سعر صرف الدولار والذهب مقابل الليرة السورية اليوم الاربعاء 15 -01- 2014

[mak]

اقتباس: المشاركة الأصلية كتبت بواسطة رشاد حج علي    مابعرف شو السر بالاعضاء كلن حاطين احتمال ٢٠٠٪ صعود الدولار مع انو عالميا التوقعات انهيار الدولار وصعود تيارات اقتصادية جديدة

اخي رشاد مع اني مالي مقتنع اساسا بقصة انهيار الدولار امام تيارات اقتصادية جديدة ...بس اكيد حتى ما تقوله انت لا يعني ان الدولار سينهار امام الليرة السورية......ليس لأنه دولار ...بل لأنها ليرة سورية في هذه الظروف التي تعيشها سوريا......يعني و لو كان اغلب الحكي عن الدولار مقابل الليرة لأنو اقوى عملة عالميا (على الأقل في الوقت الراهن مشان ما يزعل الروبل و التومان) بس هبوط قيمة الليرة هو مقابل كل العملات اذا مو حابب تحسبها عالدولار احسبها عالدينار الاردني او الدرهم الاماراتي او الريال السعودي.....ولا الك بلاه الريال خلينا عالدرهم ...صحابنا الشباب اكتر

[رشاد حج علي]

اقتباس: المشاركة الأصلية كتبت بواسطة hasobman    وهي تحشيشة تانية هل تعلمون لماذا الدجاجة بتبيض بيض؟؟؟ طبق البيض ب 700 الدولار ب 150 بتبيع البيض ربحان اما اذا كانت الدجاجة بتبيض دولار بتشتري بالدولار بيض خسران مو هيك

هل تعلم لماذا يقولون عن الماشية الحلال لان ربحها تقريبا مضمون وحلال مية المية طبق البيض 700 واسال اي صاحب مدجنة رح يقلك مكسور

[mak]

اقتباس: المشاركة الأصلية كتبت بواسطة رشاد حج علي    تحية الك اخي تشبيه رائع وحلو بس معكوس برأي سوريا هي الحنفية والمركزي هو الخزان ببساطة لان ماحدا بيعرف شو بقلبو والامكانيات اللموجودة بس انا عندي قناعة انو بايدو الحل والربط يعني لما بيحكي بيفعل تذكر كيف 330 ل 150

اسمحولي ادخل عالخط.......كمان تحليل حلو بس كمان معكوس.....لأني انا للأسف بتذكر كيف 150 لل 330 !!

[رشاد حج علي]

طيب خدونا عقد معرفتنا وخدونا بحلمكن شوية وفسرولنا لماذا لم تنهار الليرة السورية لحد الان اقتصاد معدوم حركة مشلولة رواتب مدفوعة دخل دولة معدوم تقريبا من جهة هاتف ماء كهرباء نفط

[رشاد حج علي]

اقتباس: المشاركة الأصلية كتبت بواسطة mak    اسمحولي ادخل عالخط.......كمان تحليل حلو بس كمان معكوس.....لأني انا للأسف بتذكر كيف 150 لل 330 !!

نقطة ممتازة اخي ماك كانت مو ببالي 150/330 كانت مرحلة كسب للمركزي وهو غير مشروع بعرف ناس باعت اراضي ودهب وسيارات واشترت منحوس($) وهاد هو اللي مخلي الناس تنقم و تتامل بصعود قوي وقاس لتعويض الخسارة

[hasobman]

اقتباس: المشاركة الأصلية كتبت بواسطة رشاد حج علي    تحية الك اخي تشبيه رائع وحلو بس معكوس برأي سوريا هي الحنفية والمركزي هو الخزان ببساطة لان ماحدا بيعرف شو بقلبو والامكانيات اللموجودة بس انا عندي قناعة انو بايدو الحل والربط يعني لما بيحكي بيفعل تذكر كيف 330 ل 150

انا بصراحة ارفع القبعة للمركزي لقدرته على تخفيض السعر (ولو انو نيتو عاطلة بهالتخفيض)
المركزي متل ما قلت اخي الكريم بايدو الحل والربط بس للدبكة والدبيكة الي شابكين ايديهو معو
الا ما يجي يوم وتفرط هالدبكة ويروح كل دبيك بحال سبيلو
ساعتا ما رح يعرف يحل ويربط غير بند سباطو للهروب من الواقع الاليم
اخي الكريم انت بتاكل غذاء مو دولار وفهمك كفاية
اخي الكريم
اقتصاد ماكل هوا
تكاليف عسكرية هائلة
تدمير بنية تحتية بمليارات الدولارات وبجوز الرقم مو بالمليار بجوز بالهكسامليون الله واعلم
سوء ادارة
وشو بدي عدلك لعدلك
وبالاخر بتجي بتقلي بيقدر وما بيقدر
المشكلة اخي الكريم انو نحنا ننظر لسوريا اليوم انا اقول لك انظر لها بالمستقبل
مركزي مجنط وديون خارجية سيادية تمس هيبة الدولة
شو بدي احكي لاحكي
الي بيوكل قتلة ما بيحس بالوجع غير لما يروح عالبيت
وبالاخر ما النا غير الله

[mak]

اقتباس: المشاركة الأصلية كتبت بواسطة رشاد حج علي    طيب خدونا عقد معرفتنا وخدونا بحلمكن شوية وفسرولنا لماذا لم تنهار الليرة السورية لحد الان اقتصاد معدوم حركة مشلولة رواتب مدفوعة دخل دولة معدوم تقريبا من جهة هاتف ماء كهرباء نفط

هاد سؤال صعب .....لازم حولك عالآنسة جوليت ...يمكن تعرف الإجابة ....بس مو شرط تقولها

[رشاد حج علي]

الانسة جوليت بتحكي بس بالالغاز اذا سهرانة هلق بتجمعلنا مشاركات من راس السنة وبتفندن نقطة نقطة

[shereen]

اقتباس: المشاركة الأصلية كتبت بواسطة رشاد حج علي    طيب خدونا عقد معرفتنا وخدونا بحلمكن شوية وفسرولنا لماذا لم تنهار الليرة السورية لحد الان اقتصاد معدوم حركة مشلولة رواتب مدفوعة دخل دولة معدوم تقريبا من جهة هاتف ماء كهرباء نفط

كان في دعم من الهند حتى عملو خط ائتماني مع الارجنيتن نفط وطحين والخ يمكن حضرتك مو ايش بالبلد وعرفت ليش لهلق الليرة صامدة

[المسار]

اقتباس: المشاركة الأصلية كتبت بواسطة رشاد حج علي    الانسة جوليت بتحكي بس بالالغاز اذا سهرانة هلق بتجمعلنا مشاركات من راس السنة وبتفندن نقطة نقطة

مسا الخير عليكم جميعا

والله كننا مبسوطين بهالنقاش ضروري تنكزوها

خليها رايقة