صالون سيرياستوكس للعطلات(28-29-30 -31)-آذار2013

[عابر مجيب]

قصص غريبة عن مطار دمشق
والأغرب مطار بلاي ستيشن
شو المجسمات عن حقا ؟!!!!

[عابر مجيب]

اقتباس: المشاركة الأصلية كتبت بواسطة om adnan    بعض الأوطان هكذا : الدخول إليه صعب ,الخروج منه صعب ,البقاء فيه صعب. وليس لك وطن سواه. مريد البرغوثي

صرنا نشوف الفلسطينيين مترفين ، بيتعاملوا معاملة احسن من العراقيين بالعراق ، ومتل السوريين بسوريا ومتل المصريين بمصر ، وبلبنان لهم عزوة وعاملين لهم حساب منشان يتنفعوا على قفاهم باسم الصمود ( لا تقرفوا ) بالخليج ما كتير بعرف عنهم بس مابيبدلو شقة بالفجيرة ، مو الدوحة ، نعم ما بيبدلوها بساحة العباسيين وما حولها .
السوريين بالعراق والأردن ولبنان تعاملو معاملة ..... بلاها

[لقماان]

صباح الخير
اليوم جمعة و فيو ساعة مباركة...
شو رأيكون ندعي فيا
الله يفرج و يفك أسر والدتوا لرامي العطار....
وباذن الله بتصادف ساعة الاجابة ....

[عابر مجيب]

مشروع city card.. محافظة دمشق تتكفل بالتمويل..والاتصالات تشترط آلية لمراقبة الدفع
بعد حوالي أربعة أشهر سيصبح بمقدور المواطن أن يحصل على خدمات تقدمها الدولة بموجب بطاقة الكترونية شاملة، ومن ضمنها ما يحصل عليه من دعم نقدي ومادي يشمل العديد من المواد الأساسية، ومن ضمنها مخصصاته من المشتقات النفطية...ألخ ألخ ألخ


أول ما شطح نطح
هون مشكلتنا ، ما حدا بده يبني على السابق ، كل واحد بده يقول انا
يا أخي قبل ما تبتدع المحافظة طرق جديدة على نظرية اخدمني وأنا سيدك وتجمع ثمن بطاقات بينما أغلب شبكات البنوك معطلة والجامعة الافتراضية الالكترونية صارت يدوية بحالات كتيرة ، النت شوفة عينكم .
يعني الواحد بيصلح وبعدين بيبتدع مو بيهد وبيعمر من جديد ، لأنو ما ممكن يترك الناس بالشارع لبين ما يخلص البناء الجديد .
لسا ما ظابطين بونات السكر والرز ، بلاهن هدول

هاد منظر بيوحي بالأمل اللي بنشوفو عند الجوازات ؟
ياسيدي بس نشوف غياب الفوضى عند الجوازات ممكن وقتها نقول رح تشتغل البطاقات ، بس يلاقولها اسم عربي بيكون أرتب وأظرف .

[عابر مجيب]

رب ضارة نافعة ، شلون ؟
بشر باحثون اقتصاديون ، رفضوا الافصاح عن هويتهم ، لا تحرجوني وتسألوا عنهم .
نعم بشروا بالارتفاع الفعلي لمعدل دخل الفرد يوميا في سوريا ، فمع توقف نمو الناتج المحلي نجد بالتالي أن الناتج القومي المتوقف يمكن قسمته كل يوم على عدد اقل من المواطنين ، بسبب تناقص الأعداد يوميا . وبما ان العدد هو المقسوم عليه ( ناس بيقولوبسط ومقام وناس بيقولو صورة ومخرج ) بسبب تنوع ثقافات الدول العربية . نعم هاد شو مابدكم سموه اللي هو مقسوم عليه عم بينقص كل يوم بين قتيل ومفقود بمتوسط 125 شخص منذ فترة طويلة من استمرار الأزمة . وبالتالي الناتج القومي اللي هو البسط لأنو قاعد مبسوط بالعلية في الكسر اللي بيصعب كتابتو هون ، نعم النتيجة دائما بارتفاع بس ما بعرف ليش ما بيعمل تفاؤل ! يعني في خلل بالنظريات الاقتصادية ؟! المفروض نمو دخل الفرد يعمل رفاهية مو اكل هوا .

[لقماان]

هي متل وئت بيموت بعيد من هونة رب العائلة
بتلائي الكل عميبكي ....
بس بنفس الوئت اجتون ورثة مرتبة اذا كان الميت الله يرحموا من جماعة اليد المغلولة الى العنق......!!!

[ميرا]

في لحظة تشعر أنك شخص بهذا العالم .. بينما يوجد شخص في العالم يشعر أنك العالم بأسره
كل صباح وكل ساعة وكل دقيقة وكل ثانية والجميع بخير
ربنا ساعدنا أن لاننظر الى معصيتنا بأنها صغيرة بل نفكر من نعصي !!!

[ميرا]

شكرا" جزيلا" يا أخ عابر مجيب على مداخلتك أول أمس واعذرني للتأخير ، بالحقيقة دعاؤك أثلج قلبي ، لك مني أجمل الامنيات بتحقيق كل ماتصبو اليه أوتحلم به .
انا أعمل واجبي مع وحيدي لانه نبتة غضة اذا لم أقومها سوف تميل مع الريح وقد تكسر ....
لا يهمني أن يكون طبيبا" اومهندسا" او ..... مايهمني أن يكون رجلا" بكل ما تعنيه هذه الكلمة من معاني سامية وأن يكون ناجحا في حياته .... اتمنى أن يقال له " يسلم البطن اللي حملك "

[غسان]

اقتباس: المشاركة الأصلية كتبت بواسطة ميرا    شكرا" جزيلا" يا أخ عابر مجيب على مداخلتك أول أمس واعذرني للتأخير ، بالحقيقة دعاؤك أثلج قلبي ، لك مني أجمل الامنيات بتحقيق كل ماتصبو اليه أوتحلم به . انا أعمل واجبي مع وحيدي لانه نبتة غضة اذا لم أقومها سوف تميل مع الريح وقد تكسر .... لا يهمني أن يكون طبيبا" اومهندسا" او ..... مايهمني أن يكون رجلا" بكل ما تعنيه هذه الكلمة من معاني سامية وأن يكون ناجحا في حياته .... اتمنى أن يقال له " يسلم البطن اللي حملك "

الله كريم ....
ان شاء الله بتفرحي فيه وتشوفي متل مابدك واحسن
ومن زرع حصد ....

[Ship World]

صباح الخير و الامل بعودة الامان و المحبة الى ربوع بلدنا الحبيب