سعر صرف الدولار والذهب مقابل الليرة السورية اليوم الاحد 19 -01- 2014

[جوليت]

اقتباس: المشاركة الأصلية كتبت بواسطة jamal80    لأخذ العلم السيد دريد درغام ذكر تعليقه على الخبر بالهامش مصدر الخبر موقع سيرياستيبس

شو سيرياستيبس منزهة , نطلب من ادارة موقع سيرياستبس انو وضحلنا الارتباط القائم بين رجل الاعمال (صاحب الموقع ) ووبين مدير المصرف العقاري القديم , ويكتبلنا ياه بمقالة , واتعهد ان كانت المقالة كاذبة , ان انشر اسم رجل الاعمال وكذلك القروض وكذلك ....... ,واخر قرض كان بتاريخ 21 3 2001 . وشام اف ام بدها كلمة .... ونحنا عند كلمتنا اذا الرب يسر , شعارنا معكم حتى النهاية

[kayalij]

اقتباس: المشاركة الأصلية كتبت بواسطة جوليت    شو سيرياستيبس منزهة , نطلب من ادارة موقع سيرياستبس انو وضحلنا الارتباط القائم بين رجل الاعمال (صاحب الموقع ) ووبين مدير المصرف العقاري القديم , ويكتبلنا ياه بمقالة , واتعهد ان كانت المقالة كاذبة , ان انشر اسم رجل الاعمال وكذلك القروض وكذلك ....... ,واخر قرض كان بتاريخ 21 3 2001 . وشام اف ام بدها كلمة .... ونحنا عند كلمتنا اذا الرب يسر , شعارنا معكم حتى النهاية

رجل الاعمال و رئيس ) ة ( تحرير الموقع

[kayalij]

شخصيا أنا مع ادارة المركزي للازمة و برأي الشخصي مانحن عليه بالوقت الراهن أكثر من انجاز و ليس الوقت المناسب للتصيد ومحاولة اقتناص الاخطاء ماحققهالمركزي لتاريخه يشهد له بالحيلة و الذكاء و حسن ادارة الازمة وفقا لمعطيات الحرب القائمة

[انس الحموي]

اقتباس: المشاركة الأصلية كتبت بواسطة جوليت    شو سيرياستيبس منزهة , نطلب من ادارة موقع سيرياستبس انو وضحلنا الارتباط القائم بين رجل الاعمال (صاحب الموقع ) ووبين مدير المصرف العقاري القديم , ويكتبلنا ياه بمقالة , واتعهد ان كانت المقالة كاذبة , ان انشر اسم رجل الاعمال وكذلك القروض وكذلك ....... ,واخر قرض كان بتاريخ 21 3 2001 . وشام اف ام بدها كلمة .... ونحنا عند كلمتنا اذا الرب يسر , شعارنا معكم حتى النهاية

صرت شك انك مرته لاديب مياله ...جوليت انك متزوجة ولا عازبة ؟؟؟ مرات بقول انك عازبة ومرات لما بشوفك كلامك ما بقول الا انك مرته او بنته لاديب مياله او موظفة بالبنك المركزي بمرتبة عضو تنفيذي ...مالنا فيها شو تحليلك لمسار الدولار صرلك اسبوع غايبة عن الساحة انا شايف راح يلامس 153 بكرى او بعد بكرى انت شو شايفه

[alternative]

اقتباس: المشاركة الأصلية كتبت بواسطة jamal80    أعرف أشخاص اشتروا الدولار بسعر 200 و 210 بعدما صرح أحد المسؤولين بأنه سعر مقبول هؤلاء الأشخاص مثلهم كثير لم تكن غايتهم المضاربة و إنما كان همهم الحفاظ قدر الإمكان على مدخراتهم فهل يا ترى خوفهم على مدخراتهم جعلهم مجرمين و حولهم إلى مضاربين بنظر المركزي ؟ ليتباهى فيما بعد بالنصر المزعوم عليهم 600 مليون دولار يلي تم الاعتراف بهم و المخفي أعظم عبارة عن سرقة بوضح النهار من رقبة الشعب المعتر تحت عنوان من بطولات المركزي

يا اخي جمال للتصحيح هي مو سرقة اسمها
هي اسمها تجارة
والتجارة شطارة حسب مفهوم العصر الحالي
مع انو التجارة كانت امانة وثقة و ضمير
كان وقت يقولولك ان فلان تاجر يعني حط ايديك واجريك بمي باردة
والشطارة منتشرة هاﻻيام كتير
شطارة اﻻغذية والمشروبات الفاسدة
شطارة الاستدانة من حسابات اشخاص موجودة بالبنوك
وشطارة النصب واﻻحتيال الشبكي بالمطاعم والفنادق على عينك يا تاجر
وشطارة كل شي بدون يكبوه برا جيبوا لعنا
واخر شي للاسف الشطارة جزء اصيل من ثقافة عامة
اللهم ابعد عنا الشطارة واجعلنا كسلانين

[انس الحموي]

اقتباس: المشاركة الأصلية كتبت بواسطة kayalij    شخصيا أنا مع ادارة المركزي للازمة و برأي الشخصي مانحن عليه بالوقت الراهن أكثر من انجاز و ليس الوقت المناسب للتصيد ومحاولة اقتناص الاخطاء ماحققهالمركزي لتاريخه يشهد له بالحيلة و الذكاء و حسن ادارة الازمة وفقا لمعطيات الحرب القائمة

وانا بتفق معك مية بالمية ...والله يا شباب بغض النظر عن افعال المركزي اذا كانت مشينة ولا لا ...بس والله الحيتان عنا والسوق ما بيعرفه الرحمة والمتل بقول سوق ما بيرحم والله لولا وجود المركزي بالسوق كنا شفنا الدولار ب2000 بسهولة تامة وكنا شفنا الوضع مزري اكتر من الصومال ...بفعل تهافت الناس والتجار على اقتناء الدولار صاروا ياكلوا دولار ويشربوا دولار ...لما وصل عال 300 الناس عافت حالها كلشي دوبل ست اضعاف وين هلىء الف رحمة ...فما بالكم اذا صار بالفين الناس رح تجن وما تلاقي رغيف خبز تاكله ...باعتقادي قلة قليلة خسرت من جراء اقتناء الدولار على سعر 200 ومافوق بس اغلب الناس صرفت ب50 ليرة ونصف الشعب صرف ب74 و10 بالمية صرفت ب150 ...اما يلي صرفوا ب200 ومافوق فما بتعادل نسبة شخص من كل مية الف شخص ...وهدول صحيح يمكن خسروا شوي بس الحمد لله ما هل الخسارة الكبيرة وفينهم بشوية حركة وشغل يعوضوا خسارتن ...اخيرا حتى يلي خسر بالدولار وقالبن دولار على سعر 200 ومافوق كسب حاله انو صغر حجم العملة وصار فينو يخبيها وياخدها معه لاي مكان على الاقل هو ما خيفان من سرقة او ما ملاقي مكان يخبين او عايش بخوف لو معه سوري باي لحظة نشوف سعر 200 و 300 و 500 ...ومنرجع منقول المركزي يشكر سواء كانت اساليبه دنيئة وملتوية او لم تكن ...فقد قام بعمل انجاز ضخم وكبير الى الان ...دعونا نشاهد الامور من نواحي متعددة ولا ننظر للامر فقط من ناحية واحدة ...فالقطيع يلي عنا ما شابه قطيع وشعبنا من كتر ما متحضر كلمة بتاخده وكلمه بتجيبه يا بينبحت فرد بحته عالشراء يا بينبحت فرد بحته عالمبيع

[جوليت]

اقتباس: المشاركة الأصلية كتبت بواسطة انس الحموي    صرت شك انك مرته لاديب مياله ...جوليت انك متزوجة ولا عازبة ؟؟؟ مرات بقول انك عازبة ومرات لما بشوفك كلامك ما بقول الا انك مرته او بنته لاديب مياله او موظفة بالبنك المركزي بمرتبة عضو تنفيذي ...مالنا فيها شو تحليلك لمسار الدولار صرلك اسبوع غايبة عن الساحة انا شايف راح يلامس 153 بكرى او بعد بكرى انت شو شايفه

سيد انس انا المصرف المركزي سبق وقلت معه قلبا وقالبا وانا مالي اي ارتباط بالمصرف المركزي لامن قريب ولاحتى من بعيد , ومجال عملي بعيد كل البعد عن مجال المال ... بالنسبة للمسار , انت بتعرف استراتيجيتي , بكتب الامور بشكل يومي وهادا اصعب بكتير من تحديد مسار , ولكن هناك مشاركات سابقة لي محورية ولم انقدها بعد ................ شكرا لك

[أحمد الأحمد]

اقتباس: المشاركة الأصلية كتبت بواسطة انس الحموي    حماة الان شراء 150 ....مبيع 151 ارتفاع الطلب بشكل كبير وحاد

اخي انس رح تستعمل كلمة عاجل بكثرة
عدم الاستقرار عنوان هذه المرحلة
طبخة جنيف مفروضه على الجميع
الارتفاع هو عنوان تحول الدولار السياسي الى الاقتصادي

[انس الحموي]

اقتباس: المشاركة الأصلية كتبت بواسطة جوليت    سيد انس انا المصرف المركزي سبق وقلت معه قلبا وقالبا وانا مالي اي ارتباط بالمصرف المركزي لامن قريب ولاحتى من بعيد , ومجال عملي بعيد كل البعد عن مجال المال ... بالنسبة للمسار , انت بتعرف استراتيجيتي , بكتب الامور بشكل يومي وهادا اصعب بكتير من تحديد مسار , ولكن هناك مشاركات سابقة لي محورية ولم انقدها بعد ................ شكرا لك

والله غريبة يعني كيف ما الك أي ارتباط مع المركزي وبنفس الوقت بتذكر قروض لرجال اعمال ومصارف وقيمة تلك القروض والتواريخ يلي حصلوا عليها ...خلص جوجو حارتنا ضيقة ومنعرف بعض ...يا سلام شو بتكمل معي اذا بتطلعي بنته لاديب مياله ...بتوكل على الله وبطلب ايدك واكيد المهر وتكاليف العرس بتكون على عمي المركزي

[انس الحموي]

اقتباس: المشاركة الأصلية كتبت بواسطة أحمد الأحمد    اخي انس رح تستعمل كلمة عاجل بكثرة عدم الاستقرار عنوان هذه المرحلة طبخة جنيف مفروضه على الجميع الارتفاع هو عنوان تحول الدولار السياسي الى الاقتصادي

نورتنا بعودتك استاذ احمد ...والف سلامة ..بالفعل من اليوم ورايح حاسس رح يكون في عاجل كتير بس يا ترى رح كون فاضي لحتى انقل العاجل اول باول وبالفعل يلي صاير بهل الكم يوم بورصة حقيقية بكل معنى الكلمة تخيلوا اشتريت اليوم عشرة الاف على 147 عند الظهر وعند المسا ما عدت لقيت عال 150 اول البارحة كان واصل لل 153 وبعدها نزل لل 149 باليوم الواحد عنا بحماة عما نشوف تقلب من 3 الى 4 ليرات احيانا بالسعر وهل الشي عما يسبب توتر للبعض وبنفس الوقت الهوامير مكيفه رجع الشغل وصاروا يجنوا باليوم 200 الف باليوم عالاقل من فروقات وتقلبات الاسعار