المتابعة اللحظية لجلسة تداول الخميس 17-6-2010

[NetPro]

اقتباس: المشاركة الأصلية كتبت بواسطة ranakar    اذا بدي افتح حساب بشركة وساطة بالشام ...بكفي بس طلعة وحدة من شان فتح الحساب ...وباقي التعاملات ممكن تصير من هون ......صح ولا بس بظن لما بدي اسحب المصاري لازم اكون انا ...صح بس فتح الحساب مو شرط شخصي على كل الاحوال رح احكي معن اول واشوف شكرا

لا أختي بيمشي الحال بالفاكس حسب معلوماتي بتحبي تجربي راسليني عالخاص بعطيكي معلومات الشركة.
وبداية جربي تحكي مع شركتك

[BROKER]

ميت السلامة أخي منار .. لو اني غير موجود بالقائمة

[Salem_mestow]

يعطيكن العافية جميعن اليوم راحت علي الجلسة مع اني فاتح المنتدى و صفحة التداول بس اجاني شغل طارق خارج المكتب و راح عليه البيع مرة تانية للاسلامي بس مو خاسرة يلي ما باع الوقت جاية لصعود آخر لسى بما انوا في تحديد لزمن زيادة رأس المال بس بدها صبر
على فكرة انا كنت عم اتناقش المرة الماضية مع الآخ نت برو و قلت انوا الخروج حيكون على 1320 طبعاً انا ما مع اعتمد على تحليل فني و لا على التنجيم إنما على سلوك السهم ضمن فترة محددة حسب عدة معطيات يعني بمراقبة السهم منلاقي دائماً السهم عم يرتفع 40 ليرة عن نقطة المقاومة طبعاً برجع بقول انوا هاد رآي شخصي بس يمكن بالصدفة عم تظبط معي
بس كمان ما ظبت معي و بعت مع الآسف بسبب العمل :patch_pleur1:وانا شخصياً عم فكر احتفظ بالسهم لنهاية العام
لأنوا السهم ما خرج مضاربة صار

[سمير]

تحية وبعد
تعطل اتصال الأنترنت أثناء الجلسة ولم أستطع المتابعة معكم ولامتابعة السوق
إخوتي الأعزاء بروكر وسعيد أنا أعتز بكم وبثقكم وشهادتكم بي
وأنتظر رحلتكم الموعودة إلى حلب

[غالب]

رح تتفاجئ كتير اخي غالب من شخصية الاستاذ سمير "أبو أحمد"


هاد ما عدا الكرم و الوجه البشوش و حسن الاسقبال

تأييد كامل للأخ بروكر ..
الأخ سمير .. أخ عزيز وراقي جداً ..


الاخ بروكر
الاخ سعيد
والله يا اخي بروكر لم أفاجأ من شخصية الاخ سمير كما توقعته واحسن بكثير وافضل واكرم واعز وارقى من كل ما قلتم عنه وتفاجئت من الشكل المرسوم في بالي فقط فكرته اطول شوي اضعف شوي بس طلع احلى مما توقعت واخلاق رفيعة والي بيروح على حلب وما بيلتقي الاخ سمير ابو احمد كأنه لم يزور حلب ....

الاخ سمير غمرتني بلطفك وكرمك واخلاقك العالية والف مبروك مجددا على انفراج ازمتك نتمنى ان نلتقي بك في دمشق بأقرب فرصة لقد سعدت كثيرا بالتعرف عليك وأسواء ما في اللقاء كان ضيق الوقت ولكن أعدك سنعوض ذلك لاحقا نتمنى الربح الوفير للجميع .....

[BROKER]

بالهنا أخي غالب

نيالك يا عم ...

والحمد لله على سلامتك

[وسام الساهر]

أحلى شي بالمنتدى انو عم يعرفنا على بعض شخصي وكل الشكر لأخي بروكر
وانا من اليوم ورايح اللي بيسافر من حلب للشام او بالعكس ومابينزل بحماه راح ازعل منو كتير
قد اعزر من أنزر

[غالب]

اقتباس: المشاركة الأصلية كتبت بواسطة وسام الساهر    أحلى شي بالمنتدى انو عم يعرفنا على بعض شخصي وكل الشكر لأخي بروكر وانا من اليوم ورايح اللي بيسافر من حلب للشام او بالعكس ومابينزل بحماه راح ازعل منو كتير قد اعزر من أنزر

الاخ وسام الساهر -حماة

صباح الخير تحية طيبة ما بدك هالشغلة الرايح والجاي بين حلب والشام بيمر بحماة احسن الك انسحب قبل ما يصدقوا الشباب على حجة بدنا نشوف النواعير واللحم بحماة بلدي والسمنة بلدية اصلية انت الخسران ................. كو انا بعدني في حلب هه وبعد كم يوم راجع على الشام ايش بدك بهالشغلة على كل اخي وسام عمنمزح معك اكيد انت السيف المجرب وما بتقصر انت وكل اهل حماة والنا الشرف نتعرف عليك بدون نواعير وبدون لحم بلدي وبدون سمنة بزيت بيمشي الحال النا الشرف ولكن انا اقترح على شباب المنتدى اكيد قصدي الشباب الي فوق الاربعين سنة مو انو نعبي بولمان ونساوي رحلة على حماة نزور وسام الساهر ايش رايكن تحية طيبة

[سمير]

اقتباس: أحلى شي بالمنتدى انو عم يعرفنا على بعض شخصي وكل الشكر لأخي بروكر وانا من اليوم ورايح اللي بيسافر من حلب للشام او بالعكس ومابينزل بحماه راح ازعل منو كتير قد اعزر من أنزر

ياسيدي انشالله رح نجي مخصوص لعندك
أطيب التحيات

[غالب]

اقتباس: المشاركة الأصلية كتبت بواسطة broker    بالهنا أخي غالب نيالك يا عم ... والحمد لله على سلامتك

الاخ بروكر
مكانك خالي شكرا لك كنت اتمنى وجودك عقبال ما نلتقي قريبا وبعدين انا ما زلت في حلب بيرك كم يوم والله يسلمك