الدولار في أسبوع - مناقشات ليوم الجمعة 19 -7 - 2013

[جوليت]

اقتباس: المشاركة الأصلية كتبت بواسطة goldman$    مساء الخير .. اليوم نزلت عالمحل خصوصي مشان اكتب كلمتين ردا على احد الاعضاء اول حرف من اسمو " جولييت " لانو من موبايل صعب اكتب رد ... مشاركة امبارح كان فيها تخويين للتجار اللي سببو ارتفاع الدولار لل 350 حسب كلامها ... بس سؤال صغير لما كان الدولار بمستويات ال 200 ليش المركزي ما تدخل من يومها ومنع الارتفاع ..؟؟ او على الاقل حافظ على الاستقرار اللي هو اهم من تنزيل الدولار ... السعر ارتفع شوي وما حدا حكى ولا كلمة .. وكان السوق بانتظار شهر رمضان الكريم والتجار بدها تشتري بضائع مشان تلحق زيادة الطلب بشهر رمضان وقتها المركزي اخد موقف المتفرج وترك التجار تشتري بالغالي ويرتفع سعر الدولار بزيادة الطلب ونقص العرض ...وقبلها بايام السيد ميالة حكى كلمة الها ابعاد كبيرة .. انو لولا المركزي كان وصل السعر الى 3000 ... وهيك لحتى وصلنا لل 350 ... وبعد ما التجار واصحاب المحلات امتلاؤوا بالبضائع وباسعار شاعلة .. دخل المركزي وبكل برودة اعصاب لينزل السعروكسرو حوالي 40% ... طيب هاد شو اسمو ... بس حدا يفهمني هالتصرف شو اسمو ... بيستنوا المريض ليوقف قلبوو .. بعدها بيعطوه صدمات كهربائية وبيرجعوه للحياة ... بينما الحل كان ممكن بحبتين اسبرين .. والشاطر بيقلك انو التاجر اشترى بالدولار وهي نزل الدولار لازم ينزل الاسعار .. التاجر اشترى دولار من الصرافيين ب مثلا 300 ليرة وراح دفع ثمن بضاعتو مضطر بالدولار او تم تقديرها عليه هديك الايام ب دولار 300 .. شو الله جابروا لهل التاجر يكسر من حق البضاعة ... احسن ما يبيعها بخسارة بيحطها بالمستودع وبيقفل عليها الباب ... وبالايام بترجع بتغلى ... وتحيااتي للجميع ..

مرحبا ... لا موهيك صار ابدا ابدا وحرام الظلم ليش البضائع القديمة يلي اشترتا التجار اخر سعر للدولار من الحكومة 228.5 ليش انباعت عاساس 350 و400 وفي شي بأكدلك بالوثائق والبيانات انباع عاساس 500 ليش .... خوفة من ارتفاع الدولار أكتر ... هالكلام مو موجه للتجار الصغار .. هادا الكلام موجه لتجار كبار معددودين عالاصابع

[عابر مجيب]

اقتباس: المشاركة الأصلية كتبت بواسطة najm    لم أتمكن من قراءة كل الحوارات لكني لاحظت بعض الانتقادات لعابر مجيب لذلك أقول : الزلمة حط توقعاته بصدق ورأيه ليس ملزما لأحد لأن يتقبله ويعمل به فالرجاء كما ذكرت سابقا عدم تحميل المسؤولية لأحد حتى أكبر المحللون الماليين يخطئون أحيانا والسوق ليس له دين . وسمعوا يا رجاااال شوارب عابر مجيب من شواربييي واذا شواربووو بتنعاب شواربي بتنعاب وهه أطع بت

تسلم حبيبي
المشكلة اني ما حطيت شي غلط ولا بكتب ارقام توقعات .
امشي عدل يحتار عدوك فيك، منغاظين من الواقع طيب غالط المنطق ليرتاحوا ؟
وأكتر اللي مزعوجين منو الأنسة شيرين الله يوفقها كيف ما دارت وجهها .
يا أخي يقولولها توقعك غلط ، ويحطوا توقعهم ، وبيكفي وانا ما بدخل
أما تصير اهانة وتجريح ما بقبل لا إلها ولا لأي حدا بالمنتدى .
المشكلة كل مرة بتحط رقم ، بيزبط وبيتفلفلوا

[Abo Marwan]

بالامس وصل سعر الدهب الكسر الى 5800لنصف ساعة فقط ثم صعد تدريجيا حتى وصل الى 7000 في اخر النهار

اليوم مفترض ان يكون سعر الدهب هو 7000 تقريبا حسب الدولار 190 ل.س

[najm]

الغريب أن أسعار السجائر أرتفعت بنسبة 50 % عن ما كانت عليه حين كان الدولار ب 150 ولم تنخفض ولو قليلا بعد تراجع السعر مع العلم محسوبة بالدولار !
وهي سلعة سريعة التصريف لمن يتحجج بأنه اشترى بالغالي
وأذكر بالثمانينات عندما كانت تغلق جميع منافذ التهريب يرتفع السعر بنفس اليوم وحين يعود التهريب يعود السعر بنفس اليوم
أي على مين عميضحكو ما عاد حدا شبع ...

[جوليت]

مشاركة سابقة لي : لن يتدخل المركزي قبل بلوغ القاع 168
الخميس تتدخل المركزي : واقع
مصدر موثوق: قدري جميل عاشام اف ام الساعة الخميس العاشرة مساءا
" سعر الدولار اليوم الخميس وصل للـ 160والسعر لازم ينزل للـ 100 ليرة سورية"

[Abo Marwan]

ارتفاع باونصة الدهب عالميا

[مجرد إنسان]

السلام عليكم

استاذنا عابر مجيب ألف مليون مبروك عقبال تصير مشرف معنا وتقص لسان الابواق وتريحنا شوي
هههههه

قال حلب مبارح محلولة مشاكلها ... اتصلت لهنيك قالولي خرباااانة بعكس ما نقرؤه هنا
وياريت ابو هيثم يعطينا صورة الواقع بحلب
بعدين لا تستعجلوا على رزقكن
انما الحرب سجال يوم لك وهاد اللي نحنا هلأ فيه بالنسبة للحكومة والمركزي بس في وراه يوم عليك وهنيك بنشوف شو رح يقولو
متل ما قالت شيرين في ناس بتفكر خلصت القصة لصالح احد الطرفين وعم الامان مو عارفين كر وفر

والديون اللي انحطت على سوريا مشان استمرار الحرب ستكون كارثية على سعر الصرف فيما بعد
اخد المركزي جولة وهو متوقع من بداية الشهر الفضيل وحصره للتحويلات بيده بس لسا فيه جولات ..
اكتر ما يضحك هو كم التطبيل والتزمير لانتصارات تافهة غيرمنظمة حتى بسعر الصرف
مفكرين انو امريكا عم تحارب مشان يقوى الدولار بسوريا ههههههه


الله يفرج على العباد والبلاد وبأسرع ما يمكن

[Soso11]

انا سجلت في هاد المنتدى لأنو عندي سؤال صغير

هلا الي بدوا يرسل لسوريا بالدولار بيقدر يستلم ولا

أمانة ألي يعرف لا يبخل
لأنو بدي أخد من اخوي 6000 دولار من السعودية

[najm]

لن ترتاح أمريكا واسرائيل الا عند الوقف على اطلال سوريا

[GoldMan$]

على فكرة ما حدا من الشباب يقرأ مشاركتي السابقة و يفتكرني مزعوج من نزلة الدولار اللئيم .. بالعكس انا استفدت كتير ..
اولا بعض بضاعة ب 250 وهلئ بدي اشتري بدالها مقدرة على 200
وثانيا رجع تحرك السوق بعد ما نزلت اسعار البضاعة بمحلي ....

بس انا بنزعج لما الناس بتحمل اخطاء لناس تانيين بدون تفكير او منطق ...