صالون سيرياستوكس للعطلات(16-17-18-19)-آيار2013

[غسان]

اقتباس: المشاركة الأصلية كتبت بواسطة sana    هههه يمكن ببعض الاحيان يكون فعلا هاد الحل " بما انو ما في فايدة " ..! ^_^

طيب يبعد عن الغيمة متر ....وبلاها المظلة

بس عنجد صعب نشوفو وما نسألوا

انت اجدب ولا عم تجدبا ....؟؟؟

[رندة]

مما قرأت‎


تمامُ الخذلان انشغال العبد بالنعمة عن المنعم وبالبلية عن المبتلي ؛
فليس دومًا يبتلي ليعذّب وإنما قد يبتلي ليُهذب

لـ ابن القيم

[عابر مجيب]

قفشتكم
المتأخرين بيفتحوا على آخر صفحة وبعدين بيرجعوا صفحة صفحة ومن ثم ( يعني بعد ذلك ) بيرجعوا للآخر بيكون فاتهم تلت اربع مداخلات بيحطولهم شكرا وبيصيرو آب تو ديت .
أب تو ديت مالها تفسير عربي ، يمكن أفضل شي آخر ألسطة أو على أحدث المعلومات

اليوم كنت آخد الكتابة بالمقطوعية ، خلصت خسكاري ( البعض بيقولوا خشكار )، يعني ممكن انصرف قبل نهاية الدوام
الحقيقة النت مزعج وعم يقطع كتير لذلك استميحكم عذرا بالانسحاب

في ناس لسا من شوي واصلين وما بحب اتركهم ، يلا بكرا بشوف مفاجآت من الصبح
تصبحوا على كل خير

[ميرا]

اليوم أول نهار جمعة بحس بشوية سكون بداخلي ومو خايفة ، ماكنت مضطرة فيق بكير ليروح ابني عل المدرسة وضل قلقانة ليرجع .... خلصنا من المدرسة بخير وسلامة .
أجاد الله الطلاب والأهل بنفس الوقت ، الفحص دايما بيعمل أزمة للبيت اللي فيه طلاب فكيف بهالوقت العصيب ؟؟!!!
ربنا ما يضيعلون تعب ويفرح قلبون وقلب الأهل ،
وقلبك يا أخت رندة

[ميرا]

عندي صديقة دايما قلقة على أولادها ..... حبيت خفف عنها وذكرتها بقول جبران خليل جبران :
أولادكم ليسوا لكم ..... أولادكم أبناء الحياة
جاوبتني بسرعة : بس جبران ماعندو ولاد

[ميرا]

اقتباس: المشاركة الأصلية كتبت بواسطة رندة    اللاذقية .. الكورنيش الجنوبي .. syria geographi

ليس للصيف معنى بدونك يا بحر

[رندة]

اقتباس: المشاركة الأصلية كتبت بواسطة ياسمينة    وكأنو عرفت المطعم الي بيقدمها ، الصخرة ؟ اكلت اكل طيب بحياتي بس متل هالمطعم بكسب ما دقتش

هو بعينه
ما في اطيب من هالاكل وخصوصي البطاطا المنفوخة ماركة مسجلة
الله يحرسك يا كسب محل ما بيلتقي الغيم بالجبل الاخضر

[Sana]

قد لا نكون ملائكة على الإطلاق ...
و لكن على الأقل ...
فـ لنتمسّّك بـ آدميّتنا و إنسانيّتنا .. !!

[ميرا]

اقتباس: المشاركة الأصلية كتبت بواسطة ياسمينة    الوطن .. رائحة امي .. الوطن احساس بالامان .. الوطن عز الوطن بيشبه بيتك او سريرك او مخدتك الوطن مفردات كثيرة .. هو ليس بوردة هو عبير الوردة هو ليس بمكان هو احساسك بالانتماء الوطن ، ايــه.. الوطن فخر، الوطن اصل الوطن، ممكن عند كتير ناس كمشة مصاري وعند تانيين مكان يضمن حياة كريمة الوطن عندي، انو المكان الي ربيت وعشت فيه وعششت ذكرياتو بعقلي وتسربتها مسام جلدي، اقدر لو ما كنت عايشة بعز وبحبوحة احلم باليوم الي اقدر كون فيه "مواطنة" ويتحول حلمي حقيقة لاحفادي بدل ما فكر سافر لفلان مكان .. يكون حلمي هالبقعة الصغيرة الي ربيت فيها اقدر احلم تكون اجمل بقعة بالارض الوطن بيشبه ماما هي ليست اجمل النساء ولكنها ست النساء واجملهن في نظري ~ انا

عندما يسكننا الحب في العمق نصبح عاجزين عن التعبير عنه بكلمات تفيه حقه ، يقولون أن الحب لايمكن أن يترجم ولذلك كلما قرأنا شيئا يشبهه نبتسم أو تدمع أعيننا ( حسب الحالة ) ونقول " هااااد هو "
ضربت على الوتر ، هذا هو الوطن ........ وأكثر
سلمت يدك وفكرك ياسيدة الأمل ... لك مني كل المحبة

[alternative]

اقتباس: المشاركة الأصلية كتبت بواسطة ياسمينة    مسا الخير ما بعرف اذا مجرب تستخدم غوغل ترانسليت وتختار اللغة العربية في كيبورد بالاحرف بيطلع بيساعدك بالكتابة .. بعتقد اذا حافظ مكان الاحرف العربية ما في داعي تستخدم الماوس لتختار الاحرف .. بس حط المؤشر على مربع المخصص لكتابة النص بالعربي واكتب من الكيبورد الي قدامك مباشرة وكأنو عندك كيبورد عربي .. بظن بيمشي الحال لحتى تنحل الازمة

شكرا اخت ياسمينة بالفعل هاد
الشي يلي عم اعملوا لما بدي اكتب بالعربي
بس بيستغرق وقت وجهد
فاي مشاركة بدها ربع ساعة بين كتابة بلوح غوغل
ثم نسخها الى المشاركات وتنسيقا
والاخ لقمان ما عم يستوعب هاد الامر
ووجهلي انتقاد وحسيت حالي
كاني انا سبب المصائب العربية
وانتهكت حرمة هي اللغة الرائعة
بوعدك اخ لقمان بس ظبط الامر التقنية عندي
بكرة في مقالة صميدعية جهز حالك