سعر صرف الدولار والذهب مقابل الليرة السورية اليوم الخميس والجمعة6و7 -03- 2014

[hash]

اقتباس: المشاركة الأصلية كتبت بواسطة ryad    يا سيدي جارتنا سيدة صالحة و مواطنة صالحة خير الله بتعرف ليش؟؟؟ صرلا عم تصمد من ال1998 التقعاديات تبعات جوزا و عم تعيش على ولادا شو بيعطوها بتعرف قديش صمدت بمصرف التوفير؟؟؟ صمدت 400.000 ليرة فالحمدلله قررت تكون مواطنة صالحة و تدعم الليرة السورية و هلأ قيمتون 100.000 ليرة اقسم بالله ما قلا انك مواطنة صالحة لتدعي عليي بالمناسبة أهالينا كانوا مواطنين صالحين و ما قلبوا السوري تبعون لدولار وقت كان الدولار بـ7 ليرة سورية.... فالحمدلله كونون كانوا مواطنين صالحين وقتا ما خلا الليرة تنزل غير لل50 يعني بنسبة 615 % يعني على هالحالة لازم تصير الليرة و هي مو كلنا مواطنين صالحين 310 على أقل أقل تقدير

بس تخلص الازمة والدولار ما بيطلع لفوق 310 معناها نحنا بألف خير

[عابر مجيب]

اقتباس: المشاركة الأصلية كتبت بواسطة hash    اناربقترح يحول الكل لسوري ولو خسرراسمالو وتعب عمرو لانو المصلحة العامة اهم بكتير من المصلحة الخاصة وهيك بكون مواطن صالح

المصلحة العامة لا تكون إلا من الجميع معا
ممكن الكلام عنها يكون اشبه بالهلوسة او الاشتراكية المثالية أو المدينة الفاضلة .
كلها نظريات وكلام كتب وأحلام ولا يمكن تحقيقها .
بس كانت فعلا محققة ببلد عريق راقي
كان التاجر يبيع الزبون صنف أو صنفين فقط ويرفض بيعه الباقي
وكان يوجهه للشراء من جاره قائلا ، انا اكتفيت اليوم ، ولكن جاري ما استفتح .
هذه أخلاق يحلم بها ويحاول تمثيلها والتظاهر بها الكثيرون من أدعياء الدين والأخلاق
وكل رجل دين ينسب الفضل لنفسه ودينه
ولكن في سوريا كان هذا تصرف التجار وكانوا خليطا من عدة اديان وطوائف ، جمعت بينهم مكارم الأخلاق .

[جوليت]

لم يعد هناك مجال للشك بأن المركزي اصبح اللاعب الاقوى في السوق السورية من بابها لمحرابها , مجرد التلويح بالعصا الحيتان ( طبعا عا اساس بنعتبرون حيتان ) يرفعون العشرة ............ تحية للمركزي وادواته .................

[جوليت]

البعض بعدو عايش بوهم والبعض الاخر عم يواسو البعض يلي عايشين بوهم ...... لغز رفع الدولار الجمركي والرفعات المتتالية للنشرة المركزية ( القروش ) ليس الا تغطية ... متل الدبابة يلي بدها تقصف بدخن كتير منشان تعمل غمامة بيضا وماحدا يعرف وين مكان نزول القذيقة والاهم من هيك ايمتا توقيت القصف

[عابر مجيب]

اقتباس: المشاركة الأصلية كتبت بواسطة ryad    يا سيدي جارتنا سيدة صالحة و مواطنة صالحة خير الله بتعرف ليش؟؟؟ صرلا عم تصمد من ال1998 التقعاديات تبعات جوزا و عم تعيش على ولادا شو بيعطوها بتعرف قديش صمدت بمصرف التوفير؟؟؟ صمدت 400.000 ليرة فالحمدلله قررت تكون مواطنة صالحة و تدعم الليرة السورية و هلأ قيمتون 100.000 ليرة اقسم بالله ما قلا انك مواطنة صالحة لتدعي عليي بالمناسبة أهالينا كانوا مواطنين صالحين و ما قلبوا السوري تبعون لدولار وقت كان الدولار بـ7 ليرة سورية.... فالحمدلله كونون كانوا مواطنين صالحين وقتا ما خلا الليرة تنزل غير لل50 يعني بنسبة 615 % يعني على هالحالة لازم تصير الليرة و هي مو كلنا مواطنين صالحين 310 على أقل أقل تقدير

جارتكم حالة خاصة
أولا اللي حصل لها نعمة ، قربتها من ربنا وأكيد كل يوم قاعدة تدعي
وبعدين كل ما فقرت ممكن تكون فرصها في دخول الجنة أكبر .

أنا ما حبيت قول عيب توفر على حساب اولادها ومال الخسيس بيروح فطيس .

[جوليت]

احد الاعضاء عندما قامت جوليت بشرشحة مدير المرفا بطرطوس بمشاركة اعترض وامتعظ بل حرد بل ذهب الى ابعد من ذلك وطلب من الادارة والقيادة العليا للمنتدى حذف المشاركة تحت عذر انو جوليت اهانت موظف ( الله يحرقو ) , عضو اخر اليوم يقول عن رئيس الحكومة بلفظ سيئ ... نفس العضو لايعترض بل يشجعوه (يمكن رئيس الحكومة مو موظف بس مدير المرفأ موظف يمكن ؟؟؟؟) هذا يدعو للتساؤول والاستغراب بل يوصلنا الى فكرة مفادها .... انو هي هي المسخرة بعينا ......

[عابر مجيب]

اقتباس: المشاركة الأصلية كتبت بواسطة جوليت    البعض بعدو عايش بوهم والبعض الاخر عم يواسو البعض يلي عايشين بوهم ...... لغز رفع الدولار الجمركي والرفعات المتتالية للنشرة المركزية ( القروش ) ليس الا تغطية ... متل الدبابة يلي بدها تقصف بدخن كتير منشان تعمل غمامة بيضا وماحدا يعرف وين مكان نزول القذيقة والاهم من هيك ايمتا توقيت القصف

الله لا يحرمنا هالطلة ملينا من اللون الواحد
انا سايق من كافة الآليات الهندسية ، واللي بتدخن شوي كنا نحولها عالرحبة فورا
شو الدبابة غير شكل ؟
الدخان الأبيض محركها مفوت وعم تحرق زيت ، كم كيلو عم تاخد باليوم ؟
طيب الغمامة لشو ؟ القذيفة نازلة فوقها ولا بالناحية التانية ؟!
لو في ضرورة للكاموفلاج ، كانوا عملو دبابة بسبطانتين ، بتضرب ، وبتسأل : بأنو ايد ؟

[أحمد الأحمد]

شو دبابه وشو غمامه عفكرة الدبابه بتعمل غمامه من بخار المازوت لتخبي حالها وماتنضرب.
بنجي للحيتان هنن اسم عمسمى وهنن اعرف الناس بالمركزي وبيعرفو البير وغطاه وهنن اشطر من الكل وبالنتيجة ماعم بتصرفو من الخوف لانهم لهم هدف واحد وهو الربح ومن شطارتهم عم يستغلو كل شي صادر عن المركزي لمصلحتهم وعم بيحققوا الارباح .
الربح هدفهم وليس طلوع الدولار ونزوله زي المنشار طاﻻلع واكل نازل واكل .
مش كده ولا ايه .

[hasobman]

الواحد ما بيتغطى الا بيكون بردان
وما بيموه الا بيكون خايف

وعشان اخونا المسار الي ما الو عينة كم يوم ما يزعل
من ابداعات ابو نجيب

[جوليت]

اقتباس: المشاركة الأصلية كتبت بواسطة أحمد الأحمد    شو دبابه وشو غمامه عفكرة الدبابه بتعمل غمامه من بخار المازوت لتخبي حالها وماتنضرب. بنجي للحيتان هنن اسم عمسمى وهنن اعرف الناس بالمركزي وبيعرفو البير وغطاه وهنن اشطر من الكل وبالنتيجة ماعم بتصرفو من الخوف لانهم لهم هدف واحد وهو الربح ومن شطارتهم عم يستغلو كل شي صادر عن المركزي لمصلحتهم وعم بيحققوا الارباح . الربح هدفهم وليس طلوع الدولار ونزوله زي المنشار طاﻻلع واكل نازل واكل . مش كده ولا ايه .

برأي ولا ايه :
سهلة الحوت يلي بيمشي الحيط الحيط وبقول يارب السترة هادا اكيد حبيبو للمركزي كونو عم يكون وسيط نزيه لنقل الدولار يعني فيك تقول حوت محمود
اما الحوت يلي بدو يكبر راس ويعمل معلم , اكيد أدواتو للمركزي بتعرف تتعامل معو وهادا الحوت يطلق عليه الحوت المذموم ذو السلوك السيئ يلي بحاجة لتقويم سلوكي .... سهلة