صالون سيرياستوكس للعطلات(4-5-6-7)-تموز 2013

[عابر مجيب]

اقتباس: المشاركة الأصلية كتبت بواسطة رندة

أول بناء على اليسار ، بيت الحجار
البناء التالي مدرستي ، انشأها الفرنسيون الأشرار ، بس طالعونا زلم ، طبعا اممناها نكاية بهم وصارت مسخرة .
على اليمين باتجاه الأعلى السفارة الأمريكية

يسعد مساءك ام معاذ
يسعد مساء عائلتك الصغيرة
ومساء عائلة سيرياستوك الكبيرة

[محمد عامر النجار]

اقتباس: المشاركة الأصلية كتبت بواسطة mouayad    يا شباب اتمنى ما حدا يفهمني او يفهم حدا من الإدارة غلط المشكلة ولا اقصد احد على الاطلاق \ مجنون بيرمي حجر بالبير بده عشرة عاقلين ليعرفوا يطالعوه \ يعني بيكتب واحد مشاركة معينة سياسية او فيها تلميح لشيء معين منقول عادي ومنمشيها بس بعدها بتعلق وهاد مع هالشي وهاد ضده وهاد مدري شو وهاد بيبلش يقترح وكأنه هو اللذي يملك الحل وغالبية من يكتب يكتب باسم وهمي ومن مكان مجهول بالداخل او الخارج ولا نعرف من هو وما هدفه ؟؟ وبالاخر الموقع وادارته هنن اللي بياكلوها ؟؟؟؟؟؟؟؟؟؟؟؟؟؟؟؟؟؟؟؟ والله ولي الأمر والتدبير اما انا ليس لي احقاد مع احد او صوفة حدا حمرا عندي لأن الكل احبائي و اصدقائي

مو صحيح لو ما كانت صوفتي حمرة كنتوا حطيتولي اسمي بالأحمر احسن ما مزرقّ من شهور مثل اللي آكل بكس علي عينو طيب اخضر اصفر شو ماكان الا الأزرق
والا بولول وبلم عليكون الجيران و ما بعرف شو بيعملوا اذا فاقوا بهالوقت هنن اسمهم لحالو بخووووف

[عابر مجيب]

في المشاركة السابقة جمعت بين موضوعين مختلفين وأنا آسف
ربما هنالك من يريد الشكر على الشق الأخير محرجا
بينما لا يؤيد الشق الأول
خلص يخلي الشكر هون

[غسان]

يا جبل اللي بعيد خلفك حبايبنا
بتموج متل العيد و همك متعبنا
إشتقنا عالمواعيد بكينا تعذبنا
يا جبل اللي بعيد قول لحبايبنا
بعدو الحبايب بيعدو بعدو الحبايب
عجبل عالي بيعدو و القلب دايب
بعدو الحبايب بيعدو بيعدو
و سألت باب الدار وين الناس و أهل الدار
قالي الهجر غدار تركوا البيت طفيوا النار
شوفي الموائد رمدوا رمدوا رمدوا
دبلو الزهور و بين هالسجرات في طيرين
عم يسألو لوين هالأصحاب راحو لوين
و ع ليالي حلوي اتنهدوا اتنهدوا اتنهدوا
قلتلهم يا مين عالحلوين يسأل مين
ما تذكروا و تخمين صارو هيك غدارين
مع غيرنا رح يسعدوا يسعدوا يسعدوا

الرحابنة

[غسان]

بكاء القلم وسحر الكلمات


عصفورة الشجن


أنا يا عصفورة الشجن ........ مثل عينيكِ بلا وطن

بي كما بالطفل تسرقه......... أول الليل يد الوسن

واغتراب بي وبي فرح .........كارتحال البحر بالسفن

أنا لا ارض ولا سكن .......... أنا عيناك هما سكني

أنا يا عصفورة الشجن ........... أنا عيناك هما سكنى

راجع من صوب أغنية............ يا زمانا ضاع في الزمن

صوتها يبكي فاحمله ........... بين زهر الصمت والوهن

من حدود الأمس يا حلماً............. زارني طيراً على غصنِ

أيُّ وهم أنت عشت به.......... كنت في البال ولم تكن

أنا يا عصفورة الشجن ......... مثل عينيك بلا وطن

أنا لا ارض ولا سكن............ أنا عيناك هما سكني

هذه الرائعة الشعرية التي تغنت بها فيروز فألبستها حلةً وجمالاً

وعمقاً حسياً يجهل من نظمها ولكن يعتقد بأنها لرجل دين يدعى

العلامة السيد علي محمد جواد بدر الدين من لبنان

و تحديداً من أبناء الجنوب قضاء النبطية ويقال بأنه آثر عدم

نسبها له لمكانته الدينية كإمام للبلدة التي يقطنها في ذلك الحين .

[omar1964]

اقتباس: المشاركة الأصلية كتبت بواسطة mouayad    يا شباب اتمنى ما حدا يفهمني او يفهم حدا من الإدارة غلط المشكلة ولا اقصد احد على الاطلاق \ مجنون بيرمي حجر بالبير بده عشرة عاقلين ليعرفوا يطالعوه \ يعني بيكتب واحد مشاركة معينة سياسية او فيها تلميح لشيء معين منقول عادي ومنمشيها بس بعدها بتعلق وهاد مع هالشي وهاد ضده وهاد مدري شو وهاد بيبلش يقترح وكأنه هو اللذي يملك الحل وغالبية من يكتب يكتب باسم وهمي ومن مكان مجهول بالداخل او الخارج ولا نعرف من هو وما هدفه ؟؟ وبالاخر الموقع وادارته هنن اللي بياكلوها ؟؟؟؟؟؟؟؟؟؟؟؟؟؟؟؟؟؟؟؟ والله ولي الأمر والتدبير اما انا ليس لي احقاد مع احد او صوفة حدا حمرا عندي لأن الكل احبائي و اصدقائي

اخي الكريم ابو عمر
الحق معك 100%
و الله يعينكم و يساعدكم.
الاعضاء ما شاء الله كتار
اكتر من 5000 ( دقو عالخشب )
و دائما في شي 100 عضو على الاقل مسجلين حضور و عم يكتبوا ..
و بعضنا ما بينتبه احيانا و بيقرأ شو منشور بيكرر نفس المشاركة
نسخ و لصق .
و البعض بدو يوصل رسالة .... و خاصة بصالة الدولار

و أنا عن نفسي أعتذر عن بعض المشاركات التي تحمل طابع سياسي....
و بوعدك اني رح التزم بروح القانون و ضل انقل و اكتب عن الحرية و الاستبداد ...!!
ما بتزبط هيك ؟؟؟

[عابر مجيب]

كتب ابو عناد في صالة الدولار اللي تسكرت

اما الكبار فلا يبيعون تحت 230 - 235 للمبالغ الكبيرة .

سيد عابر ممكن توضحلنا الجملة بلاحمر يعني هل السعر المبيع وصل فعلياً لل 230-235 للمبالغ الكبير ...و اذا صح الكلام مو لازم يكون العكس المبالغ الصغيرة غالية و المبالغ الكبيرة هي الأرخص

الصرافين الصغار حرصا على تدوير راسمالهم عدة مرات باليوم ، يبيعون بأي سعر يحقق لهم ربحا وبصرف النظر عن السعر الحقيقي ، طالما ان هنالك من يبيعهم بأرخص .
وهم يرغبون بتعدد المشترين والبائعين ، ولو باعوا بسعر غالي سيخاف الباعة
هاد التكتيك تعلمتو من واحد ما بتشتريه بنص ليرة
قلي الدولارات بخليهم عندي ولا ببيع بشو ماكان ؟
من كان مليئا الله يتم عليه ، إذا ما توفرلو ضربه محرزة ، ما بدو يزفر ايديه ، والمبلغ الكبير صعب تعويضه في نفس اليوم لذلك يضع له هامش .
الحق معك هنالك تناقض مع المنطق ولكن اضطراب السوق والارتفاعات المتواصلة وربما تصبح قفزات ، تجعل قلة الشغل شغل ، فيا بيعة منيحة مضمونه يا بلاها .
صارت مبلوعة ؟

[أحمد الأحمد]

اقتباس: المشاركة الأصلية كتبت بواسطة غسان    يا جبل اللي بعيد خلفك حبايبنا بتموج متل العيد و همك متعبنا إشتقنا عالمواعيد بكينا تعذبنا يا جبل اللي بعيد قول لحبايبنا بعدو الحبايب بيعدو بعدو الحبايب عجبل عالي بيعدو و القلب دايب بعدو الحبايب بيعدو بيعدو و سألت باب الدار وين الناس و أهل الدار قالي الهجر غدار تركوا البيت طفيوا النار شوفي الموائد رمدوا رمدوا رمدوا دبلو الزهور و بين هالسجرات في طيرين عم يسألو لوين هالأصحاب راحو لوين و ع ليالي حلوي اتنهدوا اتنهدوا اتنهدوا قلتلهم يا مين عالحلوين يسأل مين ما تذكروا و تخمين صارو هيك غدارين مع غيرنا رح يسعدوا يسعدوا يسعدوا الرحابنة

يسعد أوقاتكم جميعا وان شاء الله تكونوا مبسوطين دوما

[أحمد الأحمد]

اقتباس: المشاركة الأصلية كتبت بواسطة عابر مجيب    كتب ابو عناد في صالة الدولار اللي تسكرت اما الكبار فلا يبيعون تحت 230 - 235 للمبالغ الكبيرة . سيد عابر ممكن توضحلنا الجملة بلاحمر يعني هل السعر المبيع وصل فعلياً لل 230-235 للمبالغ الكبير ...و اذا صح الكلام مو لازم يكون العكس المبالغ الصغيرة غالية و المبالغ الكبيرة هي الأرخص الصرافين الصغار حرصا على تدوير راسمالهم عدة مرات باليوم ، يبيعون بأي سعر يحقق لهم ربحا وبصرف النظر عن السعر الحقيقي ، طالما ان هنالك من يبيعهم بأرخص . وهم يرغبون بتعدد المشترين والبائعين ، ولو باعوا بسعر غالي سيخاف الباعة هاد التكتيك تعلمتو من واحد ما بتشتريه بنص ليرة قلي الدولارات بخليهم عندي ولا ببيع بشو ماكان ؟ من كان مليئا الله يتم عليه ، إذا ما توفرلو ضربه محرزة ، ما بدو يزفر ايديه ، والمبلغ الكبير صعب تعويضه في نفس اليوم لذلك يضع له هامش . الحق معك هنالك تناقض مع المنطق ولكن اضطراب السوق والارتفاعات المتواصلة وربما تصبح قفزات ، تجعل قلة الشغل شغل ، فيا بيعة منيحة مضمونه يا بلاها . صارت مبلوعة ؟

أخي عابر مجيب عجبني كتير ردك على مشاركة شيرين
بس هلأ هيه عم تئول اللبن لونه أسود ؟ شو رأيك

[عابر مجيب]

اقتباس: المشاركة الأصلية كتبت بواسطة غسان    بكاء القلم وسحر الكلمات عصفورة الشجن أنا يا عصفورة الشجن ........ مثل عينيكِ بلا وطن بي كما بالطفل تسرقه......... أول الليل يد الوسن واغتراب بي وبي فرح .........كارتحال البحر بالسفن أنا لا ارض ولا سكن .......... أنا عيناك هما سكني أنا يا عصفورة الشجن ........... أنا عيناك هما سكنى راجع من صوب أغنية............ يا زمانا ضاع في الزمن صوتها يبكي فاحمله ........... بين زهر الصمت والوهن من حدود الأمس يا حلماً............. زارني طيراً على غصنِ أيُّ وهم أنت عشت به.......... كنت في البال ولم تكن أنا يا عصفورة الشجن ......... مثل عينيك بلا وطن أنا لا ارض ولا سكن............ أنا عيناك هما سكني هذه الرائعة الشعرية التي تغنت بها فيروز فألبستها حلةً وجمالاً وعمقاً حسياً يجهل من نظمها ولكن يعتقد بأنها لرجل دين يدعى العلامة السيد علي محمد جواد بدر الدين من لبنان و تحديداً من أبناء الجنوب قضاء النبطية ويقال بأنه آثر عدم نسبها له لمكانته الدينية كإمام للبلدة التي يقطنها في ذلك الحين .

يا ويلو
وأكيد حاطط مصاريه بالبنك وعم يقبض (فايظ)
وبيسألوه بقولهم حرام الربا