سعر صرف الدولار والذهب مقابل الليرة السورية اليوم الاثنين 13 -01- 2014

[عابر مجيب]

اقتباس: المشاركة الأصلية كتبت بواسطة tigereye    مرسوم بفرض غرامة خمس أضعاف على السيارات التي بقيت خارج القطر لأكثر من سنة تنص المادة 1 من المرسوم رقم 3 لعام 2014 على منع مالكي المركبات الآلية إخراج مركباتهم خارج القطر من المنافذ الحدودية بقصد بيعها إلا بعد إيقافها عن السير وتنظيم بيان تصدير لها وتسديد كافة الرسوم المالية المترتبة عليها. وتفرض على مالك المركبة الذي قام ببيع مركبته خارج القطر, بحسب ما جاء في المادة 2 , غرامة مالية لصالح الخزينة العامة للدولة تساوي 5 أمثال قيمة المركبة المحددة في قيودها عند تسجيلها لأول مرة لدى مديرية النقل المختصة. وتقضي المادة 3 بمنع بقاء المركبة الآلية خارج القطر مدة تزيد على سنة من تاريخ خروجها من القطر تحت طائلة تطبيق أحكام المادة (2) من هذا المرسوم على مالك المركبة. وتمنح المركبة الآلية التي غادرت القطر, بحسب المادة 5 من المرسوم, مهلة 3 أشهر من تاريخ نفاذ هذا المرسوم لتسوية أوضاعها وفق أحكامه تحت طائلة فرض رسم مقداره خمسة أمثال قيمة المركبة المحدد في قيودها عند تسجيلها لاول مرة لدى مديرية النقل المختصة.

الجنسية السورية لا تسقط عن حاملها ، وبمجرد ما وقعت رجلك بالمصيدة علقت ، أشبه بقولهم وحياة خالقك ماني مفارقك !
وينطبق هذا على السيارات على مايبدو
هاد بدل ما يرجعوا ضريبة الرفاهية والجمارك ورسوم التسجيل .
يعني شي بيشبه شهادة الوفاة وضريبة دفن وكلفة قبر اللي بتتاخد من البني آدم !
يا ترى ممكن نشوف خدمة جديدة بالمواصلات اسمها هفي اضبارة سيارة وطمس سجلاتها ؟!
أكيد القانون بمفعول رجعي مع اننا قضينا حياتنا في القضاء على الرجعية .

[dollar]

اقتباس: المشاركة الأصلية كتبت بواسطة عابر مجيب    الخبر من صياغة هاوي ، أراد ان يبيض وجهو ، ويكحل الليرة ، راح عماها على الآخر . معقول صدقوا انو يروحوا يشتروا السوري اللي عم يستعمل للمضاربة بالخارج ، متل ما كتبت من شوي وانو يشتروا من لبنان السوري المتوفر . يطرحوا كمية كافية من الدولار محليا ، أوفر وأفضل ، وممكن يمنع ادخال السوري في هذه المرحلة ، بيحترق المضارب . وببيع الألف السوري بدولار ، لأنو ما بينصرفو معو ولا بيقدر يدخلهم للبلد . حبكة الخبر وتركيبة الفكرة للتبرير كلها غلط ، ومؤلفها إقتصادي غشيم ومروجها إعلامي جاهل .

مساء الخير
بصراحة انا توقعت هاد الحكي بس ماعرفت صيغ الفكرة
الله يعطيك العافية استاذ عابر
شكرا

[shereen]

اقتباس: المشاركة الأصلية كتبت بواسطة عابر مجيب    الجنسية السورية لا تسقط عن حاملها ، وبمجرد ما وقعت رجلك بالمصيدة علقت ، أشبه بقولهم وحياة خالقك ماني مفارقك ! وينطبق هذا على السيارات على مايبدو هاد بدل ما يرجعوا ضريبة الرفاهية والجمارك ورسوم التسجيل . يعني شي بيشبه شهادة الوفاة وضريبة دفن وكلفة قبر اللي بتتاخد من البني آدم ! يا ترى ممكن نشوف خدمة جديدة بالمواصلات اسمها هفي اضبارة سيارة وطمس سجلاتها ؟! أكيد القانون بمفعول رجعي مع اننا قضينا حياتنا في القضاء على الرجعية .

استاذ عابر عم يقولو على هالمرسوم انو اسعار السيارات بدها تنزل للنص ببتوقع يصير هيك شي او لا علما انو في معلومات غير مؤكدة باستيراد السيارات المستعملة الاوروربية قريبا

[alternative]

الذهب يخترق حاجز
1250
الى اين

[عابر مجيب]

اقتباس: المشاركة الأصلية كتبت بواسطة shereen    استاذ عابر عم يقولو على هالمرسوم انو اسعار السيارات بدها تنزل للنص ببتوقع يصير هيك شي او لا علما انو في معلومات غير مؤكدة باستيراد السيارات المستعملة الاوروربية قريبا

انا بعيد عن سوق السيارات من زمان ، ما عندي معلومات متكاملة لأبني عليها توقعات .
انا زعلان بس على المسكين اللي هرب من تحت القصف وأخد سيارته ، وأكيد تراجعت احواله واضطر يبيع السيارة ليعيش بثمنها ، وهلأ طلعلو مقلب لا على البال ولا على الخاطر !
المفروض يتم تطبيق القانون اعتبارا من تاريخ صدوره ، يمكن في ناس باعوا سياراتهم من أكتر من سنتين .
مو غريب نستورد سيارات مستعملة ، السيارات المستعملة من أفضل غسالات الأموال ، لا حدا بيعرف رسمالك ولا حدا بيثبت سعر البيع ، وبالتالي مافي حدا يقول من اين لك هذا ؟

[hasobman]

كل فترة بصير هيك بيطلع بيرجع بينزل
معقولة ولا واحد من الخبراء عنا هون ما عرف شو صار
حتى ولو بعد حين
يعني نفسو المركزي ما عم يعطي اسباب للرفعة ولا للنزلة
والا يكون صار شي تا طلع ورجع نزل
يعني وبعدين على هالحالة
الاسعار ارتفعت وبدها بكرة شي شهر لتنزل
بالاخر نحنا تبهدلنا من هالطلعة وما استفدنا منها شي غير خربان البيوت
يعني وبعدين حسبي الله ونعم الوكيل احسن شي
بس والله شئ لا يطاق لا يطاق
ما عاد اقدر اتحمل

[hasobman]

قبل وبعد هالرفعة الصغيرة
بيض 625 اليوم 700
سكر 90 اليوم 105
كاكاو650 اليوم750
دبس بندورة 1300 اليوم 1450
هدول اليوم اشتريتهم يعني السعر تازة
طبعا السعر ترفع بمجرد شم ريحة الارتفاع
وبانتظار رجوع السعر لما كان عليه الله واعلم بجوز تروح شي اسبوعين او تلاتة
وما حدا يدافع عن التاجر ويقلي اشتروا بضاعتهم بالرفعة بدي ازعل منو هه

[shereen]

اقتباس: المشاركة الأصلية كتبت بواسطة hasobman    قبل وبعد هالرفعة الصغيرة بيض 625 اليوم 700 سكر 90 اليوم 105 كاكاو650 اليوم750 دبس بندورة 1300 اليوم 1450 هدول اليوم اشتريتهم يعني السعر تازة طبعا السعر ترفع بمجرد شم ريحة الارتفاع وبانتظار رجوع السعر لما كان عليه الله واعلم بجوز تروح شي اسبوعين او تلاتة وما حدا يدافع عن التاجر ويقلي اشتروا بضاعتهم بالرفعة بدي ازعل منو هه

مشان هيك بيكون الافضل للمواطن سعر 300 للدولار وفوق لسة الاسعار اللي ذكرتها كانت قد نصها وقت وصل الدولار لل 300