسرق لانو بيكون بحاجة و القاتل بيقتل اما لسبب مرض نفسي او سعيا للانتقام و انا متل ما قلتلك عم ادخل عهالمنتدى لأتعلم وحافظ على تعب و شقا عمري فممكن أعرف شو هوي هدفك من الدخول للمنتدى و خاصة بأكثر من 1200 مشاركة ب 7 أشهر ....

[ph-hosam]

اقتباس: المشاركة الأصلية كتبت بواسطة غسان    لك هالموظفين المدراء هنه بيجيبوا الحكي عليهم نحنا شو دخلنا لك ياسيد كيلاني شو هالتصريح الفظيع هاد ...لك مين سئلان عن ارباح شركه الاتصالات ولا سئلان عن مده عمل المدخرات يدخروك لشغله محرزه تسلملي شو نظامي وعال 220....... بعدين تصريحك رح ينقلب ضدك يعني يلي مو خاطر ببالو يسحب كهربا من التلفون او مابيعرف هلأ رح يصير يسحب ويسأل وبيصير يعرف وياترى بعد تصريحك هاد ..... يلي كان يسحب رح يوقف سحب مشان ما ينقص ربح الشركه وتفضى بطارياتا !! لك نحنا وين وكيلاني وين ذكرني بواحد فات على مطعم ربع نجمه واحتج لانو البياع حاطط غنيه تي رشرش دغ الماني

اقتباس: المشاركة الأصلية كتبت بواسطة hash    لفت المهندس حيدر كيلاني مدير فرع الشركة السورية للاتصالات في حماة أن استخدام الطاقة الكهربائية في خطوط الهاتف الثابت لتغذية أجهزة الإنارة المنزلية عند انقطاع التيار الكهربائي يختصر مدة عمل المدخرات المغذية للمقسم وهذا له تأثير باتجاهين فهو يحرم المشتركين من الخدمة الهاتفية في فترة انقطاع التيار الكهربائي ويؤدي إلى تراجع عدد المكالمات الهاتفية وهذا يؤثر على أرباح شركة الاتصالات. نقلا عنb2b

طلب زيادة سرعة الانترنت (علما انو التسريع بيزيد ارباح شركة الاتصالات) مقدم من تاريخ 1-12-2013 لمقسم القوتلي بحماه و تمت مراجعتهم 8 مرات بالعدد (عاددهم بالمراجعة) و على وصل الطلب و ما وصل الطلب و البعد بين الطرفين اللي الطلب عالق بيناتهم 70 سنتيمتر!!!!!!!!!!
أمانة للي بيعرفوا للمهندس حيدر كيلاني يوصلوا رسالتي و يقلوا أنو فرع الشركة السورية للاتصالات بحماه كلمة بيروقراطية كتير قليلة عليه يا ريت لو بعرف كلمة معبرة بشكل اكبر لقولها ...
مواطن مؤدب عايف حالو من الروتيييين ...

[المبتدئ]

ربنا يختار اللي فيه الخير بلدنا بيستاهل كل الخير

[عابر مجيب]

اقتباس: المشاركة الأصلية كتبت بواسطة أحمد الأحمد    شو استاذ عابر شو محلنا بالاعراب في لعبة الدول اذا اتفقنا على المبادئ ..هانت ومابقي غير تفسير البنود . بعدين اذا اتفقوا الكبار ..معناها رح يلبسوناباها ونقطة اول السطر ..على اولة بعضهم ؟؟

نحنا دولة ذات سيادة ، وما ممكن حدا يمرر سابقة وإلا ما بيستقر حكم بالعالم .
لا الصين ولا روسيا ولا دول جنوب امريكا بتوافق ، هدول سمعوا القذافي واستفادوا لما قال جاية عليكم الدور ، وقال يمكن اللي برا بيسمعوا أكتر من اللي جوا ، يوميها الكل ضحكوا ، خصوصا المرعوبين ، مو من النكتة من الرعبة .
الشغلة مو قرار
بتذكر مرة دعوى بين ورثة ، وتم طرح البيت بالمزاد العلني ، وأحد الورثة ما غادر إلا يوم التسليم ، وانتظر الشرطة لرمولو أغراضه بالشارع ، ولليوم بيزعل لما بيتذكر انو نسي السلم اللي نزل عليه الأغراض من السقيفة !

[أحمد الأحمد]

اقتباس: المشاركة الأصلية كتبت بواسطة ph-hosam    مدام أو آنسة جوليت أنا بالنسبة الي بدخل عموقع سيرياستوكس لأتعلم و ما أخسر مصرياتي و تقريبا بالفترة الاخيرة صار عندي خلفية و صرت ادخل عالمنتدى لانو صار حياة افتراضية تانية بحب اعرف شو اخبارها بشكل دائم. و الانسان بطبيعته بيكون الو هدف لكل شي بيعملو يعني بيشتغل ليدخل مصاري و يصرف ععيلتو وولادو و بيتعلم ليأمن فرصة عمل و الحرامي بيسرق لانو بيكون بحاجة و القاتل بيقتل اما لسبب مرض نفسي او سعيا للانتقام و انا متل ما قلتلك عم ادخل عهالمنتدى لأتعلم وحافظ على تعب و شقا عمري فممكن أعرف شو هوي هدفك من الدخول للمنتدى و خاصة بأكثر من 1200 مشاركة ب 7 أشهر ....

اخي الكريم لم تقرأ المشاركات بتمعن
هم او هو او هي ..قالت انا مع المركزي قلبا وقالبا ...انتهى .

[عابر مجيب]

اقتباس: المشاركة الأصلية كتبت بواسطة ph-hosam    مدام أو آنسة جوليت أنا بالنسبة الي بدخل عموقع سيرياستوكس لأتعلم و ما أخسر مصرياتي و تقريبا بالفترة الاخيرة صار عندي خلفية و صرت ادخل عالمنتدى لانو صار حياة افتراضية تانية بحب اعرف شو اخبارها بشكل دائم. و الانسان بطبيعته بيكون الو هدف لكل شي بيعملو يعني بيشتغل ليدخل مصاري و يصرف ععيلتو وولادو و بيتعلم ليأمن فرصة عمل و الحرامي بيسرق لانو بيكون بحاجة و القاتل بيقتل اما لسبب مرض نفسي او سعيا للانتقام و انا متل ما قلتلك عم ادخل عهالمنتدى لأتعلم وحافظ على تعب و شقا عمري فممكن أعرف شو هوي هدفك من الدخول للمنتدى و خاصة بأكثر من 1200 مشاركة ب 7 أشهر ....

أنا ماعندي جواب أكيد على سؤالك ، ويمكن تضمنتو انت بالاحتمالات .
بس دخلت لقول ان طرحك صادق وشفاف وبيمس المشاعر بعمق .

[عمار اللامي]

مساكم الله بالحب

[عابر مجيب]

اقتباس: المشاركة الأصلية كتبت بواسطة أحمد الأحمد    اخي الكريم لم تقرأ المشاركات بتمعن هم او هو او هي ..قالت انا مع المركزي قلبا وقالبا ...انتهى .

اللي بيخيلك ان المفعول عكسي
بتقول لحالك عن قصد ياترى ؟ ولا عن غشمنة ؟!

[المسار]

والله انا مفكر عن

مكر

[expert]

اقتباس: المشاركة الأصلية كتبت بواسطة رشاد حج علي    يوميتا مامتت كمد لان كان الحديث موجه الي بس نمت بلا عشا بس لان ضراسي بالتصليح بس ليش ماخبرتنا كنا من اول شي نمنا عالاخضر وهلق ربح ١٠٠ فوق الرسمال فعلا انك مصلحجي وبتحب حالك

انا فعلا مصلحجي وبحب حالي
اظن ما حدا بهالدنيا ما بيحب الخير لنفسه
بس بالوقت نفسه انا بحب الخير لغيري وما بسبب ضرر لحدا عن قصد
اذا رجعت لمشاركاتي من سنتين او اكتر (يعني من ايام كان الدولار تحت ال70)
رح تشوف اني من تلك الايام بنصح الناس بالادخار بالدولار متننبئ بفقدان الليرة لقيمتها
طبعا التنبؤ مو تنجيم التنبؤ بناء على علم الاقتصاد
وبالنسبة لرايك انو يللي بيتنبا بهبوط الليرة بيكون عم يراهن على خراب البلد
لقد اعطاك الاستاذ عابر تشبيها لهذا الموضوع وانا اعطي تشبيه اخر
لما المدرس بيقلك انو الطالب زيد رح يرسب بصفه
هاد الكلام لا يعني ان المدرس يكره زيدا ويريد الشر له
ولكن المدرس تنبا برسوب زيد لان زيدا طالب مهمل لدراسته ولذلك توقع رسوبه
فاذا رسب فسبب الرسوب ليس الاستاذالذي تنبا ولكن الطالب الذي لم يدرس