صالة أسعار الدولار والذهب مقابل الليرة السورية ليوم السبت 19-10-2013

[عابر مجيب]

اقتباس: المشاركة الأصلية كتبت بواسطة shereen    لا اخي بتتحسن اليرة اضافة لماذكرتو حضرتك لما الناس اللي برا ترجع واللي تهدمو بيوتهم ترجع تنبني والناس تسامح بعضها البعض ولوقتها قديش ممكن يوصل الدولار ماحدا بيعرف

والله يا شيرين انت حاسة بالشي بس مانك عارفة كيف تعبري عنو يا بنتي، او مو ماسكة مفصل المشكلة
الليرة سعرها محدد بس صاير فيها متل الحرام القصير ، يابتغطي كتافك وبتكشفي رجليكي يا بتغطي رجليكي وبتكشفي كتافك ، اللي صاير ان الدولة اعتمدت تثبيت سعر صرف الدولار والتعويض عن العجز من خلال زيادة الأسعار
مو هاد اللي قصدك تقوليه ؟
وبالتالي كل ما ثبت السعر أو نزل رح ترتفع الأسعار لتعدل الميزان .

[جوليت]

اقتباس: المشاركة الأصلية كتبت بواسطة عابر مجيب    والله يا شيرين انت حاسة بالشي بس مانك عارفة كيف تعبري عنو يا بنتي، او مو ماسكة مفصل المشكلة الليرة سعرها محدد بس صاير فيها متل الحرام القصير ، يابتغطي كتافك وبتكشفي رجليكي يا بتغطي رجليكي وبتكشفي كتافك ، اللي صاير ان الدولة اعتمدت تثبيت سعر صرف الدولار والتعويض عن العجز من خلال زيادة الأسعار مو هاد اللي قصدك تقوليه ؟ وبالتالي كل ما ثبت السعر أو نزل رح ترتفع الأسعار لتعدل الميزان .

هادا كلام موزون ومن شخص موزون كمان , بس أنا بدي حط الف وستمية خط تحت كلمة الدولة
الدولة يلي رفعت اسعارو باين متل عين الشمس :
مازووت ... بنزين ..... اتصالات .... غاز ) بقدار لايتعدى 3 اضعاف ,أو خلينا نقول سعرتهن على سعر الصرف تبعا 136 .....
ياجماعة السوق السودا للدولار نقلت اعمالا لسوق المواد .. وتأكد ان الدولة عم تتتدفع كتير لتنزل الدولار .... شوف بقا مين يلي عم يسرق هالدولار المنخفض وعم يحولو لبضاعة وعم يبيعا
عاساس
235
بعدين حركة البضائع عالمنافذ الحدودية مازادت بما ينعكس مع الخط الائتماني الايراني يعني بعدا هي هي والبيانات الجمركية هي هي لازيادة تذكر !!!!!!!!!!!!!!!!!!!!

[خليل حسو]

السلام عليكم
نحن جميعا نستفيد من المنتدى من تحليلات ونقل للأسعار
التحليلات قد نخطئ بها أو نصوب وقد نأخذ بها أو نتركها
نقل الأسعار ونقل الوقائع يجب أن يكون بكل صدق
وكل عضو في المنتدى يجب أن يقول (من بعد إذن الإدارة )
أقسم بالله العظيم أن أنقل الأسعار دون زيادة أو نقصان والله على ما أقول شهيد
وأسعد الله مساؤكم بكل خير

[عابر مجيب]

اقتباس: المشاركة الأصلية كتبت بواسطة روميو    يحرء حريشك يا زلمة او قلك يا رااااااااااااااجل بتضل تنتف بريشات هالقطيع طلعت انت جزء منو!!!!!!!!!!!؟؟؟؟؟؟؟؟

لا والله مانو من القطيع بس من باب الامعان بالسخرية ، هالرجل تحفة ، بس مغمور وما حدا حاسس بقيمتو . الله يوفقو .

[shereen]

اقتباس: المشاركة الأصلية كتبت بواسطة najm    الحالة بدها رواق كمان في ناس روجوا لل 500 وال 1000 وما ظبطت معهم والله يعين يلي رد عليهم برد بقول لو في شفافية وحرية تداول لتبين معنا حجم عمليات البيع والشراء يلي تم اليوم وكم هي الكمية وبأي المحافظات التي خفضت السعر منذ فترة بداية التداول الى الان من 172 الى 168

مساء الخير اخي نجم انو السعر يوصل لل 500 او ال 1000 امر طبيعي للغاية بسبب غياب جميع دخولات الدولة من الدولار هي باي دولة بالعالم بتصير يعني ليش كان اونصة الدهب ب 600 دولار وصارت ب1700 ونزلت لل 1300 طيب وقت طلعت من 600 لل 1700 كان في تدهور بالاقتصاد العالمي وبطالة ووقت نزلت لل 1300 كمان في مؤشرات ايجابية وعوامل اخرى طيب طلع الدولار لل 300 وهوة امر اقل من طبيعي و500 طبيعي ونزل لل 180 خلال فترة اسبوع طيب شو المؤشر اللي خلاه ينزل في تحسن على الارض ابدا الناس رجعت شي عبيوتها ابدا بالعكس مابتلاقي غير جزيرة لامبيدوسا في تصالح بين الدولة والمعارضة مستحيل في اعادة اعمار مستحيل طيب شو السبب انو نزل اشاعة ولعبة واللي شارك بهاللعبة جهل الناس واحساسهم انو لامور انتهت والازمة طويلة الامد الله اعلم ايمت بتنتها وهو حتما ليس قريبا نظرا لتطور الاوضاع ومشاركت الصرافين الكبار بلعبة المركزي غصب من عنهم وهللق مافي حركة للدولار بسبب انو مافي قدرة على شرائو وتصدقيا لكلامي انزل هللق على الحريقة ومعك 7 ملايين وقلهم بدي اقلبهم دولار مجرد فتت بكيس المصاري اعتبر حالك فتت بالخطر والكل خايف من التداول وكل التداول على ارقام بسيطة جدا يعني اليوم مثلا بدي اصرف 1300 دولار هادا الصراف الصغير اللي بعرفو بيقللي مافي سوري وبس لامنلهم زبون بدقللك بعدين بالمناسبة مو بيقولو المواد الغذائية واسعار دول الجوارالفروج بتركيا بيتراوح بين 6 لل 10 ليرات هادا المرتب يعني 850 ليرة وبلبنان عند هاوا تشيكن حق الفروج بين 4 و5 دولار يعني 700 ليرة طيب ليش عنا حقو 1800 ليرة وليش وقت كان الدولار ب250 كانت البطاطا ب 55 وهللق ب 185 علما انو الدولار ب 175 والبطاطا كلها استيراد وبسموها سبونتا وبنتذكر دائما كل مايصير تفجير او اي عملية او هاون او البلاوي اللي عم تنزل بالقصاع وبشعلان كانت ترفع الدولار 20 و30 ليرة باليوم طيب شو السبب هللق انو ثابت على الرغم من كل المصايب الجواب انو اغلب الصرافين الكبار انحبسو وهنن صحيح كانو حرامية بس كانو يقيمو صح سعر الدولار يعني مشان يطلع تدريجي مو فجاة 150 الى 300 الى 500 بغضون ايام

[العبدلله]

تعودنا ان نسأل البائع عن اي سلعة السؤال التالي:
( بأديش هي اليوم)
فاصبحت كلمة( اليوم )هي احد اسباب ارتفاع سعرها
لان كل يوم اصبح لها سعر

[nicolas]

اقتباس: المشاركة الأصلية كتبت بواسطة shereen    مساء الخير اخي نجم انو السعر يوصل لل 500 او ال 1000 امر طبيعي للغاية بسبب غياب جميع دخولات الدولة من الدولار هي باي دولة بالعالم بتصير يعني ليش كان اونصة الدهب ب 600 دولار وصارت ب1700 ونزلت لل 1300 طيب وقت طلعت من 600 لل 1700 كان في تدهور بالاقتصاد العالمي وبطالة ووقت نزلت لل 1300 كمان في مؤشرات ايجابية وعوامل اخرى طيب طلع الدولار لل 300 وهوة امر اقل من طبيعي و500 طبيعي ونزل لل 180 خلال فترة اسبوع طيب شو المؤشر اللي خلاه ينزل في تحسن على الارض ابدا الناس رجعت شي عبيوتها ابدا بالعكس مابتلاقي غير جزيرة لامبيدوسا في تصالح بين الدولة والمعارضة مستحيل في اعادة اعمار مستحيل طيب شو السبب انو نزل اشاعة ولعبة واللي شارك بهاللعبة جهل الناس واحساسهم انو لامور انتهت والازمة طويلة الامد الله اعلم ايمت بتنتها وهو حتما ليس قريبا نظرا لتطور الاوضاع ومشاركت الصرافين الكبار بلعبة المركزي غصب من عنهم وهللق مافي حركة للدولار بسبب انو مافي قدرة على شرائو وتصدقيا لكلامي انزل هللق على الحريقة ومعك 7 ملايين وقلهم بدي اقلبهم دولار مجرد فتت بكيس المصاري اعتبر حالك فتت بالخطر والكل خايف من التداول وكل التداول على ارقام بسيطة جدا يعني اليوم مثلا بدي اصرف 1300 دولار هادا الصراف الصغير اللي بعرفو بيقللي مافي سوري وبس لامنلهم زبون بدقللك بعدين بالمناسبة مو بيقولو المواد الغذائية واسعار دول الجوارالفروج بتركيا بيتراوح بين 6 لل 10 ليرات هادا المرتب يعني 850 ليرة وبلبنان عند هاوا تشيكن حق الفروج بين 4 و5 دولار يعني 700 ليرة طيب ليش عنا حقو 1800 ليرة وليش وقت كان الدولار ب250 كانت البطاطا ب 55 وهللق ب 185 علما انو الدولار ب 175 والبطاطا كلها استيراد وبسموها سبونتا وبنتذكر دائما كل مايصير تفجير او اي عملية او هاون او البلاوي اللي عم تنزل بالقصاع وبشعلان كانت ترفع الدولار 20 و30 ليرة باليوم طيب شو السبب هللق انو ثابت على الرغم من كل المصايب الجواب انو اغلب الصرافين الكبار انحبسو وهنن صحيح كانو حرامية بس كانو يقيمو صح سعر الدولار يعني مشان يطلع تدريجي مو فجاة 150 الى 300 الى 500 بغضون ايام

الفروج غالي لانو ما في تربية لانو المداجن كلها تضررت وفي تكلفة في النقل بسبب ارتفاع المخاطر ع الطرقات والحواجز تسبب تاخير بالوقت والدولار الو علاقة بالسياسة وبالافراج عن الارصدة بالخارج وبالاحتياطي عنا ومالو علاقة بالهاون وبالدمار اهم شي انو مايكون في حكي باتجاه واحد وانو كل واحد يعرف انو بيتحمل مسؤولية قرارو بنفسو والكلام يكون علمي صرف مو بطاطا ب185 لذلك لازم يطلع الدولار

[shereen]

اقتباس: المشاركة الأصلية كتبت بواسطة nicolas    الفروج غالي لانو ما في تربية لانو المداجن كلها تضررت وفي تكلفة في النقل بسبب ارتفاع المخاطر ع الطرقات والحواجز تسبب تاخير بالوقت والدولار الو علاقة بالسياسة وبالافراج عن الارصدة بالخارج وبالاحتياطي عنا ومالو علاقة بالهاون وبالدمار اهم شي انو مايكون في حكي باتجاه واحد وانو كل واحد يعرف انو بيتحمل مسؤولية قرارو بنفسو والكلام يكون علمي صرف مو بطاطا ب185 لذلك لازم يطلع الدولار

طيب مو عم يستوردوه من ايران والبرازيل كلو استيراد(والطريق من اللاذقية للشام مفتوح مية بالمية وامن ومتل ماعم تجي بطاطا بيجيبو فروج واي غرض مو موجود بيستوردوه من ايران والاسعار هنيك رخيصة ) طيب انت برايك وقت هاون او قصف من اي طرف كان مو بيدمر بنية تحتية من محولات كهربا لخطوط صرف صحي لحديد تسليح طيب هي مو بدو ينجاب بدتالها وبدو يندفع حقها بالدولار بعدين لعلمك اغلب ارصدة سوريا في الخارج من عام 2005 بعد اغتيال الحريري كلها صار باوربا الشرقية وروسيا وجنوب افريقيا يعني تجميد الارصدة مالو قيمة منوب

[shereen]

اقتباس: المشاركة الأصلية كتبت بواسطة عابر مجيب    والله يا شيرين انت حاسة بالشي بس مانك عارفة كيف تعبري عنو يا بنتي، او مو ماسكة مفصل المشكلة الليرة سعرها محدد بس صاير فيها متل الحرام القصير ، يابتغطي كتافك وبتكشفي رجليكي يا بتغطي رجليكي وبتكشفي كتافك ، اللي صاير ان الدولة اعتمدت تثبيت سعر صرف الدولار والتعويض عن العجز من خلال زيادة الأسعار مو هاد اللي قصدك تقوليه ؟ وبالتالي كل ما ثبت السعر أو نزل رح ترتفع الأسعار لتعدل الميزان .

والله يااستاذ عابر بعدك مافي حدا يعبر خبرتك بالسوق وبالكلام ماحدا بيقدر ينافسك عليها بس الدولة كانت عم تحط كل سبب الارتفاعات على طلعة الدولار وبس صار ينزل صارت ترفع بتناسب عكسي هادا جنن العالم ومثالك على الحرام القصير صحيح مية بالمية بس بالنهاية هالتصخم لح بينعكس عسعر الصرف اجلا او عاجلا

[nicolas]

اقتباس: المشاركة الأصلية كتبت بواسطة shereen    طيب مو عم يستوردوه من ايران والبرازيل كلو استيراد طيب انت برايك وقت هاون او قصف من اي طرف كان مو بيدمر بنية تحتية من محولات كهربا لخطوط صرف صحي لحديد تسليح طيب هي مو بدو ينجاب بدتالها وبدو يندفع حقها بالدولار بعدين لعلمك اغلب ارصدة سوريا في الخارج من عام 2005 بعد اغتيال الحريري كلها صار باوربا الشرقية وروسيا وجنوب افريقيا يعني تجميد الارصدة مالو قيمة منوب

طيب استوردو فروج مابدك يوصل ع حلب مثلا طرقات كتير مسكرة الحدود كلها واقفة وموضوع البنية التحتية معك انا بس اسعار العملات حسب خبير يتعلق بالودائع وهي مصر طلبت ودائع من الخليج مع انو اقتصادها لم يدمر متل سوريا ؟؟؟؟ والارصدة وين ماكانت بس يطلع قرار تجميد بتتجمد وبالنهاية هدفي انو اي شخص ينظر بطريقة حيادية ومنطقية مشان ما يتحمل خسائر لاحقا