صالة أسعار صرف الدولار وباقي العملات ليوم الاثنين 15-7-2013

[little_man]

اقتباس: المشاركة الأصلية كتبت بواسطة عابر مجيب    لا سعر مستهدف ولاهم يحزنون ، سياسة بمنتهى الصفاقة والبلطجة ، سياسة احتكار وتلاعب بالسوق ، والهدف تخويف الزبائن ( المواطنين ) وليظنوا أن المركزي عندما يريد يفعل . هل هنالك مبدأ حتى لا أخلاقي ولا انساني ولا فيه احترام للذات ، نعم هل هنالك هكذا مبدأ او قاعدة علمية واقتصادية ، يتدخل فيها البنك المركزي ويبيع في يوم بسعر ، ويرغم المشترون على الحضور والشراء ، ثم وبكل وقاحة يبيع نفس الصنف في اليوم التالي وبسعر أرخص !!!!! لك العمى غابة ولا شو هاد ؟ لأ وبعد بكرا أرخص . من الغباء الاستخفاف بعقول الزبائن فلن ينتظروا للغد ليشتروا ارخص سيشترون اليوم بالغالي وبكرا بأرخص وبعده كمان ومارح يضل ولا دولار بس اللي مارح يشتروا واللي رح يبيعوا هنن المستهدفين وهم اخلص المواطنين واكثرهم التزاما وما بينخاف منهم لا بينضجوا ولا بيتعلموا ، ومو من مصلحة الدولة تموتهم من الجوع ، مابيبقالها محب . بس هدول مشكلتهم كسالى ومومتابعين وموعارفين شو صاير . أحلى كذبه وقحة قال شو : خايفين على مشاعر الزباين ولذلك عم ينزلوا بالتدريج ! الحمد لله المشاعر النفسية جيدة ، والمعنويات عالية ، وصامدون ضد الجلطة . تمسحوا :stickouttongue فخدوا راحتكون ونزلوه للسبعين فورا بلا تدرج ، عيب بقا !

""بس اللي مارح يشتروا واللي رح يبيعوا هنن المستهدفين وهم اخلص المواطنين واكثرهم التزاما وما بينخاف منهم لا بينضجوا ولا بيتعلموا "">>>


ببشرك انو في منون هون بالمنتدى... صارلون من الضهر و هني نازلين فينا محاضرات عن عظمة المركزي

[alternative]

بعض صفحات الفيس بوك
اغلاق الحريقة
شراء 230
مبيع 235
منقول
نرجو التاكيد او النفي لو سمحتو

[المضارب الحسكاوي]

اقتباس: المشاركة الأصلية كتبت بواسطة little_man    أخونا المضارب الحسكاوي, بعتلك رسالة عالخاص من يومين لو تتكرم بالرد

تحياتي اخي العزيز ةاعذرني على التاخر في الرد فلم افتح الصندوق وارد منذو فترة وجواب سوالك حول وجود حوالات بين القامشلي وباقي المحافظات
الجواب يوجد حوالات بالسوري بين القامشلي وباقي المحافظات ذهابا وايابا عن طريق شركات مرخصة متل شركة الهرم وسمعتها منيحة بالمنطقة وعندك شركة اكسبريس وشركة هفال وشركة ايزلا هايدي الي بعرفن وبجوز في غيرن كمان . تحياتي لك

[دلشاد]

أخي الحسكاوي
الله يجزيك الخير
في عندك علم بالنسبة للي بدو يحول دولار من العراق - أربيل ( هولير) للقامشلي أو إحدى مناطق جزيرتنا على أن يستلم المستلم بالدولار؟

[المضارب الحسكاوي]

القامشلي وتوابعها مساءا عدم استقرار في السوق وتفوات كبير في سعر الشراء من صراف الى اخر تراوح شراء دولار بين 240-260 بس بيع دولار ما لاقينا حدا يبيع تحت 265 وتحياتي لكم وعقبال ينزل دولار في القامشلي متل باقي المناطق

[-mouhamad]

هناك فخ كبير وغادر اخشى ان يقع به البسطاء لصالح الانتهازيين

[عبدالقادر]

صدقت اخ ديناميكي سعر230حنشوفوليوم فالمركزي لازم يبلش يرجع السعر20اواكترللتدخل وهيك الدولارالبيتوتي بيطلع من البيت بشكل اسرع وبتكلفة اقل للمركزي

[nedal]

اقتباس: المشاركة الأصلية كتبت بواسطة عابر مجيب    لا سعر مستهدف ولاهم يحزنون ، سياسة بمنتهى الصفاقة والبلطجة ، سياسة احتكار وتلاعب بالسوق ، والهدف تخويف الزبائن ( المواطنين ) وليظنوا أن المركزي عندما يريد يفعل . هل هنالك مبدأ حتى لا أخلاقي ولا انساني ولا فيه احترام للذات ، نعم هل هنالك هكذا مبدأ او قاعدة علمية واقتصادية ، يتدخل فيها البنك المركزي ويبيع في يوم بسعر ، ويرغم المشترون على الحضور والشراء ، ثم وبكل وقاحة يبيع نفس الصنف في اليوم التالي وبسعر أرخص !!!!! لك العمى غابة ولا شو هاد ؟ لأ وبعد بكرا أرخص . من الغباء الاستخفاف بعقول الزبائن فلن ينتظروا للغد ليشتروا ارخص سيشترون اليوم بالغالي وبكرا بأرخص وبعده كمان ومارح يضل ولا دولار بس اللي مارح يشتروا واللي رح يبيعوا هنن المستهدفين وهم اخلص المواطنين واكثرهم التزاما وما بينخاف منهم لا بينضجوا ولا بيتعلموا ، ومو من مصلحة الدولة تموتهم من الجوع ، مابيبقالها محب . بس هدول مشكلتهم كسالى ومومتابعين وموعارفين شو صاير . أحلى كذبه وقحة قال شو : خايفين على مشاعر الزباين ولذلك عم ينزلوا بالتدريج ! الحمد لله المشاعر النفسية جيدة ، والمعنويات عالية ، وصامدون ضد الجلطة . تمسحوا فخدوا راحتكون ونزلوه للسبعين فورا بلا تدرج ، عيب بقا !

أخي عابر حياك الله
كل يلي عم بتقوله صحيح
وبرجع بقول المركزي عنده بضاعة إسمها دولار عمبيضارب فيها
وبإعتباره أكبر تاجر بالسوق فعنده القدرة يغرق السوق ببضاعته وبالسعر يلي بدو ياه حتى إذا بدو يبيع بسعر 50 قادر على ذلك لكنه غير قادر على ثبات السعر لفترة من الزمن وخاصة مع تدهور الوضع العام
بس على كل حال كل واحد له جولة وهي مو آخر جولة للمركزي لذلك كل واحد ياخد حبة تحت اللسان لأنه المركزي سيلعب لعبة القط والفار

[ابو الحسن عمر]

السلام عليكم ورحمة الله وبركاته

وكل عام والجميع بألف خير

ورمضان كريم على الجميغ والله يفرج على شعبنا بأسرع ما يمكن


اليوم كنت ماشي من جنب مكتب الشعار وقلت لشوف شو الاسعار وجدت السعر 237 شراء 245 مبيع

انبسطت والله قلت منيح عم ينزل ها المغضوب يلي هالك ها الشعب بس انتبهت على الحيط برا شغلة متل النعوة وهي مو نعوة قرأتها مكتوب برأس الصفحة تعهد يعني (( شقفة تعهد))
من شي 30 سطر وانا عم اقرأ فيه لاحظت جملة غريبة عجيبة يعني متل يلي كبوا مي على قفاه شو ها الجملة كانت
(( يتوجب على من اشترى قطع اجنبي او يتعهد الشاري ببيعه لمصرف او مكتب او شركة صرافة ))
يعني اذا واحد منكم اشترى قطع اجنبي من بنك او مكتب او شركة صرافة يتوجب عليه اذا اراد بيعه ان يبيعه فقط الى مصرف او شركة او مكتب صرافة فقط يعني هي متل البضائع المحصور بيعها كمادة التبغ المزروع محليا ممنوع بيع الا للدولة

فتأمل يا رعاك الله على شقفة تعهد
مو ناقص غير يقولوا لازم يرجعها نفسها للقطع الاجنبي يعني لازم يصوروها قبل ما يبيعوها منشان ما تغشوهم

والله لنكيف على الدعاوي بكرة مخالفة انظمة قطع هادا ادنى احتمال

يا ريت نسمع رأيكم او اذا في حدا عندو صورة عن التعهد

[Dynamic Pulse]

اقتباس: المشاركة الأصلية كتبت بواسطة alternative    اخي ابو محمد دايناميك اديش سكر الدولار مركز السوق

أهلين أبو كمال
أخر سعر حوالي ال5.30 كان 235-245
ومابتوقع يكون في أقل من هيك سعر خاصة أنو شركات الصرافة عم تشتري ب237
على كل الأحوال بعد ال6 مابعرف