صالة أسعار صرف الدولار وباقي العملات ليوم الاثنين 15-7-2013

[omar1964]

اقتباس: المشاركة الأصلية كتبت بواسطة little_man    أكيد أخي نحن ما بنعرف شو بذهن المركزي بس اللي عبيتجكي فيه منو, بالنهاية المركزي عندو خطة و عبينفذها و هاد شي طبيعي في ضرر لناس و في نفع لناس هيك الدنيا

منيح نزل السعر و انشاء الله ينزل اكتر للـ 150

بس اي خطة عند المركزي؟؟؟
شو هالخطة العبقرية
حاكم المركزي بيقول عالتلفزيون بتاريخ 28 حزيران
ان السعر 200 عالي شوي بس يعني مقبول
و بيقول كمان ان ما عندو خطة استراتيجية متل ايام زمان.
بس متابعين السعر و ما رح يسمحوا يرتفع .

بيرتفع السعر خلال 10 ايام 100 ل س تقريبا لكل دولار
هلق اذا نزل السعر 60 ليرة أو حتى 70.. و بقت الزيادة 40
بدنا نشكروا و نقول عنو عبقري
خربت بيوت العالم بهالعشرة ايام
و الاسواق بدها اكتر من شهر اذا بقي سعر الصرف ثابت لترجع تتوازن و تستقر .

[عابر مجيب]

اقتباس: المشاركة الأصلية كتبت بواسطة dynamic pulse    عندي 3000 على 275 كنت بدي بيعهم ب260 بس سمعت كلمة أحد الأعضاء ومابعت اليوم هالعضو متخبي وموباين مين بدو يعوضلي خسارتي واااااع ياريتني بعتهم وإشتريت بيت بقدسيا وااااااع يالله هو ينزل والبيوت تطلع وأنا أخسر مو مشكلة كل عام وأنتو بخير

إِنَّ الْإِنسَانَ خُلِقَ هَلُوعاً , إِذَا مَسَّهُ الشَّرُّ جذوعا , وَإِذَا مَسَّهُ الْخَيْرُ مَنُوعاً

[little_man]

اقتباس: المشاركة الأصلية كتبت بواسطة omar1964    منيح نزل السعر و انشاء ينزل اكتر للـ 150 بس اي خطة عند المركزي؟؟؟ شو هالخطة العبقرية حاكم المركزي بيقول عالتلفزيون بتاريخ 28 حزيران ان السعر 200 عالي شوي بس يعني مقبول و بيقول كمان ان ما عندو خطة استراتيجية متل ايام زمان. بس متابعين السعر و ما رح يسمحوا يرتفع . بيرتفع السعر خلال 10 ايام 100 ل س تقريبا لكل دولار هلق اذا نزل السعر 60 ليرة أو حتى 70.. و بقت الزيادة 40 بدنا نشكروا و نقول عنو عبقري خربت بيوت العالم بهالعشرة ايام و الاسواق بدها اكتر من شهر اذا بقي سعر الصرف ثابت لترجع تتوازن و تستقر .

اهلين اخي عمر الحبيب,

بشكرك على تعليئك,

يا سيدي انسى كلمة "خطة"

المركزي براسو موال و عبيغنيهَََ!!!! لا تئلي لأ مشان ما نزعل من بعض.

بس شو هو الموال؟؟؟ لوين بودينا؟؟؟؟ هــــــــــــــــــــــــــــــاد سؤال المليون دولار

[ابو حمادة]

نداء الى الاخ dynamic pulse
يرجى التواصل لانني اريد دولار بالسعر الذي وضعه منذ الثالثة ظهرا

[لقماان]

مساء الخير للجميع ..
السعر يلي عميبيع فيو المركزي
تقريبا صاير نفس السعر يلي عميشتروا فيو الصرافين
بهالحالة بتوقع راح يحطوا حد للفساد يلي كان مستشري
وئت المركزي كان يبيع القطع وصل أحيانا الفرء ل 30 ليرة
و بالتالي كل موظفي المركزي و موظفي البنوك التجارية و شركات الصرافة
يجيبوا أقرباؤون و ياخدوا باسمون دولار
كانت تجارة مربحة ..
على هالأسعار ...ما عاد في هيك شي ...
و صار يلي بدو ينطر ساعتين على الدور مشان ياخد دولار
عمياخدوا للادخار ...
و بالتالي الخروج من الدورة النقدية.....
--------------------------

[عابر مجيب]

اقتباس: المشاركة الأصلية كتبت بواسطة expert    سؤال برسم خبراءنا المحترمين اخي باسل استاذ رامي استاذ عابر استاذ غسان ومن عنده تحليل اقتصادي ما هو السعر المستهدف لليرة من قبل المركزي والذي سيستمر بالتدخل حتى الوصول اليه

لا سعر مستهدف ولاهم يحزنون ، سياسة بمنتهى الصفاقة والبلطجة ، سياسة احتكار وتلاعب بالسوق ، والهدف تخويف الزبائن ( المواطنين ) وليظنوا أن المركزي عندما يريد يفعل .
هل هنالك مبدأ حتى لا أخلاقي ولا انساني ولا فيه احترام للذات ، نعم هل هنالك هكذا مبدأ او قاعدة علمية واقتصادية ، يتدخل فيها البنك المركزي ويبيع في يوم بسعر ، ويرغم المشترون على الحضور والشراء ، ثم وبكل وقاحة يبيع نفس الصنف في اليوم التالي وبسعر أرخص !!!!!
لك العمى غابة ولا شو هاد ؟
لأ وبعد بكرا أرخص .
من الغباء الاستخفاف بعقول الزبائن فلن ينتظروا للغد ليشتروا ارخص
سيشترون اليوم بالغالي وبكرا بأرخص وبعده كمان ومارح يضل ولا دولار
بس اللي مارح يشتروا واللي رح يبيعوا هنن المستهدفين وهم اخلص المواطنين واكثرهم التزاما وما بينخاف منهم لا بينضجوا ولا بيتعلموا ، ومو من مصلحة الدولة تموتهم من الجوع ، مابيبقالها محب . بس هدول مشكلتهم كسالى ومومتابعين وموعارفين شو صاير .
أحلى كذبه وقحة قال شو : خايفين على مشاعر الزباين ولذلك عم ينزلوا بالتدريج !
الحمد لله المشاعر النفسية جيدة ، والمعنويات عالية ، وصامدون ضد الجلطة . تمسحوا
فخدوا راحتكون ونزلوه للسبعين فورا بلا تدرج ، عيب بقا !

[alternative]

اخي ابو محمد دايناميك
اديش سكر الدولار
مركز السوق

[BISO]

يلي كان مفكر انو بنزلة الدولار رح ترخص الاسعار للاسف هو غلطان في نفوس ضعيفة وذليلة استخدمت الدولار حجة لحتى تغلي الاسعار وطبعا لما ينزل بقلك اشتريت بالغالي

حسبنا الله ونعم الوكيل

[omar1964]

اقتباس: المشاركة الأصلية كتبت بواسطة goldman$    المعادلة اللي ما عم افهمها ... بضاعتي نزلت اسعارها اليوم لانو الالكترونيات كلها مقدرة على الدوررار طيب ليش اللبنة والجبنة والزيت وخلافوا لسى عم ترتفع الاسعار ... بيقللك التاجر انا لما اشتريت بضاعتي حاسبوني بالدولار ولما اشتريت المضروب على قلبوو كان ب 305 وانا هيك واقفة علي البضاعة وما بقدر نزل الاسعار بخسر فيهم ... دووووووووووووووووويخة ... وما حا ل حا وما حا بحب حا

اخي العزيز
انا لاحظت بالاسبوع الماضي لما طلع الدولار للـ 300
صار طلب عالبضاعة بشكل كبير كتير
انا عم احكي عالبضاعة الزراعية و الالبان و الاجبان
كيف ما بعرف بس المسألة معلقة بعضها و مشربكة كمان
تصور... ارتفع اليانسون للـ 750 ليرة بالجملة
و الكمون للـ 500
و الزيت للـ 13000

و بالنسبة لارتفاع مشتقات الحليب اللبن و الجبن ..
السنة كان الانتاج ضعيف كتير على ما يبدو اوضاع الحرب نشفت ضرع البقرة و النعجة..!
الموسم الآن على آخره بالاضافة لشهر رمضان الكريم بيزداد الطلب عليها ..و كل هي اسباب بترفع السعر..
.

[عابر مجيب]

اقتباس: المشاركة الأصلية كتبت بواسطة goldman$    المعادلة اللي ما عم افهمها ... بضاعتي نزلت اسعارها اليوم لانو الالكترونيات كلها مقدرة على الدوررار طيب ليش اللبنة والجبنة والزيت وخلافوا لسى عم ترتفع الاسعار ... بيقللك التاجر انا لما اشتريت بضاعتي حاسبوني بالدولار ولما اشتريت المضروب على قلبوو كان ب 305 وانا هيك واقفة علي البضاعة وما بقدر نزل الاسعار بخسر فيهم ... دووووووووووووووووويخة ... وما حا ل حا وما حا بحب حا

عم تقارن تأثير الخبر على العاملين بالتكنولوجيا الحديثة مع ناس عايشين على العتمة ، وما بيوصلهم الخبر . ممكن كمان يكونوا بيفهموا أكتر من اللي عاملين حالهم فهمانين وحاملين شهادات ، ومنتظرين الموجة الطالعة .