سعر صرف الدولار والذهب مقابل الليرة السورية اليوم الاثنين 20 -01- 2014

[ADIB]

اغلاق طرطوس مبيع 150 شراء 148

[ghasangsb]

اقتباس: المشاركة الأصلية كتبت بواسطة جوليت    الله يسلمك , بس عاشو , لاعملية جراحية عاملة , وبعدني برا البلد , وماتعرضت لحادث , وماني مريضة , بقى عاشو الحمد لله عالسلامة

نيالك برا البلد وبتعرفي الأسعار في كل زنكة زنكة من البلد ( على قولة...........)
حبذا لو كان عندي نص عشر خبرتك ومعارفك كنت إغتنيت

[eng.mdkh]

ميالة: الاحتياطيات المتوافرة كافية لـ"مواجهة أزمات أشد من الحالية"

المصدر : سيريا نيوز

[shereen]

اقتباس: المشاركة الأصلية كتبت بواسطة عبدالقادر    اخبارك صارت اقوى من جوليت

لا هادا الخبر حبيت اهديه لجولييت لشوف الدولار وين بدو ينهار بس ماردت

[Sameh]

اقتباس: المشاركة الأصلية كتبت بواسطة انس الحموي    تحية الك اخي سامح ولجهودك بنقل اسعار الشام ...لفت انتباهي لما كان السعر بالموقع 151...153 وضعت مشاركة انو اكتر الشي بالشام المبيع 150 وبغض النظر اذا حماة كانت 152 وقتها ولا لا ..رح احكيلك حتوته صغيره عن هوامير السوق واالاعيبن ...وانا بسوق الساعة 2 ونص كانت الناس متعطشة متفحمة للدولار والطلب على اشده وكان وقتها 151.5 متوفر بصعوبة بالغه ,,,دخل احد الهوامير وقال السوق برد يعني ما عاد في 151.5 قلتله لكن شو السوق قال ب151 في عندي 30 الف اذا بدك التله فورا هنه معك ولا بدك تشوف صاحبن قلي ذكرن قدامي احد الهوامير من دقيقة وانا والله العظيم ما كانوا لازماتني ولا داخل السوق منشان اشتري 30 الف بس صارت الشغلة تحدي ومنشان حجم هل الشخص واعطيه درس قلتله انت مفوض والتفويض يعني روح معك دقيقة وعشرة وساعه ثبتلي 30 الف على 151 حاص حاص واتصل بفلان وفلان واخر الشي طلع صغير كتير ...التله كلمة وحدة عيب عليك هيك تصرفات ما تقول في بكذا وهو مافي بكذا منشان تخوف الناس وبدك السوق يبرد وبالاخر طلعت بالخجلة ...يعني كيف عما تعرض 30 الف وانت ما بتملكها وحتى ما موجودة بالاصل على هل السعر ...قلي السوق متخربط وصار يبرر ...اخيرا كان في حوت بحماة معروف بيشتري بسعر رخيص لانو مرخص وببيع بسعر السوق السودا باقل نص او ليرة يعني حوت بمعنى الكلمة ...التله في 50 الف قلي هاتن عال 151.5 ولما ما عطيته خبر رجع اتصل وقلي شو صار معك باخد كلشي عندك ...لذلك اخي سامح بدك تعرف السعر الحقيقي بدك تكون شايف امامك شراء ومبيع وليس فقط شراء والمبيع دايما اهم من سعر الشراء ولازم يكون لكميات كبيرة وما بيعني اذا حدى فرد على 150 شوية بضاعه بكون هادا سعر المبيع ....احلى سامح حماة الان شراء 152 ......مبيع 153

يسعد مساك اخي انس ومساء الاخوة
يمكن بتنقصني الحنكة هل عندك بالتعامل مع الناس
بس عند شغلة بتنقصك وهي التجربة الكبيرة بالحياة من خلال خوض مشروع والخسارة فيه
الله لايجعلك تكتسب خبرة الخسارة
اخي انس هل حط السعر على العدادات الموقع انا, طبعا بعد اجماع المشرفين المختصين بالسعر
رغم اني مو مقتنع ابدا بالسعر 153 بس حطيته لانه في اجماع عليه وخاصة لما نسألت انت بعت او اشتريت او شفت بعينك اليوم قلت لاء عالهاتف بس
بس بالاخر تأكدت واخواتي المشرفين المختصين تأكد واحد منهن انه السعر هل ذكرته كان صح
وبالفعل تم الترويج لارتفاع السعر عبر الصفحات عالنت والموقع التانية وصار الارتفاع بالسوق لسعر 151.5وبالاكثر152 للعلم الارتفاع هل صار المسا
لانه الكبار فرطوها وسكرو جوالاتهن مو لانه السعر ارتفع لانه بقي الشئيعة
تقبل احترامي ومحبتي الك وللاخ اسامة ولكل اهلنا بحماة

[GoldMan$]

اقتباس: المشاركة الأصلية كتبت بواسطة eng.mdkh    ميالة: الاحتياطيات المتوافرة كافية لـ"مواجهة أزمات أشد من الحالية" المصدر : سيريا نيوز

معقول لحق يقرأ مشاركتي عن الاحتياطي ههههه ... يا اما عم يحضرنا لازمة اشد وعم يمهل الها مشان ما يرجع يجن الدولار ... الله يستر ... ... تحيااتي للجميع ...

[رشاد حج علي]

والله اعلم التالتة ثابتة باقل من اسبوع اجتماع + تصريحين لحد الآن نجحو بكبح السوق اي انفلات بالسعر رح يضطر المركزي لفرد الجيبة شوية ويدخل والله اعلم

[انس الحموي]

احلى سامح عفكرة اسامة كان معي بالسوق والتقينا هونيك بهداك المكان صدفة ...وشهد كل يلي جرى ...
حماة الان شراء 152 .....مبيع 153
يبدو هدف ال153 تم الوصول اليه بمنتهى السهولة براي اذا تم هيك السوق صعود هبوط وبفوارق منيحة رح يخلي الهوامير والحيتان تلعب اكتر فيه ويمكن نشوف بالشهر الحالي والقادم قفزات وفروقات كبيرة بالاسعار


اخيرا من الملاحظ انو كميات الدولار بالسوق باتت قليلة جدا والارتدادات عما تكون عنيفه ولو كان هناك كميات كبيرة من الدولار بالسوق لما شهدنا 3 قفزات بالسعر خلال اسبوع واحد فقد تخطى 152 3 مرات بحماة... ولامس ال147 مرة ومرتين 148

[shereen]

اقتباس: المشاركة الأصلية كتبت بواسطة رشاد حج علي    والله اعلم التالتة ثابتة باقل من اسبوع اجتماع + تصريحين لحد الآن نجحو بكبح السوق اي انفلات بالسعر رح يضطر المركزي لفرد الجيبة شوية ويدخل والله اعلم

ولزيدك من الشعر بيت بكرة كمان اول يوم من الافراج عن الاموال الايرانية التابعة للملف النووي الايراني وتبلغ 4,5مليار دولار من اصل 100 مليار وحتما كلهم جايين عسوريا وينزل الدولار لل 100 ومن ثم الى 45,5 ليرة

[انس الحموي]

اقتباس: المشاركة الأصلية كتبت بواسطة رشاد حج علي    والله اعلم التالتة ثابتة باقل من اسبوع اجتماع + تصريحين لحد الآن نجحو بكبح السوق اي انفلات بالسعر رح يضطر المركزي لفرد الجيبة شوية ويدخل والله اعلم

سبحان الله كتبت مشاركتي قبل ما اقرأ مشاركتك وذكرت فيها انو تم انفلات السعر 3 مرات وشهد 3 قفزات باسبوع وانت ذاكر كمان قبل ما تقرأ مشاركتي انو اجتمع المركزي وصرح مرتين اديب مياله ؟؟؟ هادا بدل على افلات سعر الصرف وبدل اكتر على تحسب وتخوف من انفلاته اكتر خصوصا قبل جينيف