سعر صرف الدولار والذهب مقابل الليرة السورية اليوم الاثنين 27 -01- 2014

[omar1964]

اقتباس: المشاركة الأصلية كتبت بواسطة انس الحموي    حماة الان صدمة للجميع شراء 150 .........مبيع 151 والطلب على اشده من قبل المضاربين ...الهوامير والحيتان يبدو ناطره دخولها بكرى مع العلم في كم هامور عما يباحت على رقم 150

مساء الخير
قبل المغرب لزم لصديق 600 $ و ما استطاع الشراء الا بسعر 152 مع انو معلم و برم السوق كله
المبلغ صغير بالنسبة لجماعة 10000 و 20000 و 50000 بس هادا الواقع عنا ........
الخبر متأخر بسبب انقطاع الكهرباء

[انس الحموي]

اقتباس: المشاركة الأصلية كتبت بواسطة najm    مساء الخير الذهب يراوح على نطاق ضيق لكن برأيي يأبى الهبوط وله صعود ليحيطان 1300 تقنيا قبل الارتداد لمناطق 1260 والله أعلم الان 1264.30

الله يجيرنا من تحليلك لسا ما وضعت تحليلك من هون صار ب1250 من هون ...هههههه...بمزح معك اخ نجم ....الذهب كالعادة طريقة صعب وشاق ولكن لا باس من اللعب على ارتفاعه وانخفاضه على المدى القريب ...من خلال دراسة الشارت ومن خلال الكسرات العنيفة التي تعرض لها يوم الجمعة والتي مازالت الى الان بتعطينا انطباع انو التداول هادا الاسبوع رح يكون حده الاعظمي 1270 ...وقاعه 1240 والله ولي التوفيق

[alternative]

البيت كوين
807.9 $

[المسار]

اقتباس: المشاركة الأصلية كتبت بواسطة المسار    اليوم بدي اشتغل فض اشتباكات هاد القرار لليوم شباب تابعو وانتبهو مو كل واحد على كيفو يفهم سيدتي مشاركة شيرين موجهة لرشاد عن مبارح يلا رشاد رد حتى كمل شغلي لليوم

شباب بس منشان ما تفكرونا مانا فهمانين

هي المشاركة على مبدأ مين سمير

لفض الاشتباك

[انس الحموي]

اقتباس: المشاركة الأصلية كتبت بواسطة رشاد حج علي    سيد انس بعد السلام والتحية سمحلي بالملاحظة هواميركن وحيتانكن دراكولا انبارح بمشاركة الك والسيد اسامة انت قلت انن عم يقولو اكتفو دولار والسيد اسامة قال انو ما عببيعو سوري وكلمن هو وضميرو شو عدا مابدا لسا السوق اخد طبع حذر جدا واعلى سعر تسجل ليوم 149 شراء

بالفعل اخي رشاد هواميرنا وحيتانا غير ....بس رح الك على شغلة بديهية كانت لازم ما تفوتت وذكرت اليوم انو افضل نقطة دخول كانت عصر اليوم ....الهوامير والحيتان لسه ما دخل غير قسم صغير منن واغلب المضاربين بلشت بالدخول ...والمحرك الاساسي عنا بحماة الاستفادة من اعلان الخبر بغض النظر ان تحقق الخبر او لا وهيك بتشتغل المضاربين والهوامير ...استفادوا من بداية اعلان الخبر وخرجوا على 154 وبلشوا لم من العصر ورى على سعر اخفض بكتير وهيك هنه بكونوا حققوا ربحن بغض النظر عن تدخل المركزي او لا وبكونوا حموا انفسن من أي خسارة اثر أي ارتداد او ارتفاع غير متوقع بكرى ...يعني ال 100 الف مبلغ بسيط عملت 400 الف ليرة مربح بيوم ونص....وال 100 الف مبلغ بيمتلكه اصغر الهوامير واغلب المضاربين ...مر كنا باحد الاحياء انا واسامة وكنا محتاجين مبلغ ضروري نزل طفل من سيارته وقلي ادش بدك 100 الف ولا 200 ولا ربع مليون دولار ....وبالفعل اشترينا منه بدقيقة قرابة 100 الف دولار على 153.5 ويمكن هل الطفل هلىء بكون عامل بهل اليومين مليونين تلاته ارباح ....ههههههه...بحماة عنا كلشي غير ...ما بعرف ليش احساسي عما يقول انو بكرى المركزي مارح يعمل شي ويسبب بخسارة لكتير هوامير وحيتان باعت على 152 ويجبرن على الشراء من نقطة اعلى من يلي باعوا عليها ...وبيبقى مجرد احساس

[عابر مجيب]

اقتباس: المشاركة الأصلية كتبت بواسطة alternative    نصيحة اليوم ﻻ تشتري ذهب فالسعر اغلى من سعره الحقيقي ب 200 ليرة سعر الذهب يجب ان يكون 5359 ل س

الذهب هيك ومدعوم ،المفروض يكون أغلى ، المشكلة بسعر الدولار القسري

[عابر مجيب]

اقتباس: المشاركة الأصلية كتبت بواسطة رشاد حج علي    سلامي اخ خليل شو السبب عندكن كل المحافظات 147 /148 شراء 150 /151 باحسن الاحوال بيروت الان 148 شراء 149 مبيع

ما وصلتهم العصاية بسبب البعد عن المركز
لم يبقى صراف في دمشق
حتى مجرد السؤال كافي للادانة ، تم مصادرة حتى الليرة السورية على انها مخصصة لشراء الدولار .
بس متل العادة كم يوم وبترجع حليمة

[عابر مجيب]

اقتباس: المشاركة الأصلية كتبت بواسطة abou aammar    أخي سعر الشراء أنا متأكد منه وشكرا مسبقا على الأسعار الدقيقة التي تضعها لكن هل أنت متأكد من سعر المبيع وهل هو متوفر للكميات فوق 10000$ وشكرا مسبقا

ملعوبة

[عابر مجيب]

اقتباس: المشاركة الأصلية كتبت بواسطة mak    السؤال الذي يطرح نفسه كل فترة.....وين كميات الليرة السورية يللي تم فيها شراء كل دولارات المدخرين؟........علما انه في السنة الأولى للأزمة على ما اذكر تم طباعة كميات كبيرة من الليرة في روسيا ...يعني حتى المركزي كان ناقصو سيولة بالليرة.......معناتا وين هالمخزون الكبير و من يتحكم به؟......و شو رح يصير اذا طرحو فجأة بالسوق؟

هاد هوه السؤال اللي عليه علامات
انبرى لسان المركزي وجماعتو اللي عم يفقسوا وهنن يقولوا في متلاعبين
ونحنا ماعم نفهم عليهم
هدول المتلاعبين ما عندهم شغلة غير يلموا الليرة ويطرحوها على غفلة
المشكلة العصابة من صنف غريب مدري الكف الأسود ، مدري اللهو الخفي
هدول بقا لابسين طاقية الأخفى وبيسافروا وبيرجعوا ومعهم شناتي بتلبس طاقية الأخفى .
نحنا المساكين من كل تراثنا الماضي ، أشطر واحد عندو طاسة رعبة .

[عابر مجيب]

اقتباس: المشاركة الأصلية كتبت بواسطة أبو تيم    السلام عليكم أغلق سوق دمشق 148شراء...............149مبيع الصبح الصراف دفعلي 149 مابعتو قام المساء مادفعلي غير148

هاد مو السعر ، هاد لأن الصراف عرفان مارح تلاقي غيرو ، وإذا لقيت لاتخبرو ، لأنو حيبلغ عن الصراف اللي ضارب عليه .