صالة أسعار الدولار والذهب مقابل الليرة السورية ليوم الاثنين 21-10-2013

[samsamo]

اقتباس: المشاركة الأصلية كتبت بواسطة samsamo    أخت شيرين من واقع عملك بمجال بيع السيارات شو توقعاتك للأسعار بالأيام الجايي عم يقولو في قرارات مؤثرة لا سيما بخصوص فتح مجال استيراد الشرقي

ما بعرف أخت شيرين اذا شفتي هالسؤال ولا لاء

[fadl2]

البطاطا ب 175 - بندورة ب 165 - الخيار (من الخضار ) ب 200
ّ!!!!!!!!!!!!!!!!

يعني صار كيلو البطاطا بسعر دولار واحد فقط ..يابلاااش

[aasem]

اقتباس: المشاركة الأصلية كتبت بواسطة fadl2    كلامك صحيح 100% والله يسترنا من تنفيذ الافكار ..... المشككلة ان هنالك الان هبوط بسعر الدولار وارتفاع بشكل يومي باسعار كل شيء الا المواد الالكترونية يعني الواحد لازم ياكل موبايل ويشرب لابتوب .............. ولو بقي انخفاض الدولار وبقيت االاسعار كما هي بالارتفاع او حتى الثبات على ماهي من ارتفاع سيؤدي الى انهاء سياسية تخفيض سعر الدولار ورفعه كي يتناسب مع ارتفاع المواد التي من غير المعقول ان ترتفع اكثر من ذلك لانه وقتها تأكدوا انه لن يشتري احد شيء الا حاجته القليلة جدا جدا جدا .... ومن غير المعقول ايضا ان التجار تشتري الدولار بسعر 170 وتشتري بضاعة وتبيعها بالسوق على دولار 240 او اكثر هذا ليس ربح حلال للتجار هذا حرام وسرقة للناس التي تحتاج فقط مايجعلها تعيش كغيرها من البشر لكن يبقى السؤال لماذا المركزي سمح للدولار بالوصول الى 325 طالما ان الحل بيده كما نرى وما الفائدة من هبوط سعر الدولار مالم يرافقه هبوط بالمواد الاساسية وغيرها ... طبعا هبوط سعر الدولار شيء جيدا جدا جدا لكن مع هبوط للكل وليس فقط للدولار وبالتالي فان من مصلحة كل تاجر لايخاف الله ان يهبط الدولار اكثر واكثر ويبيع بضاعته على اسعار خيالية ........... لاحول ولاقوة الا بالله

انا بصراحة ما بحط كل الحق عالتجار لأن صار من المعروف أنو في تكاليف إضافية استجدت عليهن عداك عن المخاطرة الكبيرة

تخيل أنو سيارتين محملين ببضاعة من حماة للشام بقيمة 3 مليون سوري ببساطة اختفوا لا رجعت السيارات ولا البضاعة مع العلم انو عأساس كان مأمن الطريق

والتاجر لقاها شغلة واجت لعندو عالبارد المستريح انا ما عم حطلو عذر بس شغلة وصحتلو والحجة لرفع السعر جاهزة

و طالما أنو الدولة تاركة كل شي بدون رقابة ومحاسبة فهي بتحمل جزء كبير من هالشي ...يعني الي قادر يضبط سعر الصرف المفروض يقدر يضبط اسعار المواد

و بصراحة أنا حاسس أنو شغالة سياسة التجويع وقالها واحد من الشباب من يومين مومتذكر اسمو بصراحو أنو الي معو دولار مو مرتاح والي معو سوري مو مرتاح

وعقولتك أخي لا حول ولا قوة الا بالله
الله يفرجها عأهون سبب

[shereen]

اقتباس: المشاركة الأصلية كتبت بواسطة samsamo    ما بعرف أخت شيرين اذا شفتي هالسؤال ولا لاء

حقك عليي بس اخي انت ماذكرت باي محافظة عكل حال بالنسبة لدمشق بلشت تنزل اسعار السيارات بس العامل الاساسي هوة العجقة الشديدة وبالاخص عند تحت جسر الثورة عم توصل العجقة لعند المزة واحيانا ساعتين ونص وغلاء البنزين واحتراق السيارات نتيجة الهاون وغلاء الزيوت وقطع التبديل ادى وسوف يؤدي الى انخفاض قوي بخصوص القرارات سمعت انو المسروقة سيارتو بيقدر يجيب بدالها بدون جمارك مستعملة من اوروربا او لبنان يعني من خارج سوريا فاذا طبقوه لقرار عاول السنة فممكن ينزل سعر السيارات عكل حال فورة السيارات بالشهر 9 باكدلك انو انتهت والسيارات الى هبوط بس في تجار شارية سياراتها بالغالي اخر فترة ناطرة فرصة بيع ولو براسمال المال ليدعمو هبوط السيارات وترجع تطلع من جديد بس اجمالا من هللق لراس السنة هبوط جيد

[Ziad Sh]

اقتباس: المشاركة الأصلية كتبت بواسطة omar1964    من خلال متابعتي للمنتدى وجدت كنوز لكنها مطمورة في صفحاته و أقسامه الكثيرة و بحاجة للبحث استمتع بقرائتها و اتعلم منها الكثير مع الاسف أكثر الاعضاء ما بيدخلو غير على صالة الدولار , اكتر المدخلات بصالة الدولار مفيدة و لكن فائدتها تنتهي أحيانا بعد اقل من 24 ساعة .

هو الدولار بقيان الشغل الشاغل للناس
أغلب مستلزمات الحياة " إذا مو الكل " أرتبطت أسعارها بأسعار الدولار

مع العلم المنتدى غني بالمعلومات الاقتصادية منها و التعليمية
من جهتي تعلمت من المنتدى كتير أمور كنت أجلها تماما بأسواق الصرف

الحمد لله لهلئ كنت ناجح بتطبيق ما تعلمته

رغم أنه مشاركاتي محدودة بإبداء رأي بسيط بموضوع معين أو وضع سعر متأكد منه 100%
أتمنى الخير و التوفيق للجميع كل يوم و كل لحظة حتى و إن لم أذكر ذلك برد خاص أو منشور كما يفعل الغالبية

أتمنى جدا جدا جدا أن يكون الجميع متلزم بموضوع الصفحة فقط بوضع التحليلات المناسبة و اﻷسعار و الواقعية و إبداء الآراء حولها حتى لا يكون ما يزيد عن ذلك مضيعة للوقت " كما أفعل أنا اﻵن بإضاعة وقتكم "

و بشكر الجميع أعضاء و زوار

[العبدلله]

اقتباس: المشاركة الأصلية كتبت بواسطة shereen    حقك عليي بس اخي انت ماذكرت باي محافظة عكل حال بالنسبة لدمشق بلشت تنزل اسعار السيارات بس العامل الاساسي هوة العجقة الشديدة وبالاخص عند تحت جسر الثورة عم توصل العجقة لعند المزة واحيانا ساعتين ونص وغلاء البنزين واحتراق السيارات نتيجة الهاون وغلاء الزيوت وقطع التبديل ادى وسوف يؤدي الى انخفاض قوي بخصوص القرارات سمعت انو المسروقة سيارتو بيقدر يجيب بدالها بدون جمارك مستعملة من اوروربا او لبنان يعني من خارج سوريا فاذا طبقوه لقرار عاول السنة فممكن ينزل سعر السيارات عكل حال فورة السيارات بالشهر 9 باكدلك انو انتهت والسيارات الى هبوط بس في تجار شارية سياراتها بالغالي اخر فترة ناطرة فرصة بيع ولو براسمال المال ليدعمو هبوط السيارات وترجع تطلع من جديد بس اجمالا من هللق لراس السنة هبوط جيد

اذا سمحو يالي اسرقت سيارتو يجيب بدالها
الك احلى هدية
انسرقلي سيارتين ولسه باقي سنة اقساط عليهم

[aasem]

تفضلوا مشكورين يا سادة

صالة أسعار الدولار والذهب مقابل الليرة السورية ليوم الثلاثاء 22-10-2013