سعر صرف الدولار بالليرة السورية ليوم الخميس في السوق السوداء 21 آذارأول أيام الربيع

[abashi]

موضوع تكرر سابقاً أكثر من مرة

- قبل أي انخفاض كبير لليرة السورية بمقدار (10 إلى 20) ليرة
يسبقه انخفاض أكبر بمقدار (40) ليرة تقريبا وخلال أيام قليلة
ثم بعد ذلك ترتفع الليرة بمقدار (20) ليرة مباشرة

وبذلك يتم امتصاص ردة الفعل الناتجة عن الانخفاض الأول (الحقيقي) وذلك بتضخيم الصدمة ليصبح الانخفاض الاول مـْـْقبولاً.

وهذا يحدث أيضاً عند تعرض النظام لضربات عسكرية قوية حيث يقوم ببث شائعات أكبر ثم ينفيها لامتصاص الصدمة





...........منقول ..............

[لقماان]

اقتباس: المشاركة الأصلية كتبت بواسطة باسل غ;258592 [b    السلام عليكم

اقتباس: المشاركة الأصلية كتبت بواسطة باسل غ;258592 [b    نقطت الخروج على 110 والنقطه المتوقعها للدخول هي النقطه السابقه 96__97 يلي ما عجبت ايا حدا بالمنتدى باستثناء اخي نجم حماكم الله والهمكم الخير

و عليكم السلام و رحمة الله و بركاته
كيفك أخي باسل ....
هللأ بدي ازعل منك
أنا كمان عجبتني النقطة .....[/B]

[اخو الحدبا]

والله العظيم في الميادين وريفها البيع قليل والشراء أقل
وتقريباً تقدر تقول ان الناس خايفة من يوم الأحد ( تهديدات المركزي المفلس ... )
والله يستر وأنا مسؤول عن كلامي
للتنويه فقط

[najm]

اقتباس: المشاركة الأصلية كتبت بواسطة mak    الله يعوض عليك اخي نجم.....بس انشالله ما في اي خسارة لأنو (للأسف) الاتجاه صاعد بشكل عام ...و بنسب قد تكون كبيرة...قد لا يعجب هذا الكلام البعض و لكننا هنا لنناقش الواقع بالمنطق و التحليل و ليس بالتمني.....الله يعوض عالكل و يحمي الجميع

اقتباس: المشاركة الأصلية كتبت بواسطة انس بكور    قول قدر الله وما شاء فعل بتسوى الدنيا وما عليها ....ما بتعرف بجوز لو مغير طريقك ورايح على احد الصرافين يكون في شي نبيح وياخدهم كلهم ,,,او يصير حادث ما محسوب ....فالحمد لله لساتهم معك وقدر الله وما شاء فعل وان شاء الله بيبدلك بالاحسن وكل تاخيرة وفيها خيره الك ان شاء الله

عمسكر حساباتي بالنت وعمهيئ نفسي للخروج بس ما اجا مني روح قبل مارد عليكم ...
شكرا لتعاطفكم معي ومواساتي الخسارة ليست كبير وبالاضافة للمبلغ بالكامل لا تقارن وليس مزايدة بنقطة دم سوري بريئ ينزف كل يوم أو ساعة غياب ام عن ابنها او قلب ولد محروق على امه ...
ربي يفرج علينا يارب ..

[لقماان]

جاء في تحليل أخونا رامي مشكورا
مع عدم اهمال نقطة الدعم 98
فرج الله همك أخي رامي و جمعك بوالدتك في أقرب وقت آمين يا رب

[انس الحموي]

حماة الان عن طريق اتصال هاتفي على احد الصرافين قلت له معي 200 الف دولار قال بياخدهم على 103 سالته ليش بادش البيع قال 108 سالته ليش كل هادا الفرق قال في فوضى وخربطة بالسوق ومحد عارف شو عما يصير ...بس هادا الصراف انا ضامنه لما بقول لي بيشتري على 103 بيشتري ولما بقول ببيع على 108 ببيع ...للجميع التريث حتى الساعة 1 الظهر يوم السبت وبعدها يا يقررالدخول يا يقرر التريث ...

[sajed]

السعر في حلب قبل الغروب 5:30 مساء":

تفاوت كبير وغير متجانس بين الشراء والبيع وفيما بين صراف وبائع (مدّخر)

بعض المدخرين: يعرضون للبيع بسعر 100 ـ 108

بعض الصرافيين: يعرضون للبيع بسعر 107 ـ 111 (بدون شراء)

لننتظر يوم السبت ونسأل الله الرحمة والحكمة لجميع عباده

[انس الحموي]

اقتباس: المشاركة الأصلية كتبت بواسطة د. همكي    تروح و ترجع بالسلامة ويكون الدولار ب 90 لما ترجع .... ههههههههههههه

الله يسلمك يااارب ...بس شو منشان يرجع على 90 الله يسمع منك ويصير الدولار بليرة مو زعلان بس حتى على 90 ما بيرجع الا بحالة وحدة يا بترجع ستي صبيه وللاسف ميته يا بصيروا اولادي شباب يلي لهلىء امهم ما جبتها وما بعرف مين رح تكون شكلوا على هل الحالة مارح شوفوا 90 لحتى اتزوج وشوف اولادي شباب ...عطينا عمر ياشيخ

[ذكرى انسان]

السلام عليكم


مبارح حولت من السعودية لسوريا بسعر 29.68 ليرة للريال الواحد


حولت مبلغ صغير قلت بدي جرب (المبلغ مصروف للاهل كان 200 الف ليرة)


ناس معي قالولي ليش تحول راح ينزل اكثر ...قلت ان شاء الله ينزل بيكون تنزل معو المواد كلها


المهم اليوم نفس الشخص اللي حولتلو بيقلي انا ببيعك ع 27 واصل ريال لسوريا


واذا بتحول تحويل بحوللك ع 26 ليرة للريال الواحد .


سبحان الله قديش فرقت من مبارح لليوم .


بس كمان ياشباب بدي انقللكم رأي شخص موجود هون بالسعودية وشغلتو الدولار والليرة


بيقلي اذا استمر الحال بسوريا على هيك (الوضع الميداني) بيقلي من هون لبعد 3 شهور


راح تلاقي الدولار تدبيلتين ويقول اذا ماصار تدبيلتين قلي انا شخص مابفهم


لما سالتو عن التدبيلتين قلي فوق 138 ليرة للدولار


أنا اخدت كلامو على محمل الجد وقلتلو طيب ولو انحلت المشاكل


قلي مهما انحلت مستحيل ينزل تحت 85 ليرة (هي اذا ماطلع المركزي مفلس )


واذا طلع المركزي مفلس واتكشفت امور مابنعرفها فراح يهوي السعر لشي مومعقول


أنا حبيت شاركم هالحوار اللي صار معي .


وهي لادعوة للشراء ولا للبيع لكن حديث من شخص ابوه تاجر بالعملة وهو تاجر بالعملة


في شغلة صغيرة سالتو عن الذهب قلي سعرو مرتفع او نازل اشتري واطمر (مافيه خسارة اذا بدك تستريح)


آآسف عالاطالة ارجو اني ماثقلت عليكم.


تحياتي للجميع والله لايضر حدا.

[ADIB]

مساء الخير جميعا وكل عام والامهات السوريات بخير والفرج لوالدة بروكرنا رامي العطار