سعر صرف الدولار والذهب مقابل الليرة السورية اليوم الاربعاء 15 -01- 2014

[رشاد حج علي]

طيب سؤال ومين بوافقني الرأي بعد فترة رح نلاحظ مايلي هبوط باسعار الدولار بمحافظات درعا ادلب حلب تحت تأثير المنحة رقم كبير ٢،٤ مليار دولار

[shereen]

اقتباس: المشاركة الأصلية كتبت بواسطة رشاد حج علي    طيب سؤال ومين بوافقني الرأي بعد فترة رح نلاحظ مايلي هبوط باسعار الدولار بمحافظات درعا ادلب حلب تحت تأثير المنحة رقم كبير ٢،٤ مليار دولار

مظبوط كلامك لانو لح بيدورو بسيارات المنحة ويوزعو عالعالم عفكرة مؤتمر المانحين هديك المرة رفع الدولار من 70 لل 120

[رشاد حج علي]

هنن خلين بالاول يوزعو المنحة وانشالله يصير بميتين

[hasobman]

اقتباس: المشاركة الأصلية كتبت بواسطة mak    هاد سؤال صعب .....لازم حولك عالآنسة جوليت ...يمكن تعرف الإجابة ....بس مو شرط تقولها

هلا بتقعد تتفهمن على خلقتنا وبتقعد بتقلك فتح الطون مو متل السردين
والمرتديلا بتخبطها بالحيط بتفتح ومن هالعلاك
وبالاخر بتحطلك خاص وحصري طريقة شرب المي من الكاسة
السؤال بتوقع ما يقدر يجاوبنا عليه غير شخصين
الادمن رامي العطار
استاذي عابر مجيب
بتمنى حدا منكون يفيدنا

[المسار]

اقتباس: المشاركة الأصلية كتبت بواسطة رشاد حج علي    طيب سؤال ومين بوافقني الرأي بعد فترة رح نلاحظ مايلي هبوط باسعار الدولار بمحافظات درعا ادلب حلب تحت تأثير المنحة رقم كبير 2،4 مليار دولار

يسعدلي مساك اخي ميشال الحايك

(شو بتنصحنا)

[رشاد حج علي]

حلو الكلام وحلو النقاش مطلوب من السيد عابر والسيد رامي الاجابة سر صمود الليرة السورية رغم اقتصاد معدوم رواتب مدفوعة بالنسبة الي اكبر انجاز يحسب ويسجل للحكومة انو رغيف الخبز ١٥ ل س

[رشاد حج علي]

اقتباس: المشاركة الأصلية كتبت بواسطة المسار    يسعدلي مساك اخي ميشال الحايك (شو بتنصحنا)

مينو ميشال بحطو بجيبتي بتشارط يا اخي الغالي انو بكرا انت رح تجي لعندي ونشرب قهوة سوا

[عابر مجيب]

اقتباس: المشاركة الأصلية كتبت بواسطة رشاد حج علي    طيب خدونا عقد معرفتنا وخدونا بحلمكن شوية وفسرولنا لماذا لم تنهار الليرة السورية لحد الان اقتصاد معدوم حركة مشلولة رواتب مدفوعة دخل دولة معدوم تقريبا من جهة هاتف ماء كهرباء نفط

اذا فكرت تألف لعبة ، متل ضيفة وضيوف ،واذا قررت تعمل لعبة بياع وبياع
ما بعرف ليش مو ضيفة وصاحبة بيت ، وبياع وزبون ؟
هيك كان اسمها اللعبات ، ايام حكايات الحباب والشرير ، واحد حفر حفر تحنوا دياتو ، رفع راسو لربو كحلّوا عويناتو ، بس الشرير ، حفر حفر تكسروا دياتو ، رفع راسو لربو عمالو عويناتو .
وهيك تدرجا للعبة المونوبولي ، للي ما بيعرفها : لعبة فيها شراء أراضي وفنادق ، وفيها رسوم وضرائب وفيها ارباح من مرور الآخرين على اراضيك وفنادقك .
المصاري المستعملة ، انت المركزي تبعها ، الناس ببيعوا وبيشتروا ، بورق مطبوع ، بس ما بيشتروا شي خارج اللعبة . ممكن عند الجوار اللي بيعرفو أهلك يقبلوا يدينوك 5 ليرات مقابل أي قطعة نقدية على سبيل الدين المؤقت ، بس بعد بنايتين ما حدا بيعترف عليك . فحط السعر اللي بدك ياه .
لا إن رفعت السعر ولا إن خفضت السعر بيتغيير نوع الورق ولا بيتعدى كونه ورق مطبوع ، طالما ما حدا بيتعامل فيه غيرك وضمن لعبتك الخاصة .

[رشاد حج علي]

استاذي فهمنا نقطة ورق مطبوع بس حسب معلوماتي البسيطة هالورق المطبوع عم يدفعو حقو ذهب

[انس الحموي]

باعتقادي ان السعر لما وصل ل330 لم يكن بارادة وتخطيط من المركزي وبالفعل ليس سعر الصرف فقط خرج عن السيطرة كلشيء ازمة بالمازوت وسعر اللتر وصل لل250 ازمة بالبانزين وسعر اللتر وصل ل300 ازمة بالغاز وسعر الاسطوانه 3000 ازمة بالخبر وسعر الربطة الله اعلم ادش وصل ...ازمة بالكهرباء والماء ...ومع مرور الوقت أي مراقب بشوف الوضع اختلف كليا اصبح المازوت والبنزين والخبز متوفر وبكثرة ...اصبحت الكهرباء والماء متوفرة ...اصبح للمركزي مكان ودور ...باعتقادي بعد السنة الاولى والثانية من الازمة تم تشكيل خلايا لادارة الازمات على مختلف الاصعدة ويلي قادر يوفر كل احتياجات الناس لحد هلىء من طعام وادوية وانترنيت وموبايل وغاز ومازوت وبنزين وخبز على الرغم من وجود طرق مقطعه وعلى الرغم من كل يلي صار ويلي قدر يسير امور الجامعات وما توقفت يوم قادر يا شباب يدير امور الصرف ...اخيرا شباب لا تنسوا الدول الداعمة لسوريا وقت الجد سوريا مقاطعه صغيرة بالصين ولما العملاق النائم بيشخر مجرد شخر بدقائق بساوي سعر الليرة السورية ب50 ليرة ...فما بالكم بعشرات الحلفاء ...نصيحة اخيرة لكل انسان خسر من جراء تقلبات الصرف لا يعاند ويكابر الواقع الموجود على الاقل الان والذي من خلال المؤشرات التي طرحتها تدل على قدرته بالحفاظ ليس فقط على سعر الصرف تدل على قدرته بالذهاب الى ابعد من ذلك بكثير ...اللاعب الاكبر والاوحد الان هو المركزي الخاسر الاكبر من الان فصاعدا الحيتان والهوامير والمضاربين