سعر صرف الدولار مقابل الليرة 27-3-2012 بالسوق السوداء

[zinarez]

شيء لايصدّق... السعر غير ثابت ....
الرجاء سعر حلب

[محمد قصاب باشي]

يشاع كثيراً بان ازمة الكهرباء مفتعلة لكي يجبرو الناس ان يشتروا مولدات الكهرباء التي استوردتها الدولة او ازلامها بشكل غير مباشر
استوردتها بكميات كبيرة وباسعار صرف متدنية وبعدها صار يقطعو الكهرباء قصداً لكي يشتري المواطن المولدة بسعر مرتفع جداً جداً بسبب الازمة الكهربائيه وارتفاع سعر الصرف طبعا كل المكاسب المادية رجعت بمجملها للدولة لمواجهة العقوبات ولهثان الناس لشراء الدولار
وهيك صار المواطن المعارض خاصتاً يدعم الليرة والدولة وهو عم يضحك ويلعب
*

[NetPro]

اقتباس: المشاركة الأصلية كتبت بواسطة shereen    ****

طبعاً بغض النظر عن مداخلتك السياسية الي فايتة بالحيط برأيي (طبعاً رأيي يمكن يكون فايت بالحيط بنظر البعض) بس مو مشكلة.
أختي أنا عطيت رأيي عدة مرات بس يبدو حضرتك ما قريتيه ... والموضوع واضح وضوح الشمس بالنسبة لي
برجع بقلك يمكن أنا فايت بالحيط ... بس هذا رأيي لحد اليوم ولا اتوقع تغيير قريب لأني درست القصة منيح قبل ما اقتنع فيه

رأيي الإقتصاد تضرر ومشي الحال (للأسف)
موارد الدولار بشكل رئيسي هي سياحة 0= نفط = 0
بالمقابل يوجد مصاريف أساسية بالدولار لسوريا + نضيف على ذلك مصروف حملة عسكرية ومصاريف مازوت وأسلحة و الخ.
شو بتكون النتيجة ؟
النتيجة برأيي إذا افترضنا خلصت بكرا (الثورة - الانتفاضة - الأزمة ... سمها ما شئت) الدولار لن يعود كما كان
هلأ ممكن تسأليني طيب كيف اليوم نزل للـ 72 جوابي:
والله ما بعرف بس بقدر بالمقابل إسألك كيف المرة الماضية بيومين طلع للـ 100؟
أنا بشوف أنه هي مضاربة وتذبذب آني ولكن المسار العام واضح

[Ahmad Hamdi AlSharif]

اقتباس: المشاركة الأصلية كتبت بواسطة a_khateeb82    ولا يهمك اخ أحمد وانا بفيدك باي سعر عن موبايلات النوكيا وباسعار الجملة ... بس طول بالك اليوم نزلت اسعار الموبايلات شوي وبكرا الصبح كمان في نزلة نسبية مقبولة بس تجار الجملة ما بينزلوا السعر بسرعة بسبب تذبذب السعر وبنتظروا يومين قبل ما يفكروا ينزلوا الاسعار

فضلت علينا ياغالي على كل حال شكلي انا قررت ساوي واخيرا توقيع ئلي بالمنتدى وهو معا لذبح التجار الحرمية في كل مكان

[Trader]

اقتباس: المشاركة الأصلية كتبت بواسطة hakeem    المواطن لايستفيد حاليا من انخفاض الدولار الا في حال عودة أسعار السلع الاستهلاكية إلى سابق عهدها أو قريب من ذلك مثال (حفوضات الأطفال ارتفعت من 160 لل 250 ومازالت ترتفع ) مع أنها كانت من اسبوع ب 230..!!!!!! أذكر ذلك كمثال طبعا والأمثلة كثيرة...محارم معلبات إلخ........

بالنسبة لأسعار المواد الموضوع معقد بعض الشيء فالمشكلة الان ان هبوط الدولار وعدم استقراره يؤدي الى إحجام كثير من التجار عن استيراد البضائع خوفا من هبوط الدولار عن السعر الذي اشتروا به اضافة الى صعوبات الشراء الحالية و مشاكل الشحن و السفر وغيرها*
كل ذلك يؤدي الى ضعف العرض من المواد ونقصها في السوق مما يؤدي الى ارتفاع سعرها لان الطلب سيكون اكبر من العرض . فمن الممكن ان نرى ارتفاع بعض المواد بغض النظر عن سعر الدولار ، حيث ان ارتفاع السعر ناجم عن قلة العرض وليس بسبب سعر الصرف . والله يكون مع العالم اللي يادوب مشية حالها*

[نضال العلي]

كما أرى أناساً يهمس لها عقلها الباطني بالبيع اليوم قبل غداَ لتفادي نقطة السعر 60-65 ، أرى آخرون يعدون العدة للإنقضاض و الشراء بشراهة عند نفس السعر 60-65 .
فياهل ترى من سيكون صائباً و من سيكون متحسراً؟

[shereen]

اقتباس: المشاركة الأصلية كتبت بواسطة alhamwi4invest    اخت شيرين باللهِ جربي بيعي الكمية يلي عندك شوفي ما بيطلع الدولار وقولي أكرم قال

ههههههههههههه والله خايفة هيك يصير لانو كلو بالعكس اخي اكرم

[GoldMan$]

اقتباس: المشاركة الأصلية كتبت بواسطة نضال العلي    كما أرى أناساً يهمس لها عقلها الباطني بالبيع اليوم قبل غداَ لتفادي نقطة السعر 60-65 ، أرى آخرون يعدون العدة للإنقضاض و الشراء بشراهة عند نفس السعر 60-65 . فياهل ترى من سيكون صائباً و من سيكون متحسراً؟

بالفعل كلامك صحيح ...
ناس بتنصحني ان ابيع واستفاد من الفرق اللي ربحتوه
وناس بتقلي ان رح يطلع السعر ..
الفكرة انا شاري برخيص بس بالاساس انا ما شاري لحتى تاجر فيهم

بس انا ما مقتنع انو بيع لانو قبل ما اكتب المشاركة بثواني فقعت فاتوشة قرب مكتبي شكلها كتير صغيرة لدرجة انو نطيت من على الكرسي بس عادي طلعت من الشباك ما شفت شي رجعت كملت شغلي

[Ahmad Hamdi AlSharif]

اقتباس: المشاركة الأصلية كتبت بواسطة نضال العلي    كما أرى أناساً يهمس لها عقلها الباطني بالبيع اليوم قبل غداَ لتفادي نقطة السعر 60-65 ، أرى آخرون يعدون العدة للإنقضاض و الشراء بشراهة عند نفس السعر 60-65 . فياهل ترى من سيكون صائباً و من سيكون متحسراً؟

أخ نضال انا مابتوقع رح يوصل السعر لنقطة ال65 لانه بالنهاية المركزي لن يقدر على إخفاء الحقيقة مهما تطورت أساليبه ولكن أتمنى من الله عز وجل ان يثبت سعر الصرف وان لايجعله يحلق كما حدث في المرة السابقة لانه وقتها ستكون المصيبة أكبر ..........

[shereen]

اقتباس: المشاركة الأصلية كتبت بواسطة netpro    ****[/right]

كلامك صح مية بالمية اخي الكريم بس انا عم حاول اعرف على انو اساس نزل الدولار لل 70 وعم حلل تحليلات لاتخلو من التخبيص والعصبية لك وفي ناس بتصدق انو لح يرجع لل 60 وعم تبيع وعم تخسر انا مالي عرفانة على اي اساس عم يبيعوبس كمان طول بالك عليي شوي